Войти на сайт
26 Июня 2026 года

 

  • Ёмюрлюк шохлукъну джел элтмез.
  • Ишин билген, аны сыйын чыгъарады.
  • Накъырда – кертини келечиси.
  • Сакъалы текени да бар, мыйыгъы киштикни да бар.
  • Адамны артындан къара сабан сюрме.
  • Келинин тута билмеген, къул этер, къызын тута билмеген, тул этер.
  • Эркиши – от, тиширыу – суу.
  • Эртде тургъан джылкъычыны эркек аты тай табар.
  • Ат басханны джер билед.
  • Къан бла кирген, джан бла чыгъар.
  • Сагъыш – къартлыкъгъа сюйюмчю.
  • Тенги кёбню джау алмаз, акъылы кёбню дау алмаз.
  • Таула не мийик болсала да, аууш табылыр.
  • Джумушакъ терекни къурт ашар.
  • Къыз келсе, джумуш эте келеди, къатын келсе, ушакъ эте келеди.
  • Алим болгъандан эсе, адам болгъан къыйынды.
  • Уллу сёзде уят джокъ.
  • Джыгъылгъанны сырты джерден тоймаз.
  • Арыгъан къош чамчы болур.
  • Ашыкъгъан cуу, тенгизге джетмез.
  • Окъугъан озар, окъумагъан тозар.
  • Мураты болгъанны джюрек тебюую башхады.
  • Сакъламагъан затынга джолукъсанг, не бек къууанаса, не бек ачыйса.
  • Ачлыкъда тары гырджын халыуадан татлы.
  • Сёз къанатсыз учар.
  • Борчунг бар эсе, хурджунунга ойлаб узал.
  • Акъыл сабырлыкъ берир.
  • Чакъырылгъанны аты, чакъырылмагъанны багъасы болур.
  • Ач, тоймам, дейди, тойгъан, ач болмам, дейди.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Тюкюрюк баш джармаз, налат кёз чыгъармаз!
  • Бети къызарыучу адамны, джюреги харам болмаз.
  • Тили узунну, намысы – къысха.
  • Ёлген ийнек сютлю болур.
  • Миллетни бойну – базыкъ, аны бла кюрешген – джазыкъ.
  • Арбаз къынгырды да, ийнек сауалмайма.
  • Билим – акъылны чырагъы.
  • Эте билген, этген этеди, эте билмеген, юретген этеди!
  • Хансыз джомакъ болмаз.
  • Чакъырылмагъан джерге барма, чакъырылгъан джерден къалма.
  • Байны къызы баймакъ болса да, юйде къалмаз!
  • Ётюрюкню къуйругъу – бир тутум.
  • Акъдан къара болмаз.
  • Тура эдим джата, къайдан чыкъды хата?
  • Эринчекге кюн узун.
  • Намысы болмагъанны, сыйы болмаз.
  • Шайтан алдады, тюзлюк къаргъады.
  • Нёгерсизни джолу узун.
  • Ариу сёз – джаннга азыкъ, аман сёз – башха къазыкъ.
  • Мухардан ач ычхынмаз.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 15 16 17 18 19 ... 62 След.
RSS
Келигиз, тил байлыгъыбызны сакълайыкъ!
 
#401
Джаратама0
05.03.2008 19:40:02
кокетка
Къатынгда къарачай адам болмаса, къарачайча сёлешмей турсанг унутула болур ана тил.
Ол да алайды, алай а адамны сагъышы, тюшю, къайсы тилде бола эсе, ол аны джанындады, джюрегиндеди. Суратлау литератураны окъургъа керекди.
 
 
 
#402
Джаратама0
05.03.2008 19:40:49
Салам алейкум! Али-Мурат Хасанович, мени сизге бир сорууум барды. Къарачай-Малкъар миллетни къалай къуралгъаныны юсюнден научно-практический конференцияла этилемидиле институтда?
 
 
 
#403
Джаратама0
05.03.2008 19:42:06
кокетка
Мени да бир соруум бар эди, мындан алда би Сюйюнчланы Азамат бла ушагъыбызда, Азамат Алимович джаш адамла тилни билир ючюн, школ, университет да тюл, ата-анадыла джууаблы, деген эди, сизни къарамыгъыз къалайды ол соруугъа?
Мен да аныча сагъыш этеме, сабийни ана тилни билиуде эм алгъа ата-анадыла джолоучулары. Терслик уллуладады.
 
 
 
#404
Джаратама0
05.03.2008 19:45:26
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!!
 
 
 
#405
Джаратама0
05.03.2008 19:46:06
Махмуд
Соруунга сау бол! 90-чы джыллагъа деричин хар студент институтну бошаса, анга кърал иш табыб, эки-юч джылны ишлемейин амалы джокъ эди. Алай болса, ала анга юрениб къалыб кете эдиле школда, бусагъатда кърал тюрленнгенича, хар неда тюрленнгенди. Алай а, бизде студентлени саны бир кесек азайсада, кёбюсю школлада ишлейдиле, башха ишге кетгенле аздыла.
 
 
 
#406
Джаратама0
05.03.2008 19:48:45
КОРОЛЁК
Университетде окъутхан себебли, сизни талай аспирантыгъыз да болур? Сау болугъуз

1994 джыл бизни кафедрабызда аспирантура ачылгъан эди, андан бери заманда мени кесими 7-ти аспиранты филология кандидаты деген алим атланы, бюгюнлюкде да беш аспирантым барды. Аладан экиси джай ишлерин джакъларыкъдыла.
 
 
 
#407
Джаратама0
05.03.2008 19:53:23
SOFIKOSHKA
Мен соруу соргъунчу бир хапар айтайым. Бир кюн джолоучу болуб Черкесск шахаргъа тебрегенме. Газелни ал орнуна олтуруб барама. Къатымда уа бир эркиши олтуруб турады.. Шофер да, ол эркиши да ушакъ этедиле къарачай бла орус тилини къатышдырыб. Мени да ушакъгъа къошдула. Мен а уа орусча селешдим. Сора, ол къатымда олтургъан эркиши менге къараб: "Къызчыкъ, сен къарачайлымыса", - деб сорду. "Къарачайлыма", - дедим мен. Сора ол менге урушду. "Сен къарачайлы эсенг, къарачайны джеринде тура эсенг, орусча нек селешесе?" Мен джунчудум. "Оруслу мы болады, тегейли мы болады, черкесли мы болады, биринчи къарачайча селеш да, ангыламасала орусча ангылатырса", - деди ол менге. Тюз айтамыды, огъесе, къалай болургъа керекди?
Аны айтханында да болур бир зат, алай а "айюню кесин кёре эди да, ызын ызлай эди" дегенлей, аллында башха миллетден адам сюелиб тургъанын биле тургъанлай, кесинги тилингде сёлешген табсызыракъ болурму?
 
 
 
#408
Джаратама0
05.03.2008 19:56:57
Сорвиголова
Али-Мурат Хасанович, мени сизге бир сорууум барды. Къарачай-Малкъар миллетни къалай къуралгъаныны юсюнден научно-практический конференцияла этилемидиле институтда?
Бизни университетде Татарстандан, Башкортостандан, Россияны башха регонларындан кёб алим да болуб, 1990-чы джыллада "Этногенез карачаевцев и балкарцев" атлы бютеуроссия илму конференция ётгенди, аны материаллары китаб болуб да чыкъгъандыла. Ызы бла да аллай конференция ётгенди.
 
 
 
#409
Джаратама0
05.03.2008 19:58:26
мелек
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!!
Соруунг тюппе-тюздю! Биз айтхан да олду
 
 
 
#410
Джаратама0
05.03.2008 19:58:34
Сау болугъуз!
 
 
 
#411
Джаратама0
05.03.2008 20:00:14
Салам Алейкум Али-Мурат Хасанович! Мен билиб Къарачай шахарны бир-бир школларында къарачай тилни "орус группалада" бардыла, ала алындан да къарыусуз окъугъан сабийлеге болушлукъгъа деб къуралгъандыла, алай а, эринчек къауум сабийле, аланы ата-аналары да аладан артха къалмайдыла, арыб кёчюрюб барадыла. Анга къалай къарайсыз сиз?
 
 
 
#412
Джаратама0
05.03.2008 20:01:53
Бизни университетде Татарстандан, Башкортостандан, Россияны башха регонларындан кёб алим да болуб, 1990-чы джыллада "Этногенез карачаевцев и балкарцев" атлы бютеуроссия илму конференция ётгенди, аны материаллары китаб болуб да чыкъгъандыла. Ызы бла да аллай конференция ётгенди.

Буну окъудум да акълыма келди: миллетле-арасы аллай конференцияла ётемидиле къарачай-малкъар алимлени къошулуу бла?
 
 
 
#413
Джаратама0
05.03.2008 20:14:19
Батчаланы Али - Мурат
Мени энтда ма быллай соруум барды: сёз ючюн кесингден уллу адамгъа айтырынг болса орусча аны атын да, атасыны атын да айтаса. А кесибизча къуру атын айтсанг айыблы боласа.Биринчи атасыны атын айтыб, аны ызындан кесини атын айтсанг да келишмейди) Къалай этерге керекди, сизни кёлюгюзге къалай келеди?
 
 
 
#414
Джаратама0
05.03.2008 20:15:11
Батчаланы Али Мурат

Сау болугъуз Мен сагъыш этгенча айтдыгъыз сиз да! Ол эркишиге алай айтыргъа уялдым да, джукъ айтмай къойдум, - менден иги кесекге тамада эди. Мени тенгли болса уа, бир эки селеширик болур эдим ол затны юсюнден!
 
 
 
#415
Джаратама0
05.03.2008 20:16:16
Али-Мурат Хасанович, мен къарачай тилде джазгъаным себебли, хар джол сайын тюбеген бир затым барды, тил бла кюрешген бир къауум адамла тукъумланы джазгъан, айтхан сагъатда да -лени деген аффиксни хайырландырыргъа керекди дейдиле. Сиз анга къалай къарайсыз?
 
 
 
#416
Джаратама0
05.03.2008 20:21:41
Батчаланы Али Мурат
Къарачай тилни бюгюн болумун алыб къарасакъ, кесибизни тилибизде, башхаладан сёз къатышдырмай сёлеширге бармыды мадар?
Сау болугъуз!
 
 
 
#417
Джаратама0
05.03.2008 20:21:48
МИНГИ ТАУ
Мен билиб Къарачай шахарны бир-бир школларында къарачай тилни "орус группалада" бардыла, ала алындан да къарыусуз окъугъан сабийлеге болушлукъгъа деб къуралгъандыла, алай а, эринчек къауум сабийле, аланы ата-аналары да аладан артха къалмайдыла, арыб кёчюрюб барадыла. Анга къалай къарайсыз сиз?
Аллай классла кертиси да шахарны школларында бардыла, алай а ала къарачай сабийлеге тюл, башха миллетлени сабийлерине къуралгъандыла, кеслери да билирге излегенлеге. Къарачай сабий ана тилни дерсин толу окъургъа керекди. Бу затда школланы директорлары, гороноланы, районоланы тамадалары "Тиллени юсюнден джорукъгъа" таяна, сабийлени аллай группалагъа джазмазгъа керекдиле. Ала бютеу джамагъатны аллында джууаблыдыла.
 
 
 
#418
Джаратама0
05.03.2008 20:24:17
sama
Буну окъудум да акълыма келди: миллетле-арасы аллай конференцияла ётемидиле къарачай-малкъар алимлени къошулуу бла?
Башында айтханыбызча, докладланы асламысын къарачай-малкъар алимле этгендиле. Аланы къыйынлары бу ишде бек уллуду, багъалыды, сау болсунла!
 
 
 
#419
Джаратама0
05.03.2008 20:26:49
КОРОЛЁК
Мени энтда ма быллай соруум барды: сёз ючюн кесингден уллу адамгъа айтырынг болса орусча аны атын да, атасыны атын да айтаса. А кесибизча къуру атын айтсанг айыблы боласа.Биринчи атасыны атын айтыб, аны ызындан кесини атын айтсанг да келишмейди) Къалай этерге керекди, сизни кёлюгюзге къалай келеди?
Мен ангылагъандан уллу болсун, гитче болсун адамны атын айтыргъа керекди, нек десенг сиз деген алмашда орус тилден алыннганды. Ол кёблюк санны кёргюзеди. Мени сартын, атын айтыб къойсанг айыб болмаз.
 
 
 
#420
Джаратама0
05.03.2008 20:31:06
Девушка Гор
Али-Мурат Хасанович, мен къарачай тилде джазгъаным себебли, хар джол сайын тюбеген бир затым барды, тил бла кюрешген бир къауум адамла тукъумланы джазгъан, айтхан сагъатда да -лени деген аффиксни хайырландырыргъа керекди дейдиле. Сиз анга къалай къарайсыз?
Бу затны юсюнден алимлени арасында да бир тиллилик джокъду. Мен билгенден тукъумну аягъына - ланы деген кёблюк санны аффиксин къошаргъа керекди, сёз ючюн: Орусбийланы, Хубийланы, Сюйюнчланы... Ол адам аладан, аланы тукъумларындан болгъанын кёргюзтеди. Аны юсюне да "сингормонизмни джоругъу" деб болады, тилни юсюнден айтхан заманда, кесингден къурамай, джорукъ излегенча этерге керекди.
 
 
 
#421
Джаратама0
05.03.2008 20:33:09
Акъ_Беленькая
Къарачай тилни бюгюн болумун алыб къарасакъ, кесибизни тилибизде, башхаладан сёз къатышдырмай сёлеширге бармыды мадар?
Аллай мадар барды, алай а аны бла хайырланнган бек къыйынды. Бизни сёздю деб тургъанлыкъгъа, тинтсенг ол сёз башха тилден болуб чыгъады. Орус сёзлени къатышдырмай сёлеширге уа эркин боллукъду.
 
 
 
#422
Джаратама0
05.03.2008 20:33:34
Батчаланы Али Мурат
Мен ана тилими иги билмейме, керек заманда хайырландырыргъа биргеме сёзлюк джюрютюрге излейме, къайсы сёзлюкню хайырландырайым бир айтсагъыз а?
 
 
 
#423
Джаратама0
05.03.2008 20:42:15
Батчаланы Али Мурат
Сау болугъуз, джууаб бергенигизге
 
 
 
#424
Джаратама0
05.03.2008 20:45:39
Хауа сюрюучю
Айыб этмегиз, энтда бир соруу бере кетейим, ансын заманым тыкъды.
Сиз англадыгъыз болур, хар бирибиз бирер шахардан джазабыз. Тыш къралладан джазгъанлада бардыла. Ол себебден, хар бирибизни къарачайча сёлешиб турур мадарыбыз болмайды. Ана тилге тансыкъ болсакъ бу форумгъа киребиз. Аны барын айтханым. Сизни сохталарыгъыз бу форумгъа кириб, ана тилде кеслерича темала ачыб, бизни да халатларыбызны тюзете турур мадарлары бармыды?Компьютерлери интернетлери джокъ эсе, Эльбрусоидни мекямына келе турсала, алгъа компьютерле табылырла деб акъылым алайды. Анга сизни сагъышыгъыз къалайды?
"Эльбрусоид" атлы форумну баш магъанасы - къарачай бла малкъарны тамырлары бирча, сагъышлары, иннетлери да бир болуб, бир оюмгъа келишдириу, джарсыулагъа, къууанчхада бир ангы бла къаратыуду. Бу ишни башлагъанлагъа уллу джюрек разылыгъымы билдире, саулукъ, эсенлик теджейме. Тюздю, башха джерде джашагъан адам ана тилинде сёлеширге онг табмайды, тансыкъ да бола болур. Бу затда да бу форумну магъанасы бек уллуду.
 
 
 
#425
Джаратама0
05.03.2008 20:48:04
Апокалипсис_бла)))
Мен ана тилими иги билмейме, керек заманда хайырландырыргъа биргеме сёзлюк джюрютюрге излейме, къайсы сёзлюкню хайырландырайым бир айтсагъыз а?
1990-чы джыл бизни кафедрада ишлеген алимле, мен да ичлеринде болуб "Русско-карачаево-балкарский словарь - разговорник " чыгъаргъанбыз. Бу ишде ол хайырлы болур деб кёлюме келеди.
 
 
 
Страницы: Пред. 1 ... 15 16 17 18 19 ... 62 След.
Читают тему (гостей: 16)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.