- Акъыллы – эл иеси, тели – эл баласы.
- Хата – гитчеден.
- Келгинчи, къонакъ уялыр, келгенден сора, къонакъбай уялыр.
- Эртде тургъан джылкъычыны эркек аты тай табар.
- Эм ашхы къайын ана мамукъ бла башынгы тешер.
- Джаш къарыу бла кючлю, къарт акъыл бла кючлю.
- Ач, тоймам, дейди, тойгъан, ач болмам, дейди.
- Джарлы эскисин джамаса, къууаныр.
- Къоркъакъны кёзю экили кёрюр.
- Кесинг сынамагъан затны, адамгъа буюрма.
- Кёб къычыргъандан – къоркъма, тынч олтургъандан – къоркъ.
- Айныгъанлы алты кюн, тогъайгъанлы тогъуз кюн.
- Ашлыкъ – бюртюкден, джюн – тюкден.
- Билмейме деген – бир сёз
- Джахил болса анасы, не билликди баласы?
- Адамны аманы адамны бети бла ойнар.
- Айырылмаз джууугъунга, унутмаз сёзню айтма.
- Элиб деген, элге болушур.
- Кёзю сокъурдан – къоркъма, кёлю сокъурдан – къоркъ.
- Билим ат болуб да чабар, къуш болуб да учар.
- Нафысынгы айтханын этме, намысынгы айтханын эт.
- Ким бла джюрюсенг, аны кёзю бла кёрюнюрсе.
- Бек ашыкъгъан меннге джетсин, дегенди аракъы.
- Айранны сюйген, ийнек тутар.
- Башы ишлегенни, ауузу да ишлер.
- Атынг аманнга чыкъгъандан эсе, джанынг тамагъынгдан чыкъсын.
- Акъыл аздырмаз, билим тоздурмаз.
- Биреуге аманлыкъны тилеме да, кесинге ашхылыкъны тиле.
- Айтханы чапыракъдан ётмеген.
- Билимли ёлмез, билимсиз кёрмез.
- Суу кетер, таш къалыр.
- Къонагъынгы артмагъын алма да, алгъышын ал.
- Кёкдеги болмаса, джердегин кёрмейди.
- Сакъламагъан затынга джолукъсанг, не бек къууанаса, не бек ачыйса.
- Джырчы джырчыгъа – къарнаш.
- Ана къойну – балагъа джандет.
- Сабийликде юретмесенг, уллу болса – тюзелмез.
- Ат да турмайды бир териде.
- Ач къалгъандан, кеч къалгъан къолай.
- Эки итни арасына сюек атма, эки адамны арасында сёз чыгъарма.
- Аман адам этегингден тутса, кес да къач.
- Атлыны ашхысы, ат тизгининден билинир
- Аман эсирсе, юйюн ояр.
- Къартха ушагъан джаш – акъыллы, джашха ушагъан къарт – тели.
- Сескекли кесин билдирир.
- Хатерли къул болур.
- Башланнган иш битер, къымылдагъан тиш тюшер.
- Къанны къан бла джуума, аманны аман бла къуума.
- Таш бла ургъанны, аш бла ур.
- Иги сёз – джаннга азыкъ, аман сёз башха – къазыкъ.
Келигиз, тил байлыгъыбызны сакълайыкъ!
|
Салам алейкум!
 Али-Мурат Хасанович, мени сизге бир сорууум барды. Къарачай-Малкъар миллетни къалай къуралгъаныны юсюнден научно-практический конференцияла этилемидиле институтда? |
|
|
|
|
|
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!!
|
|
|
|
|
|
мелек
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!! Соруунг тюппе-тюздю! Биз айтхан да олду  |
|
|
|
|
|
Сау болугъуз!
|
|
|
|
|
|
Батчаланы Али Мурат
Къарачай тилни бюгюн болумун алыб къарасакъ, кесибизни тилибизде, башхаладан сёз къатышдырмай сёлеширге бармыды мадар? Сау болугъуз!  |
|
|
|
|
|
Батчаланы Али Мурат
Мен ана тилими иги билмейме, керек заманда хайырландырыргъа биргеме сёзлюк джюрютюрге излейме, къайсы сёзлюкню хайырландырайым бир айтсагъыз а? |
|
|
|
|
|
Батчаланы Али Мурат
Сау болугъуз, джууаб бергенигизге |
|
|
|
|
Читают тему (гостей: 1)