- Къайгъы тюбю – тенгиз.
- Тёзгеннге, джабылгъан эшик ачылыр.
- Ойнай билмеген, оюн бузар.
- Бюгюн дуния кибик, тамбла ахыратды.
- Адам сёзге тынгыла, акъыл сёзню ангыла.
- Ашхы тенг джолгъа салыр, аман тенг джолдан тайдырыр.
- Джолда аягъынга сакъ бол, ушакъда тилинге сакъ бол.
- Аман къатын алгъан, арыр, иги къатын алгъан джарыр.
- Аджаллыгъа окъсуз шкок атылыр.
- Бети къызарыучу адамны, джюреги харам болмаз.
- Тай асырагъан, атха минер.
- Сакъламагъан затынга джолукъсанг, не бек къууанаса, не бек ачыйса.
- Юй ишлеген балта эшикде къалыр.
- Aдам боллукъ, сыфатындан белгили.
- Айтхан – тынч, этген – къыйын.
- Кёб джашагъан – кёб билир.
- Чарсда алчыны эл кёреди.
- Къралынгы – душмандан, башынгы от бла суудан сакъла.
- Алма терегинден кери кетмез.
- Кюн кёрмеген, кюн кёрсе, кюндюз чыракъ джандырыр.
- Ауругъанны сау билмез, ач къарынны токъ билмез.
- Къыз тиширыу кеси юйюнде да къонакъды.
- Джангызны оту джарыкъ джанмаз!
- Джарлыны тону джаз битер.
- Биреу къой излей, биреу той излей.
- Ишлемеген – тишлемез.
- Джиби бир къат джетмей эди да, эки къат тарта эди.
- Агъач – джерни чырайы, кийим – эрни чырайы.
- Ач, тоймам, дейди, тойгъан, ач болмам, дейди.
- Тенгинг джокъ эсе – изле, бар эсе – сакъла!
- Элге къуллукъ этмеген, элге ие болмаз.
- Ариу сёз джыланны орнундан чыгъарыр.
- Биреуге аманлыкъ этиб, кесинге игилик табмазса.
- Джашны джигитлиги сорулур, къызны джигерлиги сорулур.
- Байдан умут эте, джарлыдан ёгюз багъасы къорады.
- Келлик заман – къартлыкъ келтирир, кетген заман – джашлыкъ ёлтюрюр.
- Аууз сакълагъан – джан сакълар.
- Тас болгъан бычакъны сабы – алтын.
- Эм ашхы къайын ана мамукъ бла башынгы тешер.
- Байлыкъ адамны сокъур этер.
- Орундукъ тюбюнде атылсам да, орта джиликме, де да айлан.
- Баланы адам этген анады.
- Айраннга суу къош, телиге джол бош.
- Эки къатын алгъанны къулагъы тынгнгаймаз.
- Тойну къарнашы – харс, джырны къарнашы – эжиу.
- Таукел къуру къалмаз.
- Айныгъанлы алты кюн, тогъайгъанлы тогъуз кюн.
- Эринчекге кюн узун.
- Атадан ёксюз – бир ёксюз, анадан ёксюз – эки ёксюз.
- Дууулдаса – бал чибин, къонса – къара чибин.
Келигиз, тил байлыгъыбызны сакълайыкъ!
|
Салам алейкум!
 Али-Мурат Хасанович, мени сизге бир сорууум барды. Къарачай-Малкъар миллетни къалай къуралгъаныны юсюнден научно-практический конференцияла этилемидиле институтда? |
|
|
|
|
|
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!!
|
|
|
|
|
|
мелек
ДА КЪАЙДАМ КЪАЙДАМ КЕЧЕРИКСИЗ,МЕН АНГЛАГАНЧА КЪАРАЧАЕСЕН КЪАРАЧАЙЧА СЕЛЕШИРГЕ КЕРЕКТИ НЕГЕРЛЕРИНБЛА!!!!! Соруунг тюппе-тюздю! Биз айтхан да олду  |
|
|
|
|
|
Сау болугъуз!
|
|
|
|
|
|
Батчаланы Али Мурат
Къарачай тилни бюгюн болумун алыб къарасакъ, кесибизни тилибизде, башхаладан сёз къатышдырмай сёлеширге бармыды мадар? Сау болугъуз!  |
|
|
|
|
|
Батчаланы Али Мурат
Мен ана тилими иги билмейме, керек заманда хайырландырыргъа биргеме сёзлюк джюрютюрге излейме, къайсы сёзлюкню хайырландырайым бир айтсагъыз а? |
|
|
|
|
|
Батчаланы Али Мурат
Сау болугъуз, джууаб бергенигизге |
|
|
|
|
Читают тему (гостей: 1)