Войти на сайт
26 Июня 2026 года

 

  • Чабакъсыз кёлге къармакъ салгъанлыкъгъа, чабакъ тутмазса.
  • Ачыкъ джюрекге джол – ачыкъ.
  • Аууз сакълагъан – джан сакълар.
  • Ким бла джюрюсенг, аны кёзю бла кёрюнюрсе.
  • Арбаз сайлама да, хоншу сайла.
  • Таукел тауну аудурур.
  • Тенгинг джокъ эсе – изле, бар эсе – сакъла!
  • Тулпарлыкъ, билекден тюл – джюрекден.
  • Кюлме джашха – келир башха.
  • Эр сокъур болсун, къатын тилсиз болсун.
  • Юйюнгден чыкъдынг – кюнюнгден чыкъдынг.
  • Ата Джуртуму башы болмасам да, босагъасында ташы болайым.
  • Къазанчы аман болса, къазаны къайнамаз.
  • Джангыз торгъай джырламаз.
  • Ёнгкюч къууана барыр, джылай келир.
  • Хар ишни да аллы къыйынды.
  • Билмейме деген – бир сёз
  • Дуния малгъа сатылма, кесингден телиге къатылма.
  • Ауругъаннга – кийик саулукъ, джетген къызгъа – чилле джаулукъ.
  • Атлыны кёрсе, джаяуну буту талыр.
  • Окъуусуз билим – джокъ, билимсиз кюнюнг – джокъ.
  • Сабыр джетер муратха, сабырсыз къалыр уятха.
  • Тойгъан антын унутур.
  • Баргъанынга кёре болур келгенинг.
  • Сагъышы джокъ – джукъучу, акъылы джокъ – къаугъачы.
  • Бет бетге къараса, бет да джерге къарар.
  • Къызны минг тилер, бир алыр.
  • Ёзденликни кёбю ётюрюк.
  • Джол бла сёзню къыйыры джокъ.
  • Къумурсхала джыйылсала, пилни да джыгъадыла.
  • Ачны эсинде – аш.
  • Башланнган иш битер, къымылдагъан тиш тюшер.
  • Кёб къычыргъандан – къоркъма, тынч олтургъандан – къоркъ.
  • Тёрени джагъы джокъ.
  • Азыкълы ат арымаз, къатыны аман джарымаз.
  • Тамбла алтындан бюгюн багъыр ашхы.
  • Къуру гыбыт бек дыгъырдар.
  • Аш иеси бла татлыды.
  • Адамны сыфатына къарама, сёзюне къара.
  • Этни бети бла шорпасы.
  • Тилде сюек болмаса да, сюек сындырыр.
  • Аджал соруб келмез, келсе, къайтыб кетмез.
  • Сабийликде юретмесенг, уллу болса – тюзелмез.
  • Сютню башын джалагъан къутулур, тюбюн ичген тутулур.
  • Киштикге къанат битсе, чыпчыкъ къалмаз эди.
  • Сормай – алма, чакъырылмай – барма.
  • Кюл тюбюндеги от кёрюнмейди.
  • Къанны къан бла джуума, аманны аман бла къуума.
  • Башда акъыл болмаса, эки аякъгъа кюч джетер.
  • Айтылгъан буйрукъ, сёгюлмез

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 23 24 25 26 27 ... 62 След.
RSS
Келигиз, тил байлыгъыбызны сакълайыкъ!
 
#601
Джаратама0
28.03.2008 18:55:13
[b]Aybazullu[

Хойнух бузда ойнагъандыла. Юла. Волчок.

Хойнухну кючлю буруб къоллары бла, сора къамчичик бла бузда тегерек айландырыб тургъандыла. Ким кеб айландырса тохтатмай - ол кабханнъа саналгъанды.
 
 
 
#602
Джаратама0
28.03.2008 18:57:31
Да сиз а, къарт эгечигизни талагъын тургъустуб къоясыз да
 
 
 
#603
Джаратама0
28.03.2008 19:19:34
Кергелен
Сау бол, кёб затны ангылатдынг.
 
 
 
#604
Джаратама0
28.03.2008 20:37:43
Минги Тауну юсюнден окъугъанымда, эсиме келди.
Ёлюмсюз Гемуда
Минги тауну тёппесинде айрысы барды. Аны Гемуданы туягъы тийиб этген эди дейдиле. Минги тауну башында эки шауданчыкъ болгъанды да, энди джокъдула ол шауданчыкъла. Шауданланы эки джанында эки джипи топалчыкъ болгъанды. Гемуда бирин ашаб тауусхунчу, бири джангыдан кырдык чыгъа эди. Ол бир талай заманнга дери, шаудандан да иче, кырдыкдан да отлай, алай тургъанды. Ол эки топалчыкъла аны ач этмегендиле. Ол суудан ичгеннге къартлыкъ джетмей эди деб, алай айтадыла. Алай джашай тургъанды да, андан артха Аллах билсин къалай болгъанды, Гемуда да джокъду алайда.
 
 
 
#605
Джаратама0
28.03.2008 22:50:17
Сорвиголова

АЛАУГАН ТАЙНЫ КЪАЛАЙ ТУТХАНЫНЫ ЮСЮНДЕН.


Нарт элден узакъ болмай бир уллу кел болгъанды. Ол келден кюн къушлыкъ заманда эки тай чыгъыучан эдиле. Чыгъыб, тегерекни сымарлаб, сора келге кириб, теп-тегерегине джюзюб арысала, ызларына , келге, ташайыб кетгендиле.
Нарт элде эркишиле, ол тулпар тайлагъа кезлери къараб, къалай тутаргъа билмей ,кеб сагъыш этгендиле. Бир кюн элде эркиши къалмай,бирер кючлю аркъан да алыб,келню джагъасына баргъандыла да, бирери бирер чунгур къазыб, алагъа кириб, букъгандыла. Алауган а ол кюн юйде болмагъанды. Тайла чыгъар заманны аллы бла аркъанларыны учларын къолларына чырмаб, тайла келден чыгъыб ,тегереклерине къарай тебрегенлей, аркъанларын тайланы боюнларын мараб атхандыла. Атханлыкъгъа уа, бир деб бири аркъанын тайланы боюнларына тюшюралмай,тюнгюлюб кетгендиле.
Бу хапарны эшитиб, экинчи кюн тюш заманда къылдан эшилген ,кючлю аркъанны да биргесине алыб, Алауган келню джагъасында букъгъанды. Бир чунгургъа кириб, сакълай тургъанды да. заман джетгенлей, келден бир тору тай бла бир кек тай чыкъгъанларын керюб, башын энишге букъдуруб , аркъанны алда баргъан тору тайгъа силдегенди, алай а аркъан артдан келген кек тайны бойнуна тюшгенди.
 
 
 
#606
Джаратама0
28.03.2008 23:25:40
2222222
Алауган не къарыун да салыб ,тартыб тайны кесине джыйгъанды. Тайны кесине джууукъга келтиргинчи, базыкъ къылдан эшилген аркъаны созулуб ,халыча ингичке болгъанды. Тайны алай чыгъаргъаны бла эрлай сермеб , бир къолу бла къулагъындан тутханды да, бирси къолу бла да джюгенни тайны башына кийдиргенди. ДЖюген бла тартыб, юйюне джетгенди да,къарнашларындан къалгъан ат джерни тайны сыртына салгъанды. Юч айылын да къаты къысыб ,къамчисин да къолуна алыб, секриб тайгъа миннгенди.
Минсе, аллай тайгъа минсин, элдеги атланы бир айгъа джюрюгенлери чакълы , бу тай бир атлаб къойгъанды., джылгъа джюрюгенлерине уа --бир сагъат да турмай баргъанды. Аллай джюрюк, дюлдюр тай болгъанды Алауган келден чыгъаргъан кек тай. Тайны кесине юретгинчи ,аны иги сылыт этиб, джууаш этиб, элине къайтыб келгенди. Тайны атына ГЕМУДА атагъанды.
Нарт элни адамлары джыйылыб, Алауганнга эшитдире:
-----Бу санча муну къалай тутду, джамагъатдан кючлю къалай болду?!--деб. бек сейир --тамаша болгъандыла.
----Мен эркишиме!--деб джууаб бергенди Алауган да.
Алауганнга эришиб, сау элни эркишиси джыйылыб, биягъынлай , келде къалгъан тору тайны тутаргъа мурат этиб , аркъанларын да алыб,келню джагъасында бугъуб марлагъандыла, алай а тору тай келден чыкъмай къалгъанды.
 
 
 
#607
Джаратама0
29.03.2008 14:16:58
Гемуда кимни аты эди, деб сорсала недерикме деб, сагъышланыб тура эдим, сау бол болушханынга. былай болуша турсанг а, мен джазгъанлай турлукъма.
 
 
 
#608
Джаратама0
29.03.2008 15:34:10
Сорвиголова
Машалла сеннге, алай эте келе, толу къарачайлы болуб къаласа
 
 
 
#609
Джаратама0
29.03.2008 18:02:07
Акъыллычыкъ
Болурма Аллах айтса, сен да болуша турлукъ болурса? Атынга ушай эсе билиминг, сенден кёб затха юренирге боллукъду.
 
 
 
#610
Джаратама0
29.03.2008 18:05:58
Къарашауайны атыны аты уа къалай эди?
 
 
 
#611
Джаратама0
29.03.2008 18:09:50
Къарашауайны атыны аты уа къалай эди?

Биле эдим мен аны))Тил тюбюмдеди , чыгъаргъа унамайды андан ансы))))))))
 
 
 
#612
Джаратама0
29.03.2008 18:13:37
аааа
Къарашауайны атыны аты уа къалай эди?

Китабла бизни къатышдыргъа тебрегендиле.
Гемуда джаз башында, тотур айда, туугъанды,
Бек сюйгени Къарашауай болгъанды-деб окъудум.
 
 
 
#613
Джаратама0
29.03.2008 18:16:26
Сорвиголова, мен билиб...эрде бир китабда...Къарашауайны аты болгъанды Гемуда деб биле эдим...алай а...Алауган да...Къарашауайны атасыды...))
 
 
 
#614
Джаратама0
29.03.2008 18:18:02
Тохтагъыз, энтда да бир затла табдым. Къарашауайны атына къарт атасы Алауган "Гемуда" деб атагъанды.-деб окъудум. Къатышдым, тоба. Алауганны джаш заманында аты болуб, къарт болгъанында аны атын кесини туудугъуну Къарашауайны атына атагъан болурму?
 
 
 
#615
Джаратама0
29.03.2008 18:22:29
))))энди сагъыш эт...)))
дагъыда...былайда башха зат болургъа боллукъду....Гемуда тюз ат тюл эди...Алауганнга къууллукъ этиб...андан сора... Къарашауайны аты болургъа да боллукъду...))
билгениме кере....Алауган джашына джюген бериб...барда джылкъыны къатында... бу джюгенни зынгырдат... тауушха келген ат...сенге джараулу ат боллукъду деб ашыргъан эди...
 
 
 
#616
Джаратама0
29.03.2008 18:29:19
аааа
Асыры кёб окъугъандан быланы юслеринден къатышдым. бир кесекчик сагъыш этейим, болсунму?
 
 
 
#617
Джаратама0
29.03.2008 18:42:25
Сорвиголова, сез да джокъ...))))
 
 
 
#618
Джаратама0
29.03.2008 19:23:32
Кимни аты болгъанын билмейме Гемуда, эртденли китабланы окъуб кюрешеме, сизнича къатышханма. Келигиз. Къарашауай бла Гемуданы юслеринден бир хапарчыкъ джазайым!
Джылланы биринде, "Къыбылама джанындан нарт джерлеге джаула киргендиле", - деб, къуугъун келгенди. Нартла алагъа къаджау атланнгандыла. Къарашауай да ала бла болгъанды. Джауланы излей, айлана - джюрюй баргъанда, Къарашауай, къалай эсе да, нёгерлеринден айырылгъанды. Бара-барыб, Доммайлы башы таулада, чаука сюрюуча, кёб санлы бир затланы эслеб, ала таба баргъандыла. Барса, ала уа ол хапарлары чыкъгъан джаула болгъандыла. Къарашауай бла аланы арасында уруш башланнганды. Ол аланы кёбюсюн къыргъанды, къалгъанлары къачыб тебрегендиле, ол да аланы ызларындан къуугъанды. Ол аланы ызларындан къууб баргъан заманда, Гемуда бир таудан бир таугъа секиргенди. Ол секириб, бирси таудан джерге тюшгенинде, ал аягъы бла уллу къара джассы ташны басханды. Гемуда асыры залимден, кючю бла келиб ташха тийгенинде, аны ал аягъы ташха батханды. Ол аны тартыб, андан чыгъаргъандан сора, аны туякъ ызы ташда къалгъанды, аны себебли ол ташха "Къарашауайны Гемудасыны ташы" дейдиле. Ол бусагъатда да Доммайлы деген къышлыкъда турады. Къарашауай, джауланы ызларындан джетиб, аланы къырыб бошаб, Минги Тау таба кетгенди.
Къарашауай да, Гемуда да ёлмегендиле, саудула деб, хапар алайды. Айтыугъа кёре, ала Минги Тауну тийресинде джашайдыла.
айтыугъа кёре, Минги Тауну тёппесинде, бугъойла ичинде дарман шаудан барды. Джайны чиллесинде аны тёгерегинде кём-кёк кырдык чыгъады. Ол кёзюуде Гемуда ол шауданнга барыб, андан ичиб, аны тёгерегинде отлаб, бир къауум кюн турады. Сора андан кете тебресе, ол дарман суудан элтиб, Къарашауайгъа да ичиреди. Алай бла, ала экиси да, къарт болмай, не ёлмей, Минги Тауну тийресинде джашайдыла.
 
 
 
#619
Джаратама0
29.03.2008 19:52:05
Сорвиголова
Девушка Гор
 
 
 
#620
Джаратама0
29.03.2008 19:56:48
Кергелен
Ингир ашхы болсун! Эртденли Гемудадан, Къарашауайдан, Алаугандан сора сёз да, сагъыш да болмайын къалды да.
 
 
 
#621
Джаратама0
29.03.2008 20:04:30
ХЫЫ , эслеб турама Шидакълай къатышыб тургъаныгъызны.


Излегиз, къазыгъыз, къармагъыз, соругъуз.!
 
 
 
#622
Джаратама0
29.03.2008 20:08:06
Кергелен
Излегиз, къазыгъыз, къармагъыз, соругъуз.!
Къармай - къармай, кёзлерибиз къармалыб къалады. Сау кюнню китабла тюбюнден чыгъалмай къалдым да.
 
 
 
#623
Джаратама0
29.03.2008 20:13:21
Тюнене мени юйюмю керген адам, была кече тебрегендиле дер эди,къарачай бла малкърны кечгюнлюк джазма излей эдим.
 
 
 
#624
Джаратама0
29.03.2008 23:54:30
сможете помочь;

Как переводится 'Чепелеу'? Как этимологизируются фамилии Соттаев, Созаев, Моккаев, Додуев, Доттуев, Этуев, Эбуев, Рахаев, Текаев?
 
 
 
#625
Джаратама0
30.03.2008 02:55:20
сора киши билмеймиди?
 
 
 
Страницы: Пред. 1 ... 23 24 25 26 27 ... 62 След.
Читают тему (гостей: 22)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.