Эльбрусоид :: Форум :: Келигиз, тил байлыгъыбызны сакълайыкъ!

Айыбны суу бла джууалмазса.
Окъуусуз билим – джокъ, билимсиз кюнюнг – джокъ.
Джыгъылгъанны сырты джерден тоймаз.
Биреу ашаб къутулур, биреу джалаб тутулур.
Сууда джау джокъ, кёб сёзде магъана джокъ.
Зарда марда джокъ.
Адебни адебсизден юрен.
Гыдай эчки суугъа къараб, мюйюзле кёрмесе, джашма алкъын, дегенди.
Акъыллы эркиши атын махтар, акъылсыз эркиши къатынын махтар.
Баланы адам этген анады.
Къатын къылыкъсыз, эр тынчлыкъсыз.
Хазыр ашха – терен къашыкъ.
Кёлсюзден сёзсюз тууар.
Аман хансны – урлугъу кёб.
Окъугъан – асыу, окъумагъан – джарсыу.
Уллу суу бла уллу ауруудан башынгы сакъла.
Таукелге нюр джауар.
Айран ичген – къутулду, джугъусун джалагъан – тутулду.
Ёзденликни джайгъан – джокълукъ.
Эринчекге кюн узун.
Эки ойлашыб, бир сёлешген.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Джаным-тиним – окъуу, билим.
Ариуну – ауруу кёб.
Азыкълы ат арымаз, къатыны аман джарымаз.
Ёлген эшек бёрюден къоркъмайды.
Биреу къой излей, биреу той излей.
Акъыллы – эл иеси, тели – эл баласы.
Ышармагъан – кюлмез, кюлмеген – къууанчны билмез.
Ач къарным, тынч къулагъым.
Аманнга алтын чыдамаз.
Ишге юренсин къоллары, халкъ бла болсун джоллары.
Туз, гырджын аша, тюзлюк бла джаша.
Юй ишлеген балта эшикде къалыр.
Иесиз малны бёрю ашар.
Ариу сёз аурууунгу алыр.
Кёб къычыргъандан – къоркъма, тынч олтургъандан – къоркъ.
Къозулугъунда тоймагъан, къойлугъунда тоймаз.
Бозаны арты дауур болур.
Татлы сёз – балдан татлы.
Эркишини аманы тиширыуну джылатыр.
Къаллай салам берсенг, аллай джууаб алырса.
Джашны джигитлиги сорулур, къызны джигерлиги сорулур.
Джолунга кёре – джюрюшюнг, джагъанга кёре – юлюшюнг.
Ойнаб айтсанг да, эслеб айт.
Къыз чыгъаргъан – къызыл къымжа.
Айтхан сёзюне табылгъан.
Сескекли кесин билдирир.
Абынмазлыкъ аякъ джокъ, джангылмазлыкъ джаякъ джокъ.
Тюз сёз баргъан сууну тыяр.

RSS

Келигиз, тил байлыгъыбызны сакълайыкъ!

Тима Гость	#776 Джаратама0 17.05.2008 23:46:47 всезнайка а каида и сен боган тилдебилемисе..

всезнайка Гость	#777 Джаратама0 17.05.2008 23:46:58 Тима всезнайка ?7каиры тас болдунг мен мунда биринчи кереме а сен ауа мен а уа местныйме.

всезнайка Гость	#778 Джаратама0 17.05.2008 23:48:05 Тима всезнайка а каида и сен боган тилдебилеми Хоу. иншаллах, чам накъырда сезлеге кел. анда киши джукъ аитмаз.

всезнайка Гость	#779 Джаратама0 17.05.2008 23:48:39 или пиши в личку

Кергелен

Гость

#780

Джаратама0

18.05.2008 02:37:08

-Ахырсы, Чарахмат бир гуджар адамды .Алай гырхы болургъа неге керекди?
--Мен, сеннге къошулуб аны сезюн этеллик тюлме. Ол мени
хурджунумда ачхамча., аллай бир адамды.
--Алай дегенинг ?
--Керек кюн ,хазыр ачханг джарагъанча ,керти кюнюмде алай джарайды. Ауузу бла ачыта эсе да ,къолу бла ,иши бла ачытырыкъ тюлдю.
--Ой, мени сез бла ачытма ансы эртенбла тагъыб , ингирде ийиб да тур!-------Б...Ф.

Кергелен

Гость

#781

Джаратама0

18.05.2008 20:44:00

---Тюнене Къалагоша Кунусну :"Къарны къуансын да ,тобугъу къуанмасын",--деб бир ачыла къаргъады.
--Алай айтхан неди ? НЕ айтханлыгъы эди?
--Алкъын туумагъан сабийчигин къаргъай эди--сылтаулуду да Кунус
----Ды-ды-ды-ды...Аллахдан къоркъмай къарны болгъан къатынны уа
къалай къаргай эди асылсыз?-
---Бизге Мухаммат файгъамбар, Аллахны саламы анга, бош айтхан болмаз:"Тыширыула, садакъа чачханлай, Аллахдан кечмеклик тилегенлей туругъуз хаман--асламысына сизни джаханим отда кереме...Кеб къаргъыш айтасыз,эт адамларыгъзга разы бола билмейсиз ",-деб.
---Ах, мен джарлы....

Б....Ф.

Кергелен

Гость

#782

Джаратама0

19.05.2008 22:17:53

ДЖЕРГЕ.
Байрамукъланы Ф.

ДЖаз башында гюлюнг ючюн,

Элей тургъан унум ючюн,

Кекни сюйген къушунг ючюн,

ДЖер ,джюрекден разыма сенге.

Кюле тургъан кезле ючюн,

Джарыкъ чыкъгъан сезле ючюн,

Ишни сюйген къолла ючюн,

Ышанама, джер, хурметинге.

Къарылгъачны джыры ючюн,

Ариулукъну нюрю ючюн,

Халаллыкъны кючю ючюн,

Айтама , джер ,алгъшны сенге.

Кергелен

Гость

#783

Джаратама0

20.05.2008 01:18:58

ШАХАРЧЫ ТЕНГИМЕ.

ЭЙ, шахарчы тохта алай,

ДЖюрюшюнгю сабыр эт,

Мен сеннге тансыкъ болгъанма,

Саламымы ала кет.

Ашыкъгъанлай айланаса-

Азды сени заманынг.

Эл хурметни унутханса--

Олду, тенгим , аманынг

Сезюм джокъду ,ишинг кебдю,

ДЖумушунгу этерсе.

Насыбынгы къаты бла да,

Кермей, етюб кетерсе....

Бара туруб , сен тохта да,

Тегерекге бир къара.

Чыпчыкъ джыргъа тынгылай тур ,

Эртденде ишге бара.

Ашыкъма да, иги къара,

Сейирликди шахарынг,

Ариулукъну толу сезсенг,

Артыкъ келед джашарынг.

Кергелен Гость	#784 Джаратама0 21.05.2008 03:21:13 всезнайка Къызчыкъ, сенден келюм къалад , бери джукъ джазмазгъа антмы этгенсе?

Акъыллычыкъ

Гость

#785

Джаратама0

21.05.2008 17:14:17

Балдраджюз
"Анда да бол, мында да бол, балдраджюзде юйде бол!" - дейди халкъ сёз. Балдраджюз деб джаз башында, кече бла кюн тенг болур ууахтыда, кюн джунчуулу болуучу бир ыйыкъгъа айтадыла. Балдраджюз алай айтады дейдиле: "Ай медет, джазны ийиси бурнума урмаса эди, отунчуну отунда, суучуну сууда, биченчини биченде къатдырыр эдим, бешли ёгюзню, буруб, мюйюзюн алыр эдим!"
Гитче заманымдан эшите тургъанма бу айтыуну, къачан болгъанын сезелмей къалдым ансын...

Кергелен Гость	#786 Джаратама0 21.05.2008 22:26:28 Акъыллычыкъ Кызымка, хар джзгъан сезюнъ---бир Никалай алтын сом! Киши алай этеди ансы, бир сер тышырыуну сандракъларына тыннълаб мы турады, Сосураннан сеннъе бир Гугурук кампек тилерме.

всезнайка Гость	#787 Джаратама0 21.05.2008 22:29:53 Кергелен Меннге уа гугурук кампек, кампек ашамай-джукъ джазалмай турама, дагъыда вафлиле да берирме дегененг, ала да джокъ

Кергелен Гость	#788 Джаратама0 21.05.2008 22:36:30 всезнайка Салам! Кызчыкъ, концертге барлыкъмыса? Вафлилеринъи сып- свежийлей джетдирирме.

всезнайка

Гость

#789

Джаратама0

21.05.2008 22:41:35

Да сора авансом джазаиым.
Бюгюн абизьянланы атларын джазаиым, концертге уа билмеиме, барлыкъмамы?Газаевге деи болурсуз?
америка маимул ревун
бичин\бишин орангутан
гытдау лемур
деудеу горилла
джандамар лори
джекмишин мартышка
кырдыу шимпанзе
наснас макака
маимул павиан
къырсауул бабуин
уллутабан долгопят

Кергелен Гость	#790 Джаратама0 21.05.2008 23:00:09 всезнайка Бир такъыйкачыкъ, мен кесими маймулларыма къарайым да келише эселе.

Кергелен Гость	#791 Джаратама0 21.05.2008 23:04:44 всезнайка Топпа- точна, бирча бурунларындан къуйрукъларына дери.

всезнайка Гость	#792 Джаратама0 21.05.2008 23:06:30 келишселеми берликсе гугурук кампетими?

Кергелен Гость	#793 Джаратама0 21.05.2008 23:14:30 всезнайка Сезни серге ийме, барамыса Газалугъа тыннъыларгъа? Барсанъ , вафли "частная галерея" --санъа саугъа Сосурандан.

Акъыллычыкъ Гость	#794 Джаратама0 21.05.2008 23:43:26 Кергелен Сосураннан сеннъе бир Гугурук кампек Алай эсе уа мен хаманда джаза турайым!

всезнайка Гость	#795 Джаратама0 22.05.2008 02:00:23 Акъыллычыкъ Алай эсе уа мен хаманда джаза турайым! Вафлилеримден юлюш излеме -ансы" любой зат"

Акъыллычыкъ

Гость

#796

Джаратама0

22.05.2008 13:33:34

всезнайка
Вафлилеримден юлюш излеме -ансы" любой зат
Вафлиилеми дейсе?

Огъай дерик тюл эдим

Къарачай бла Малкъарны бирлиги
Къарачай бла Малкъарны Аллах бир этгенди,
Минги Тауча туругъуз деб юретгенди!

Ушайды ол къучакълашхан эки джашха,
Андан да бек - эки эгиз къарнашха!
(Байчораланы Сосланбек)

Улыбка Гость	#797 Джаратама0 22.05.2008 17:23:44 Салам! Мен бюгюн биринчи кере джазама! Мени назмуларым барды Ана тилде, кесим джазгъан!!!!

Кергелен Гость	#798 Джаратама0 22.05.2008 22:50:49 Улыбка Джанчыгъым, керемисе теманы атын? Хайда джаз назмуларынъы барыбыз да, бек къуаныб окъурукъбуз!

Девушка Гор Гость	#799 Джаратама0 23.05.2008 15:53:07 Улыбка Мени назмуларым барды Ана тилде, кесим джазгъан!!!! Биз да окъурукъ эдик назмуларынгы.

Кергелен Гость	#800 Джаратама0 24.05.2008 14:49:31 Салам ТАУЛУЛА!!! Ишге кетерими аллы бла ,бир иги назмучукъ окъургъа термилеме! Улыбка Бир джаз, терилтмеда!

	# Джаратама0

	# Джаратама0

	# Джаратама0

	# Джаратама0

Читают тему (гостей: 81)

Логин:
Пароль:
	Запомнить меня на этом компьютере

Забыли свой пароль?
Регистрация