Эльбрусоид :: Форум :: Келигиз, тил байлыгъыбызны сакълайыкъ!

От кюйдюрген, сау болса да, тот кюйдюрген, сау болмаз.
Джюрекден джюрекге джол барды.
Арбаз къынгырды да, ийнек сауалмайма.
Ишленмеген джаш – джюгенсиз ат, ишленмеген къыз – тузсуз хант.
Джукъу тёшек сайламайды.
Бичгенде ашыкъма, тикгенде ашыкъ.
Алма терегинден кери кетмез.
Дуния аламаты сен эсенг да, игиме деб айтма.
Баш болса, бёрк табылыр.
Хар адамгъа кеси миннген тау кибик.
Этек чакъмакълары баш джаргъан, сёлешген сёзлери таш джаргъан.
Къыйынлы джети элге оноу этер.
Ач уят къоймаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Насыблы элин сюер, насыбсыз кесин сюер.
Акъыл къартда, джашда тюйюлдю – башдады.
Джарлыны тону джаз битер.
Айырылмаз джууугъунга, унутмаз сёзню айтма.
Арбаз сайлама да, хоншу сайла.
Аман адам элни бир-бирине джау этер.
Суугъа – чабакъ, къаягъа – ыргъакъ.
Итли къонакъ джарашмаз.
Ач къарным, тынч къулагъым.
Билмегенинги, билгеннге сор.
Джашны джигитлиги сорулур, къызны джигерлиги сорулур.
Ханы къызы буюгъа-буюгъа киштик болду.
Ётюрюкчюню шагъаты – къатында.
Таугъа чыгъаллыкъ эсенг, тюзде къалма.
Къатыны харакетли болса, эри къымсыз болур.
Ат да турмайды бир териде.
Тил бла келеди джыр да.
Айран тёгюлсе, джугъусу къалыр.
Нафысынгы айтханын этме, намысынгы айтханын эт.
Сёз сёзню айтдырыр.
Тилчи тилден къаныкъмаз.
Къыйынлы джети элни къайгъысын этер.
Ёлюк кебинсиз къалмаз.
Таукел адам тау тешер.
Игини сыйлагъан адетди.
Аман киши кеси юйюнде – къонакъ.
Хантына кёре тузу, юйюне кёре къызы.
Сёз къанатсыз учар.
Кёбге таш атма.
Ашхы болсанг, атынг чыгъар, аман болсанг, джанынг чыгъар.
Аманны тукъумуна къарама, игини тукъумун сорма.
Ачыу алгъа келсе, акъыл артха къалады.
Къанны къан бла джуума, аманны аман бла къуума.
Тюз сёз баргъан сууну тыяр.
Борчунг бар эсе, хурджунунга ойлаб узал.
Адам туугъан джеринде, ит тойгъан джеринде.

RSS

Келигиз, тил байлыгъыбызны сакълайыкъ!

всезнайка Гость	#851 Джаратама0 01.06.2008 15:22:16 Кергелен САЛАМ! всезнайка Харс кючлю урулгъанъа кере , менъе бериледи ал сез. Аннъыладыкъ алайчыгъын, латна.! Салам, инициатива всегда наказуема

Акъыллычыкъ Гость	#852 Джаратама0 01.06.2008 22:55:19 Темир-къазакъ Темир - къазакъ деб мёлек болгъанды. Файгъамбар анга: "Сен джулдузланы къайсысын сюесе?"- деб соргъанды. Ол джулдузну кёргюзтгенде, файгъамбар анга ол мёлекни атын атагъанды.

Кергелен

Гость

#853

Джаратама0

02.06.2008 17:54:52

САЛАМ.!

Акъыллычыкъ

Темир-къазакъ----Полярная звезда.

Мен эшитген , билген зат тюйюлдю.

Но я здесь не вижу логики, и очень сомневаюсь ,что это так.

Назови источник откуда взяла, Солнышко.!

Бери керти зат болмаса джукъ джаза турмагъыз джанларым, муну
эки- юч къарачайлы окъумайды, бери кеб адам киреди, билген-
билмеген да.

Акъыллычыкъ Гость	#854 Джаратама0 02.06.2008 18:42:32 Кергелен Терс зат джазыбмы къойдум! Назови источник откуда взяла, Къарачай-малкъар мифле........

Кергелен Гость	#855 Джаратама0 02.06.2008 18:50:38 Акъыллычыкъ Кызымка, къоркъма алай. Аламат.

Акъыллычыкъ Гость	#856 Джаратама0 02.06.2008 19:24:54 Кергелен Джаным чыгъыб кете эди, терсине сандыракъ этдим деб Сау бол, кёлюмю игирек этдинг Мени джазгъаныма бир къарай тур, шо, кюлкюлюк болмайым

Хулиганочка Гость	#857 Джаратама0 02.06.2008 19:43:41 Бир акъыллы затла жазгъаннга ушайсыз Къайдан да билесиз аллай бир? Кире, окъуй турайим мен да.

Кергелен Гость	#858 Джаратама0 02.06.2008 19:48:46 [b]Хулиганочка[/b Эм сыйлы джерибиз сеники, ет олтур, окъу, джаз, сор.

Девушка Гор

Гость

#859

Джаратама0

02.06.2008 19:58:14

Ёзенлеринге мамырлыкъ кюню тиеди

Тау тарларында эскиден келген Къарачай,
Сени джарсыуларынг а сансыз-санаусуз кёб эди.
ауушларынгы сюйюмлю шошлукъ басханды,
Ёзенлеринге мамырлыкъ кюню тиеди.

Бушууларынга сарын айтыучу Къобанынг
Кечеси-кюню къууанч орайда тартады,
Хорламла этиб дуниягъа джангы туугъанынг
Насыб болгъанын джашнаб ёсгенинг айтады.

Кечинмек излей тауда джюрюучю уучула
Тау кийиклени уа энди санларын керелей,
Тергеуден ёзге окъуу билмеучю къойчцла
Алимле болуб, турадыла билим бергенлей.

Тау тарларындан эскиден келген Къарачай,
Сени джарсыуларынг а сансыз-санаусуз кёб эди.
Ауушларынгы сюйюмлю шошлукъ басханды,
Ёзенлеринге мамырлыкъ кюню тийеди.

Байчораланы Сосланбек

Кергелен Гость	#860 Джаратама0 02.06.2008 20:05:37 Девушка Гор Тюшюм, Тюнюм, Джюрек къуанчым, ДЖан теннъегим, ДЖюрек сагъышым---Шам ТАУЛАРЫМ --КЪАРАЧАЙЫМ.

Девушка Гор Гость	#861 Джаратама0 02.06.2008 20:08:15 Кергелен Тюшюм, Тюнюм, Джюрек къуанчым, ДЖан теннъегим, ДЖюрек сагъышым Къалай ариуду, байды тилибиз!

Девушка Гор

Гость

#862

Джаратама0

03.06.2008 15:01:35

Хулиганочка
Бир акъыллы затла жазгъаннга ушайсыз Къайдан да билесиз аллай бир? Кире, окъуй турайим мен да.
Кюрешебиз джазаргъа. Келе тур, сыйлы къонакъ болурса! Анда-мында эшитгенинги да джаза тур бери!

Azamat Гость	#863 Джаратама0 03.06.2008 15:11:37 къргыш этиб тебреселе, вот тогда пониамаешь, как богат наш язык))

Девушка Гор

Гость

#864

Джаратама0

03.06.2008 16:22:17

Azamat
къргыш этиб тебреселе, вот тогда пониамаешь, как богат наш язык))

Къаргъыш этерге башха миллетлени тиллери да аман тюлдюле, мен билиб.
Тилибиз а уа къарачай-малкъар тил - керти да байды, ариуду, тазады!

кокетка

Гость

#865

Джаратама0

03.06.2008 16:39:12

Azamat
Къаргъышла дегенлей, бир джыр эсиме келгенди, барында джазаллыкъ тюлме, унутханма...:

Ой, Хузайматым-Хузайим
Джанынга къурман болайим,
Сюйгенлеринги эштгенме къызчыкъ
Энди алагъа къояйим...
......................................
......................................
Ёрге къобаргъа къарыунг джетмей
Мениатымы къычыргъын
......................................
....................................
Сени ананг да мени сюймейди
Аллах да сюймесин анны,
Менден башхагъа Мураты бар эссе
Кюёу кёрмесин джаны.
...................................
...................................
Сени башынгда акъ джаулукъчугъунг
Бурулуб тюшсюн бойнунга
Джыланла келиб джатсынла
Менден къызгъанган къойнунга.

Хулиганочка Гость	#866 Джаратама0 03.06.2008 17:22:21 Быллайла да джазамысыз былайда? Мен да биле эдим бир-эки къаргъыш

кокетка Гость	#867 Джаратама0 03.06.2008 17:27:00 Хулиганочка Къайда джазчын)))

Хулиганочка

Гость

#868

Джаратама0

03.06.2008 17:38:11

кокетка
Джазама, тюзю барысыда эсимде тюлдю:

Кетеме эте, кетеме эте,
Сен кеталмайын къалгъыенг,
Дунияны юсюнде санга адам къуруб,
Садакъачыгъа баргъыенг.

Садакъачыгъа сен барыб,
Садакъа джыйыб къалгъыенг.
Манга этгенинг джетди деб а,
Мен джюрегинги джаргъаем.

Кергелен

Гость

#869

Джаратама0

04.06.2008 17:43:51

НАРТ КЪОПХАН.

Хапарлада келгенге кере ,нарт къопхан ,--- эл, халкъ тынчайгъандан сора башланады. Халкъгъа къыйнлыкъла,палахла
келлик болса ол аланы илишаны (мишень) болады.

Ала , бурунлада ашап--жашап кетген деу нартланы жанларыдыла.
Ала кеслери да артыкълыкъ этген къужур эмегенле бла кюреше
келгендиле. Нартла эмеген мыллыкладан жайылгъан ийисли,чирик
аурууладан къырылыб тауусулгъандыла. Ма энди ала, ексюзле,
дуниясындан къарап, бизге келлик палахланы керип,къуш,къаргъа,
тюрлю--тюрлю жануарланы суратларына ,жапыларына кирип,

Оу-шау этип кече эллеге ,тийрелеге киредиле,
Халкъгъа алай бла къуугъун бергендиле
Ала ол батыр нартланы сыйлы жанларыдыла.

Акъыллычыкъ Гость	#870 Джаратама0 04.06.2008 17:48:23 Нартланы юслеринден мен да бир кёб хапар эшитгенме, джазаргъа боллукъмуду былайгъа?

Кергелен Гость	#871 Джаратама0 04.06.2008 17:51:45 Акъыллычыкъ Сакълайбыз.!

Акъыллычыкъ

Гость

#872

Джаратама0

04.06.2008 17:58:59

Нартла, бурун ёмюрледе нарт батырла болгъандыла. ала Минги тауда джашагъандыла. Ала къарыулула, батырла болгъандыла, эмегенле бла бир заманда да отлары джанмагъанды. Ала Минги тау бла Къазман

тауну арасында, Къыркъ сууланы боюнларында джашагъандыла. Къара орманлада, таулада эрши эмегенле бла кюрешиб келгендиле, артыкълыкъны не аз да унамагъандыла.

Къаллай аламат миллет болгъандыла нартла

Девушка Гор

Гость

#873

Джаратама0

04.06.2008 20:42:52

Кюндю Сатанайны атасы,
Айды аны табхан татлы анасы.

Айдан аны Тенгиз айрымкан джашыргъанды,
Джашыргъанлай, ненча джылла ашыргъанды.

Ай, тутулуб, кёзю, бети къаралгъанды,
Ачыуундан джюрегинден таралгъанды.

ай да, Кюн да тутулалла аны ючюн,
Титирейле, къалтырайла аны ючюн.

Джерден ала джарыкъларын
Джыляб, ала джулдузланы джыядыла.

Джерге ала мийик кёкден къарайдыла,
сатанайны къайдагъысын сорадыла.

Не болгъанын, къайдагъысын табалмайла,
Джелмауузгъа сорургъа ала базалмайла.
а джыласа - кёзлеринден джауад джауунла,
Кюн къыздырса - джерде джанад къауданла.

Сатанайны суу Джелмауз букъдургъанды, бермейди,
Айрымканда аны киши кёрмейди.

Айрымканны юсюн тубан бла джапханды,
Кеси кириб, тенгиз тюбге джатханды.

Сатанайгъа Суу Анасы къарагъанды,
Алтын чачын къолу бла тарагъанды.

Не болса да, кюню аман бла батханды,
тенгиз тангы аман бла атханды.

Бёлек джылла джылай-джылай тургъанды,
Бир кечеде къачаргъа ал бургъанды.....
.................................................. ...............

Девушка Гор

Гость

#874

Джаратама0

05.06.2008 22:52:19

Бетин бояб, чыкъгъанд тенгиз джагъагъа,
Излей, барыб, миннгенд къайын къаннгагъа.

Бутун, къолун, къалакъ этиб, тартханды,
Джелле, сюре, къара джерге атханды.

Алмостула тамыр ашла бергендиле,
Сатанайны сыйлы, ариу кёргендиле.

Алмостула сёлеше билмей элле,
Сатанайны бир да эрши кёрмей элле.

Бир кюн была чаба, джорта кетдиле,
билмегенлей, бир тёбеге джетдиле.

Ол тёбеден ас-мус ийис уруб башлады,
Къарт лмасты бирден эсин ташлады.

Къалгъалары бирден артха къачдыла,
Къара орманнга тюк-тюк болуб учдула.

Уллу тёбе къарт эмеген болгъанды,
Джети джюз джыл ол орманда тургъанды.

ол Сатанай къачалмайын къалгъан эди,
Къарт эмеген, тутайым деб, баргъан эди.

Ол кёзюуде Сатанай, бетин ачыб. къарагъан эди -
Бирден эмегенни джангыз кёзю къамагъан эди.

Джангыз кёзю джукъ кёрмейин къалгъан эди.
ачыуланыб. къая ташла алгъан эди.

Джукъ кёрмейин, ташла бла ата эди,
Джерден, сермеб, топуракъла джута эди....
.................................................. .................

Кергелен Гость	#875 Джаратама0 06.06.2008 19:26:31 САЛАМ ДЖАМАГЪАТ !!!!! Болушлукъ!!!!!! АНА тилибизде--- СЕВЕР, ЮГ, ВОСТОК, ЗАПАД-- къалай боллукъду?????????

Читают тему (гостей: 2)

Логин:
Пароль:
	Запомнить меня на этом компьютере

Забыли свой пароль?
Регистрация