- Атлыны ашхысы, ат тизгининден билинир
- Ким бла джюрюсенг, аны кёзю бла кёрюнюрсе.
- Ушамагъан – джукъмаз.
- Джашлыкъ этмеген, башлыкъ этмез.
- Бермеген къол, алмайды.
- Ариу – кёзге, акъыл – джюрекге.
- Шекер бла туз – бир болмаз, ушамагъан – юй болмаз.
- Намысы болмагъанны, сыйы болмаз.
- Азыкълы ат арымаз, къатыны аман джарымаз.
- Чабакъгъа акъыл, табагъа тюшсе келеди.
- Бал чибинни ургъаны – ачы, балы – татлы.
- Дууулдаса – бал чибин, къонса – къара чибин.
- Къыз келсе, джумуш эте келеди, къатын келсе, ушакъ эте келеди.
- Эки къатын алгъан – эки ташны ортасына башын салгъан.
- Къая джолда джортма, ачыкъ сёзден къоркъма.
- Суугъа – чабакъ, къаягъа – ыргъакъ.
- Ишни ахырын ойламай, аллын башлама.
- Бир абыннган – минг сюрюнюр.
- Айыбны суу бла джууалмазса.
- Урунуу – насыбны анасы.
- Аш кетер да бет къалыр.
- Чоюнну башы ачыкъ болса, итге уят керекди.
- Юй ишлеген балта эшикде къалыр.
- Къозулугъунда тоймагъан, къойлугъунда тоймаз.
- Джарлы эскисин джамаса, къууаныр.
- Ариу сёзде ауруу джокъ.
- Къатын къылыкъсыз, эр тынчлыкъсыз.
- Къартны сыйын кёрмеген, къартлыгъында сыйлы болмаз.
- Джарлыны эшигин махтагъан джабар.
- Кёзю сокъурдан – къоркъма, кёлю сокъурдан – къоркъ.
- Зар адамны насыбы болмаз.
- Эки элинги тыйсанг, джети элде махталырса.
- Кесинг сынамагъан затны, адамгъа буюрма.
- Джыгъылгъанны сырты джерден тоймаз.
- Байма, деб да, къууанма, джарлыма, деб да, джылама.
- Суу да къайтады чыкъгъан джерине.
- Сёз сёзню айтдырыр.
- Къарт айтханны этмеген, къартаймаз.
- Акъыл къартда, джашда тюйюлдю – башдады.
- Чыкълы кюнде чыкъмагъан, чыкъса къуру кирмеген.
- Ауругъанны сау билмез, ач къарынны токъ билмез.
- Ишлемеген – тишлемез.
- От этилмеген джерден тютюн чыкъмайды.
- Ишин билген, аны сыйын чыгъарады.
- Къонагъы джокъну – шоху джокъ.
- Кечеси – аяз, кюню – къыш, джарлы къаргъагъа бир аш тюш!
- Оюмсуз атлагъан, аджалсыз ёлюр.
- Эшекни не къадар тюйсенг да, ат болмаз.
- Алим болгъандан эсе, адам болгъан къыйынды.
- Кирсизни – саны таза, халалны – къаны таза.
Келигиз, тил байлыгъыбызны сакълайыкъ!
|
эм тюб тизгинде къанатылыны аты къалаиды?
  |
|
|
|
|
|
всезнайка
Суратны тюбюнде, 4чю тизгиде, сол джанында суратда ---къартчыгъады. Къартчыгъа--ястреб.  Джыртхыч къанатлыды---джаз башында джюджеклеге сакъ болурсуз.  |
|
|
|
|
|
Къартчыгъаны сорургъа уялыб тура эдим. А эм башында къол аяз салыннган а неди? Огъесе бир бош затха сагъыш этибми турама?
|
|
|
|
|
|
Акъыллычыкъ
эм башында къол аяз салыннган а неди? Къарыш болурмуйеди ол |
|
|
|
|
 къарыш башыма да келмеген эди. Сау болугъуз, ангылатдыгъыз. Гитче сабийле къайдан билликдиле быллай къыйын затланы? |
|
|
|
|
|
Машалла сизге барыгъызгъада
 |
|
|
|
|
|
Энтдан да бир дерс: бу аламат джомакълагъа бир къарагъыз
  |
|
|
|
|
|
1-буу
2-доммай ючюнчюню билмиёрум, джугъутур дерем, дж хариф бир клеткачыкъгъа джазылса |
|
|
|
|
|
всезнайка
ючюнчюню билмиёрум, джугъутур дерем, дж хариф бир клеткачыкъгъа джазылса Алай болмаймыды да сора? Бир клеткада джазылгъан дегенлигимди? |
|
|
|
|
|
Билмеиме, "Къарачай" газетде то бирге, то отдельно джазыучан эдиле кроссвордлада
,биллигинг джокъду |
|
|
|
|
|
Тюзюн айтсам мен да билмейме...
|
|
|
|
|
|
Тау къаяда тогъай мюйюзлю---Къочхар---тур самец.
Сизни келюгюзге уа не келеди.? |
|
|
|
|
|
Джугъутур, къочхар- башым къатышды. Энди уа кимге сорайыкъ?
|
|
|
|
|
|
всезнайка
Кергелен Джугъутур, къочхар - аламат! Экиси да келишедиле. Акъыллычыкъ Хар кимни башын къатышдырыб турма да кесинг да бир затла джаза тур |
|
|
|
|
 |
|
|
|
|
|
1-чибин, 3-терек, 4-тюлкю, 7-нартюх, 5-кертме, 6-? 2-?
|
|
|
|
|
|
Акъыллычыкъ
1-чибин, 3-терек, 4-тюлкю, 7-нартюх, 5-кертме, 6-? 2-? Иги сагъыш эт къалгъанлагъа да |
|
|
|
|
|
2-медаль болса, 6-письмо болса, бири терс болады, мен джукъ ангыламайма, къалгъан харифлери келишедиле, бу ь га не этеиим
|
|
|
|
|
|
всезнайка
Письмону къалай кёчюргенсиз къарачай тилге Мен табалмай турама. |
|
|
|
|
|
Медаль- саугъа тюлмюдю?
|
|
|
|
|
|
Акъыллычыкъ
Медаль- саугъа тюлмюдю? Ол заманда, энгишге келген сезле келишмеидиле,Сез ючюн-кертме |
|
|
|
|
|
всезнайка
Ол заманда, энгишге келген сезле келишмеидиле,Сез ючюн-кертме Анга уа сагъыш да этмегенме. |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
||||
|
|
|
|||
Читают тему (гостей: 7)