Войти на сайт
1 Июля 2026 года

 

  • Джол бла сёзню къыйыры джокъ.
  • Айыбны суу бла джууалмазса.
  • Кёбню кёрген – кёб билир.
  • Суугъа – чабакъ, къаягъа – ыргъакъ.
  • Чалманны аллы къалай башланса, арты да алай барады.
  • Къатын къылыкъсыз, эр тынчлыкъсыз.
  • Иги адамны бир сёзю эки болмаз.
  • Рысхысына кёре, джаш ёсер, къышлыгъына кёре, мал ёсер.
  • Тойчу джашха къарама, къойчу джашха къара.
  • Эшекни не къадар тюйсенг да, ат болмаз.
  • Таугъа чыгъаллыкъ эсенг, тюзде къалма.
  • Адамгъа аман кюн соруб келмейди.
  • Джарлыны эшигин махтагъан джабар.
  • Кёлю джокъну – джолу джокъ.
  • Эрни эр этерик да, къара джер этерик да, тиширыуду.
  • Тил – миллетни джаны.
  • Ашыкъгъан cуу, тенгизге джетмез.
  • Босагъагъа джууукъ орун болса, ашыгъыб тёрге озма.
  • Айтхан – тынч, этген – къыйын.
  • Алгъанда – джууукъ, бергенде – джау.
  • Кёб джашагъан – кёб билир.
  • Ач бёрюге мекям джокъ.
  • Къонакъны къачан кетерин сорма, къачан келлигин сор.
  • Агъач халкъгъа алтынды, иссиликге салкъынды.
  • Рысхы – насыбха къор.
  • Ёлген эшек бёрюден къоркъмайды.
  • Адам сёзге тынгыла, акъыл сёзню ангыла.
  • Джюрекден джюрекге джол барды.
  • Тенги кёбню джау алмаз, акъылы кёбню дау алмаз.
  • Акъыллы эркиши атын махтар, акъылсыз эркиши къатынын махтар.
  • Эринчекге кюн узун.
  • Абынмазлыкъ аякъ джокъ, джангылмазлыкъ джаякъ джокъ.
  • Насыб бютеу халкъны юлюшюдю.
  • Мен да «сен», дейме, сен да «кесим», дейсе.
  • Ат да турмайды бир териде.
  • Экеу тутушса, биреу джыгъылыр.
  • Ашлыкъ – бюртюкден, джюн – тюкден.
  • Аш иеси бла татлыды.
  • Кёл – къызбай, къол – батыр.
  • Ишни ахырын ойламай, аллын башлама.
  • Айтылгъан буйрукъ, сёгюлмез
  • Ач – эснер, ат – кишнер.
  • Чарсда алчыны эл кёреди.
  • Сууда джау джокъ, кёб сёзде магъана джокъ.
  • Кёб къычыргъандан – къоркъма, тынч олтургъандан – къоркъ.
  • Сёлеш деб шай берген, тохта деб, сом берген.
  • Аууз сакълагъан – джан сакълар.
  • Бозанг болмагъан джерге, къалагъынгы сукъма.
  • Эркишиге тары кебек танг кёрюнюр.
  • Аманны тукъумуна къарама, игини тукъумун сорма.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 53 54 55 56 57 ... 62 След.
RSS
Келигиз, тил байлыгъыбызны сакълайыкъ!
 
#1351
Джаратама0
31.01.2009 02:18:53
7km
нек акъс)? бизни ол терен магъаналы ушагъыбыз, тил байлыгъыбызны сакъларгъа болушмаймыды экен)))?
Алай эди, тоба
Былайгъа кириучюлеге бир соруум барды, сиз не этесиз, тил байлыгъыгъызгы сакълар ючюн?
 
 
 
#1352
Джаратама0
31.01.2009 02:29:47
Бу форумда къадалыб сёз байламчыкъла этиб кюрешеме!
 
 
 
#1353
Джаратама0
31.01.2009 02:31:20
Рамла
Да киргенингден ары, соруугъа бир джууаб бере бар. Къалай сакълайса, ёсдюресе тил байлыгъынгы?
 
 
 
#1354
Джаратама0
31.01.2009 02:52:45
"Тил байлыкъ" деб бютеу къарачай-малкъар тилни юсюнден айтаесенг, менден алай уллу хайыр болмаз...а энчи кесими тил байлыкъчыгъымы сакъларгъа уа къайдам не этеме )) ана тилде окъуйма бир бирледе, "Къарачай" газетни да окъуучанма, форумда джазама) бир-бирледе гииитче назмучукъла да джазыб иеме) алай а алай уллу ёсдюреме деб билмейме)
Сен айт андан эсе
 
 
 
#1355
Джаратама0
31.01.2009 03:11:49
Рамла
Да не къалды да сора? Назмучукълада джазаса не? Машалла сенге!!! Бир-экичигин, къачан болсада былайда окъурбуз деб ышанама
 
 
 
#1356
Джаратама0
31.01.2009 03:25:01
Асыры бек преувеличить этиб айтыб ийдим ол затчыкълагъа назмула деб эки пост джибериб ийген эдим, бирин бир кетерирсе
 
 
 
#1357
Джаратама0
31.01.2009 03:28:25
эки пост джибериб ийген эдим, бирин бир кетерирсе
Айтырынг къыйынды
 
 
 
#1358
Джаратама0
03.02.2009 00:53:22
Къалай сакълайса, ёсдюресе тил байлыгъынгы?
Мен да ёсдюреме тил байлыгъымы. Къалай?
1) Ана тилимде китабла, газетни окъуйма.
2) Кёчюрюлген мультфильмлеге къарайма, бир-бирледе аллай къыйын сёзлени айтыб къоядыла, сёзлюк болушады ол сагъатда.
3) Окъугъан бла къалмайын, бир-бирледе кесиме сочиненияла да джаздырама.
4) Юйде кёбюсюне къарачайча сёлеширге кюрешеме.
 
 
 
#1359
Джаратама0
09.02.2009 09:06:40
Акъыллычыкъ


бир-бирледе кесиме сочиненияла да джаздырама

Форумда джазсанг бек иги болур эди

Девушка Гор
"Баязир неда биринчи джашаууна къайтхан Хыйса" деген китбада бир юзюкню бек сюеме.Бу юзюк аламат дерсди, бек иги оноу,къалай кесинги джюрютюрге керексе деб. ))

"Отун этип, оюн этип, оюм этип, Баязирни хорлаялямагъанла, аны сёзюн этип, сёгюм саладыла."Баракъны эшеклери къарыулудула.Баязирни отунлары андан жараулудула"-деп сау бузоуну ушухулагъа ушатадыла. Баязир, аны эшитип, айып этип, кюлюн къойса, зарла бютюн ойсурап, сёзню кюлюн суурадыла, ашдангютю къуурадыла.Ичи тарлыкъ, къара зарлыкъ хыйла бла харамлыкъ не болгъанларын билмеген Баязир: "Эл ауузу- элек, анга къарагъан - халек",-деп балтасын сугъады, отуннга аркъасы бла чыгъады.Биягъы эменлени,элмелени,жерклени, жёгелени, юргелени къыра, жашла эшеклерине жюклегенни аркъасына алады.
- Сёз этген амнады, жашла, дейди ол, отун жюкню тюбюнде келе.
- Не ючюн айтаса? -деп сагъаядыла бош келген жашла
-Сёзню къулагъы эшекни къулагъыды, тилин жилянны тилиди.
 
 
 
#1360
Джаратама0
12.02.2009 02:04:44
Къанамат
Форумда джазсанг бек иги болур эди
Аллах айтса джазарма, мен тема берсем, сен да джазарыкъ боур эдинг сочинение?
 
 
 
#1361
Джаратама0
12.02.2009 04:20:52
Къанамат
Сау бол, заманынгы къызгъанмай былайда бу юзюкню джазгъанынг ючюн.
Энди уа "Баязир неда биринчи джашаууна къайтхан Хыйса" деген китабны табыб окъумай къоймам
 
 
 
#1362
Джаратама0
12.02.2009 04:38:25
джамагъат къарачайча чебурашка къалайды???)))
 
 
 
#1363
Джаратама0
12.02.2009 04:39:30
Арасул
джамагъат къарачайча чебурашка къалайды???)))
Тоба, быллай сёз болмазмы
 
 
 
#1364
Джаратама0
12.02.2009 04:42:08
Девушка Гор
Тоба, быллай сёз болмазмы

да атаикъ сора)))
Салпыкъулакъджан!))) ма былай кибик))
 
 
 
#1365
Джаратама0
12.02.2009 04:46:01
Арасул
Салпыкъулакъджан
Да къайдам, алимле не дерле? Алагъа да соруб кёрюрмю эдик, атамай болмай эсек
 
 
 
#1366
Джаратама0
12.02.2009 05:28:43
Девушка Гор
Тилин билмеген ёксюздю. Сыйлы Аллах хар адамгъа къол, аякъ бергенича тил да бергенди. Къарачай ? малкъар миллетге тюрк дунияда эм ариу, эм таза тил джетгенди. Олду миллетни байлыгъы, аны башха халкъладан айыргъан энчи шарты.
Тил байлыгъыбызны сакъларгъа, бизни, Къарачай-Малкъар джаш тёлюню кетген-келлик ёмюрлени алларында да эм уллу борчубузду. Бюгюнгю тилибиз бизни ата-бабаларыбызны сау джашауларыды, ала аны бизге кирсиз, ариу, бай этиб къойгъандыла. Энди сагъыш этейик, биз аланы осиятларын толтуралырбызмы, бизге къойгъанча биз да туудукъларыбызгъа тилибизни ол болумда къояллыкъбызмы?
Я СОГЛАСЕН))))))
 
 
 
#1367
Джаратама0
15.02.2009 20:14:37
Чебурашка - Салпыкъулакъджан
Келишмейда къалмайды, Салпыкъулакъчыкъ дерге да боллукъду
 
 
 
#1368
Джаратама0
21.02.2009 02:57:38
Бюгюн бу темагъа 1-джыл болгъан кёреме, мен а уа тамблады деб тургъанма
Бу ётген джыл, мени ангылагъаныма кёре, тил байлыгъыбызны сакълар мурат бла аз иш этилмегенди, аны иги билирге, ёсдюрюрге да хар кюн сайын кюрешебиз. Бусагъатда эсиме келдиле Лайпанланы Билялны аламат тизгинлери:
Кёзлерибиз джарыр ючюн Кюнча, Айча!
Сёзлерибиз джарар ючюн Кюнча, Айча!
Сёлешейик Къарачайча!!!
Келигиз, ана тилибизни сакълайыкъ!!!
 
 
 
#1369
Джаратама0
21.02.2009 03:03:48
Девушка Гор

девичья память деген зат да болмаса, акълымда бу къадар затдан бир джукъ къалмагъанды...)))))
тамбласына повторение-мать учениясыны этиб чыгъаргъа керек болур тоба))))))))
 
 
 
#1370
Джаратама0
21.02.2009 03:34:28
sama
Тамбла былайда сакълайма сора, алай десемда бюгюн кюндюз
 
 
 
#1371
Джаратама0
21.02.2009 10:02:26
Акъыллычыкъ

сен да джазарыкъ боур эдинг сочинение?

Бир кюн бир джазмай къоймам
Джазсам, сенге е-мэйл бла иерикме

Девушка Гор

китабны табыб окъумай къоймам

Къалай аламат болур эди. Сен мени бек къууандырыб къояр эдинг Сени бегирек сейирсиндирирча:
Гитче аннтотация:
Джаш археолог Хыйса Кавказда бир экспедицияда бир тау ёзенде бек уллу эски ташны табады.Бу ташда къаллай эселе да эски джазмала бардыла. Алай а киши да аны ангыламайды. Мен,мен башха джашаумда, кёб ёмюрле алгъа муну джаздым деб кёрюнеди Хыйсагъа. Азаб кёрюб, амалсыз болуб, не этерге билмейди.Таш табхан джерден узакъ болмай, эски кешенеле, эски къабырла турадыла. Ахырында Хыйса, башха, биринчи джашауну эсине тюшюрюрча, къабырладан бирин ичинде сау кечени ётдюреди!!Китаб бу джашауну юсюндеди. Ол джашауда Хыйсаны аты Баязир болгъан эди.
Эрттеден быллай умутум барды. Элбрусоидге Тёппе улу келир эди деб...Бир бирде джазыучула, назмучула, джырлачыла, алимле сизге келедиле, ол а? Къысхасы, Алим келирча джукъ тыйгъыч джокъду деб кёлюме келеди. Ол аты айтылгъан, белгили адамды, джаланда КБРда тюл, бютеу Каказда.
Билемисе, менге аны китабларын окъургъа оноу этген къызгъа сау бол дерге бирда арымам)))
 
 
 
#1372
Джаратама0
21.02.2009 15:45:24
нек эсе да киши да келмейди бу топикге.... башха темаладамы сакълай турасыз тилни байлыгъын?))))
 
 
 
#1373
Джаратама0
21.02.2009 15:52:54
Къанамат
Сен джазгъан аннотациядан сора, андан да бек окъурум келди бу китабны Сау бол
 
 
 
#1374
Джаратама0
21.02.2009 17:07:51
Девушка Гор

Не да сау бол

башха китбдан, "Къарачай-малкъар мифле", чыгъардым:

СЮТ НЕК ТАРКЪАЙГЪАНДЫ?

Алгъын заманлада сют, къайнап, ёрге ургъанлай, къазанны толтуруп къоя эди.Сютню ол адетин билмеген бир къатын, сют ёрге ургъанда, тёгюлюп кетерик сунуп, сютге аямай юфгюргенди. Сют, ёпкелеп, ызына къайтып, таркъайып къалгъанды. Ма аны ючн сютге юфгбрген ырысды.))))

Сен а? Сютге юфгюремисе?))))
 
 
 
#1375
Джаратама0
21.02.2009 17:34:38
Къанамат
юфгюремисе? айыб этме, ангыламадым сёзню
 
 
 
Страницы: Пред. 1 ... 53 54 55 56 57 ... 62 След.
Читают тему (гостей: 5)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.