Войти на сайт
1 Июля  2026 года

 

  • Тёгюлген тюгел джыйылмайды.
  • Башы джабылгъан челекге, кир тюшмез.
  • Халкъгъа джарагъан, джарлы къалмаз.
  • Накъырда – кертини келечиси.
  • Чабакъ башындан чирийди.
  • Чомарт къолда мал къалмаз.
  • Окъугъанны бети джарыкъ.
  • Эски джаугъа ышанма.
  • Игиге айтсанг – билир, аманнга айтсанг – кюлюр.
  • Ашлыкъны арба юйге келтирир, чана базаргъа элтир.
  • Ата Джуртун танымагъан, атасын да танымаз.
  • Аш кетер да бет къалыр.
  • Чалманны аллы къалай башланса, арты да алай барады.
  • Акъыл сабырлыкъ берир.
  • Джети тилни билген джети кишиди.
  • Сёз къанатсыз учар.
  • Джаралыны джастыгъында сау ёлюр.
  • Ёлмесенг да, къарт дамы болмазса?
  • Уллу сёлешме да, уллу къаб.
  • Этек чакъмакълары баш джаргъан, сёлешген сёзлери таш джаргъан.
  • Джуртун къоругъан озар.
  • Ач келгенни – тойдур, кеч келгенни – къондур.
  • Эм ашхы къайын ана мамукъ бла башынгы тешер.
  • Къайгъыны сюйген, къайгъы табар.
  • Къарт айтханны этмеген, къартаймаз.
  • Ашына кёре табагъы, балына кёре къалагъы.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Эрни эр этерик да, къара джер этерик да, тиширыуду.
  • Чарсда алчыны эл кёреди.
  • Агъач халкъгъа алтынды, иссиликге салкъынды.
  • Тил – миллетни джаны.
  • Къыйынлы джети элни къайгъысын этер.
  • Соргъан айыб тюлдю, билмеген айыбды.
  • Юйюнгден чыкъдынг – кюнюнгден чыкъдынг.
  • Тенгинг джокъ эсе – изле, бар эсе – сакъла!
  • Сёз садакъдан кючлюдю.
  • Мени джылытмагъан кюн, меннге тиймесин!
  • Кёрмегеннге кебек – танг, битмегеннге сакъал – танг.
  • Бозанг болмагъан джерге, къалагъынгы сукъма.
  • Арыгъан къош чамчы болур.
  • Биреуге аманлыкъ этиб, кесинге игилик табмазса.
  • Иги сёз – джаннга азыкъ, аман сёз башха – къазыкъ.
  • Тойчу джашха къарама, къойчу джашха къара.
  • Ёгюзню мюйюзюнден тутадыла, адамны сёзюнден тутадыла.
  • Бойнуму джети джерден кессенг да, мен ол ишни этеллик тюлме.
  • Онгсузну – джакъла, тенгликни – сакъла.
  • Къолу уллу – асыу, аягъы уллу – джарсыу.
  • Ариу сёз – къылычдан джити.
  • Ата Джуртуму башы болмасам да, босагъасында ташы болайым.
  • Тынгылагъан тынгы бузар.

 

Страницы: Пред. 1 ... 53 54 55 56 57 ... 62 След.
RSS
Келигиз, тил байлыгъыбызны сакълайыкъ!
 
7km
нек акъс)? бизни ол терен магъаналы ушагъыбыз, тил байлыгъыбызны сакъларгъа болушмаймыды экен)))?
Алай эди, тоба
Былайгъа кириучюлеге бир соруум барды, сиз не этесиз, тил байлыгъыгъызгы сакълар ючюн?
 
Бу форумда къадалыб сёз байламчыкъла этиб кюрешеме!
 
Рамла
Да киргенингден ары, соруугъа бир джууаб бере бар. Къалай сакълайса, ёсдюресе тил байлыгъынгы?
 
"Тил байлыкъ" деб бютеу къарачай-малкъар тилни юсюнден айтаесенг, менден алай уллу хайыр болмаз...а энчи кесими тил байлыкъчыгъымы сакъларгъа уа къайдам не этеме )) ана тилде окъуйма бир бирледе, "Къарачай" газетни да окъуучанма, форумда джазама) бир-бирледе гииитче назмучукъла да джазыб иеме) алай а алай уллу ёсдюреме деб билмейме)
Сен айт андан эсе
 
Рамла
Да не къалды да сора? Назмучукълада джазаса не? Машалла сенге!!! Бир-экичигин, къачан болсада былайда окъурбуз деб ышанама
 
Асыры бек преувеличить этиб айтыб ийдим ол затчыкълагъа назмула деб эки пост джибериб ийген эдим, бирин бир кетерирсе
 
эки пост джибериб ийген эдим, бирин бир кетерирсе
Айтырынг къыйынды
 
Къалай сакълайса, ёсдюресе тил байлыгъынгы?
Мен да ёсдюреме тил байлыгъымы. Къалай?
1) Ана тилимде китабла, газетни окъуйма.
2) Кёчюрюлген мультфильмлеге къарайма, бир-бирледе аллай къыйын сёзлени айтыб къоядыла, сёзлюк болушады ол сагъатда.
3) Окъугъан бла къалмайын, бир-бирледе кесиме сочиненияла да джаздырама.
4) Юйде кёбюсюне къарачайча сёлеширге кюрешеме.
 
Акъыллычыкъ


бир-бирледе кесиме сочиненияла да джаздырама

Форумда джазсанг бек иги болур эди

Девушка Гор
"Баязир неда биринчи джашаууна къайтхан Хыйса" деген китбада бир юзюкню бек сюеме.Бу юзюк аламат дерсди, бек иги оноу,къалай кесинги джюрютюрге керексе деб. ))

"Отун этип, оюн этип, оюм этип, Баязирни хорлаялямагъанла, аны сёзюн этип, сёгюм саладыла."Баракъны эшеклери къарыулудула.Баязирни отунлары андан жараулудула"-деп сау бузоуну ушухулагъа ушатадыла. Баязир, аны эшитип, айып этип, кюлюн къойса, зарла бютюн ойсурап, сёзню кюлюн суурадыла, ашдангютю къуурадыла.Ичи тарлыкъ, къара зарлыкъ хыйла бла харамлыкъ не болгъанларын билмеген Баязир: "Эл ауузу- элек, анга къарагъан - халек",-деп балтасын сугъады, отуннга аркъасы бла чыгъады.Биягъы эменлени,элмелени,жерклени, жёгелени, юргелени къыра, жашла эшеклерине жюклегенни аркъасына алады.
- Сёз этген амнады, жашла, дейди ол, отун жюкню тюбюнде келе.
- Не ючюн айтаса? -деп сагъаядыла бош келген жашла
-Сёзню къулагъы эшекни къулагъыды, тилин жилянны тилиди.
 
Къанамат
Форумда джазсанг бек иги болур эди
Аллах айтса джазарма, мен тема берсем, сен да джазарыкъ боур эдинг сочинение?
 
Къанамат
Сау бол, заманынгы къызгъанмай былайда бу юзюкню джазгъанынг ючюн.
Энди уа "Баязир неда биринчи джашаууна къайтхан Хыйса" деген китабны табыб окъумай къоймам
 
джамагъат къарачайча чебурашка къалайды???)))
 
Арасул
джамагъат къарачайча чебурашка къалайды???)))
Тоба, быллай сёз болмазмы
 
Девушка Гор
Тоба, быллай сёз болмазмы

да атаикъ сора)))
Салпыкъулакъджан!))) ма былай кибик))
 
Арасул
Салпыкъулакъджан
Да къайдам, алимле не дерле? Алагъа да соруб кёрюрмю эдик, атамай болмай эсек
 
Девушка Гор
Тилин билмеген ёксюздю. Сыйлы Аллах хар адамгъа къол, аякъ бергенича тил да бергенди. Къарачай ? малкъар миллетге тюрк дунияда эм ариу, эм таза тил джетгенди. Олду миллетни байлыгъы, аны башха халкъладан айыргъан энчи шарты.
Тил байлыгъыбызны сакъларгъа, бизни, Къарачай-Малкъар джаш тёлюню кетген-келлик ёмюрлени алларында да эм уллу борчубузду. Бюгюнгю тилибиз бизни ата-бабаларыбызны сау джашауларыды, ала аны бизге кирсиз, ариу, бай этиб къойгъандыла. Энди сагъыш этейик, биз аланы осиятларын толтуралырбызмы, бизге къойгъанча биз да туудукъларыбызгъа тилибизни ол болумда къояллыкъбызмы?
Я СОГЛАСЕН))))))
 
Чебурашка - Салпыкъулакъджан
Келишмейда къалмайды, Салпыкъулакъчыкъ дерге да боллукъду
 
Бюгюн бу темагъа 1-джыл болгъан кёреме, мен а уа тамблады деб тургъанма
Бу ётген джыл, мени ангылагъаныма кёре, тил байлыгъыбызны сакълар мурат бла аз иш этилмегенди, аны иги билирге, ёсдюрюрге да хар кюн сайын кюрешебиз. Бусагъатда эсиме келдиле Лайпанланы Билялны аламат тизгинлери:
Кёзлерибиз джарыр ючюн Кюнча, Айча!
Сёзлерибиз джарар ючюн Кюнча, Айча!
Сёлешейик Къарачайча!!!

Келигиз, ана тилибизни сакълайыкъ!!!
 
Девушка Гор

девичья память деген зат да болмаса, акълымда бу къадар затдан бир джукъ къалмагъанды...)))))
тамбласына повторение-мать учениясыны этиб чыгъаргъа керек болур тоба))))))))
 
sama
Тамбла былайда сакълайма сора, алай десемда бюгюн кюндюз
 
Акъыллычыкъ

сен да джазарыкъ боур эдинг сочинение?

Бир кюн бир джазмай къоймам
Джазсам, сенге е-мэйл бла иерикме

Девушка Гор

китабны табыб окъумай къоймам

Къалай аламат болур эди. Сен мени бек къууандырыб къояр эдинг Сени бегирек сейирсиндирирча:
Гитче аннтотация:
Джаш археолог Хыйса Кавказда бир экспедицияда бир тау ёзенде бек уллу эски ташны табады.Бу ташда къаллай эселе да эски джазмала бардыла. Алай а киши да аны ангыламайды. Мен,мен башха джашаумда, кёб ёмюрле алгъа муну джаздым деб кёрюнеди Хыйсагъа. Азаб кёрюб, амалсыз болуб, не этерге билмейди.Таш табхан джерден узакъ болмай, эски кешенеле, эски къабырла турадыла. Ахырында Хыйса, башха, биринчи джашауну эсине тюшюрюрча, къабырладан бирин ичинде сау кечени ётдюреди!!Китаб бу джашауну юсюндеди. Ол джашауда Хыйсаны аты Баязир болгъан эди.
Эрттеден быллай умутум барды. Элбрусоидге Тёппе улу келир эди деб...Бир бирде джазыучула, назмучула, джырлачыла, алимле сизге келедиле, ол а? Къысхасы, Алим келирча джукъ тыйгъыч джокъду деб кёлюме келеди. Ол аты айтылгъан, белгили адамды, джаланда КБРда тюл, бютеу Каказда.
Билемисе, менге аны китабларын окъургъа оноу этген къызгъа сау бол дерге бирда арымам)))
 
нек эсе да киши да келмейди бу топикге.... башха темаладамы сакълай турасыз тилни байлыгъын?))))
 
Къанамат
Сен джазгъан аннотациядан сора, андан да бек окъурум келди бу китабны Сау бол
 
Девушка Гор

Не да сау бол

башха китбдан, "Къарачай-малкъар мифле", чыгъардым:

СЮТ НЕК ТАРКЪАЙГЪАНДЫ?

Алгъын заманлада сют, къайнап, ёрге ургъанлай, къазанны толтуруп къоя эди.Сютню ол адетин билмеген бир къатын, сют ёрге ургъанда, тёгюлюп кетерик сунуп, сютге аямай юфгюргенди. Сют, ёпкелеп, ызына къайтып, таркъайып къалгъанды. Ма аны ючн сютге юфгбрген ырысды.))))

Сен а? Сютге юфгюремисе?))))
 
Къанамат
юфгюремисе? айыб этме, ангыламадым сёзню
Страницы: Пред. 1 ... 53 54 55 56 57 ... 62 След.
Читают тему (гостей: 4)

 

Написать нам