Войти на сайт
1 Июля  2026 года

 

  • Тёрдеги кюлсе, эшикдеги ышарыр.
  • Къошда джокъгъа – юлюш джокъ.
  • Эл тойса, тоймагъан, эл къойса, къоймагъан.
  • Ат басханны джер билед.
  • Ашыкъгъанны этеги бутуна чырмалыр.
  • Къыз чыгъаргъан – къызыл къымжа.
  • Джумушакъ терекни къурт ашар.
  • Къуллукъчума, деб махтанма, къуллукъ – хаух джамчыды!
  • Адамны аты башхача, акъылы да башхады.
  • Бал ашаргъа сюе эсенг, чибин ургъаннга тёз.
  • Термилгенинги табмазса, кюлгенинге тюберсе.
  • Чакъырылмай келген къонакъ сыйланмай кетер.
  • Ариу сёз – къылычдан джити.
  • Ачылгъан эт джабылыр, кёрген кёз унутмаз.
  • Ёлген аслан – сау чычхан.
  • Кёрмегеннге кебек – танг, битмегеннге сакъал – танг.
  • Керти сёзге тёре джокъ.
  • Уруну арты – къуру.
  • Этни бети бла шорпасы.
  • Сютню башын джалагъан къутулур, тюбюн ичген тутулур.
  • Минг тенг да азды, бир джау да кёбдю.
  • Ариуну – ауруу кёб.
  • Нёгер болсанг, тенг бол, тенг болмасанг, кенг бол.
  • Урама да – ёледи, сатама да – келеди.
  • Айранны сюйген, ийнек тутар.
  • Ач да бол, токъ да бол – намысынга бек бол.
  • Аман хансны – урлугъу кёб.
  • Ашхы тенг джолгъа салыр, аман тенг джолдан тайдырыр.
  • Тамчы таш тешер.
  • Аш иеси бла татлыды.
  • Байлыкъ болгъан джерде, тынчлыкъ джокъду.
  • Кеси юйюмде мен да ханма.
  • Эринчекни аурууу – кёб.
  • Тил – кесген бычакъ, сёз – атылгъан окъ.
  • Къарнынг бла ёч алма.
  • Аманны къуугъан, аманлыкъ табар.
  • Къазанчы аман болса, къазаны къайнамаз.
  • Кенгеш болса, уруш болмаз.
  • Сакъалы текени да бар, мыйыгъы киштикни да бар.
  • Акъылсызны джууукъгъа алма, акъыллыны кенгнге салма.
  • Окъугъан – асыу, окъумагъан – джарсыу.
  • Къралынгы – душмандан, башынгы от бла суудан сакъла.
  • Накъырда – кертини келечиси.
  • Телиге акъыл салгъандан эсе, ёлгеннге джан салырса.
  • Джырчы джырчыгъа – къарнаш.
  • Адамгъа аман кюн соруб келмейди.
  • Уллу сёлешме да, уллу къаб.
  • Джюрек кёзден алгъа кёрюр.
  • Билим ат болуб да чабар, къуш болуб да учар.
  • Уллу айтханны этмеген – уллаймаз.

 

Страницы: Пред. 1 ... 56 57 58 59 60 ... 62 След.
RSS
Келигиз, тил байлыгъыбызны сакълайыкъ!
 
всезнайка

Салам!

Да къызчыкъ, билмей къарачайлы болгъанымы айтыб къоюб, оюн этдтим да, энди башым бедишликге къалмасын къартлыгъымда деб кюрешеме.

Эххх анасыны, хайырым азды, олду джюрегими джауун ашагъан.
 
Кергелен
Эххх анасыны, хайырым азды, олду джюрегими джауун ашагъан.
Къоюгъуз, къыйнамагъыз кесигизни быллай бир, не джарсыу барады, мындан ары къалаи этериксиз. Кюрешесиз, къаныгъызны-джаныгъызны аямай.Аллах сууаб базманыгъызгъа джазсын
 
кёб затны къачыра эдим, иги болду къайтханым))
 
Бир сейир -тамаша китаб тюшгенди мени къолума, тюнене джыйылыуда. Сизге да юлюш этейим къууанчымдан.

Чипчикъланы Борис Мухамматны джашы.

"Мы жили рядышком с Граалем."



Чычхан.

Эртенликде бачхада кердюм- сокъур чычхан ,мийик терекге ёрлеб, тюз да бутакъ юсюнде кертме ашай эди. Мени эки кёзюм ,эки къолум, алай андан иги бишген андан уллу кегетни сайлаяллыкъ тюйюл эдим. Кертмени эки "къолчугъу "бла тутуб,ууакъ-ууакъ къаба, ашай эди сокъур чычхан, алай ариу, мен огъай, эртдеги чанка тыширыу огъуна ашаялмаз эди.
Анга къарай,пионер лагерни уллу юйю эсиме келди. Экиджюз адам бирге джыйылыб ,къашикъ -табакъ таууш къайнаб, ашайбыз, ким къубула, ким бюсюремей, ким а тонгуз баладан башхалыгъы болмай. Ол къатышханны ичинде кердюм бир адам бет,ашыкъмай,сюйюб ашагъан гитче къызчыкъны,анга къарай кёрюндю меннге кёк бла джерден туугъан сыйлы зат--аш бла адам тюбешдиле , ол тюбешиуден сюйдюмлюк тууду ,биреуню ариулугъундан мен да тазаракъ болдум. Биз а ашарыкъгъа душманыбызгъача къарайбыз. Адамла чачылгънда сордум джашчыкъдан.
-Ким эди ол сени къатынгда олтургъан къызчыкъ?
-Бош, элден келген колхозчу,хазна селеше да билмеди.
Эри, къатыны айран джугъу эринлери бла "мен сени сюеме" дерге кюрешедиле. Къалай аздыла ашарыкъ бла ариу тюбешген адамла....
Къайдаса, мени гитче устазым?
Билеме,хар къабхан къабынынг ,дуниягъа джарыкълыкъ болуб къайтады. Айланаса ,гитче, таза тамгъачыкъгъа тюбесенг, аны уллуракъ этерге кюреше,айланаса ,эки акъ мёлек а -къатынгда.
Олтурады терек башында сокъур чычхан. Олтурады, кертме ашай......
 
ЭЛБРУСОИД -дайджест ? 6.


МОТТАЛАНЫ СВЕТЛАНА МУСТАФАНЫ КЪЫЗЫ.

Пять алмазов, пять ущелий,
Горы мои старые,
Стражи многих покалений
Имя вам- Балкария.



САБИЙЛИГИМ.

Сабийлигим тууду Черек бойнунда,
Алай озду Азияны къойнунда,
Иссиден да суукъдан да джунчуду,
Джаралы итлей ,орамлада улуду.

Къысталгъанны боламыды ышыгъы?
Чыгъамыды аны кюню ашыгъыб?
Джалан сары ызын юзмез джабады,
Келе келиб ,джыланы да къабады.

Джокъду аны ата джурту,не аты,
Аджал аны сермегенди бек къаты,
Тыш дунияны къарайды ол кёзюне,
Джалынчакъча къулакъ салыб сёзюне....

Мугур болуб сюелед сабийлигим,
Бермейди къадар аннга гырджын, кийим,
Къара чаукала бийлеген межгитден
Хапар келмей адамлыкъдан, тенгликден.

Сюймегенден сюйдюм сени,Азия.
Эсимде болмай болдунг менге хаух уя.
Сени къойнунгда джыладым ,джунчудум,
Орам итлей босагъангда улудум.
 
САЛПАГЪАРЛАНЫ КУЛИНА.
ДЖау,джау,джау ,джангур.

Джау,джау,джау, джангур,

Булутланы сау джангур,

Джаулу гюттю берейим,

Сабан битим керейим.

Къуй,къуй,къуй,джангур.

Иссиликни джуу джангур.

Къуймакъ, къалач берейим,

Ындыр толуб керейим.

Кюл гюттюле туурайым,

Чыпчыкъ болуб учайым,

Суу сюммекден уртлайым!...

 
Къакъ , къакъ, къакъ къаргъа,
Къанатланы къакъ къаргъа,
Къулагъы, кезю сакъ къаргъа,
Къамиш тюбге чаб къаргъа.,
Къамиш мынчакъ такъ къаргъа,
Тереклени аула да,
Бизге алма ат, къаргъа.
 
КЪАРТ ПАТЧАХ
Къарачай-Малкъар джомакъ.Эртде- эртде, бир патчахны аллай адети болгъанды : ол патчахлыкъ этген элледе, къартла джашлагъа акъыл юретмесинле деб, бир деб, бир къартны къоймай ,юйден алдырыб кетиб, ёлтюрюб баргъанды. Кесине халкъны бойсундурургъа алай тынчды, деб. Бир джаш, а атасын къартлыгъында алай этедиле деб къоркъуб, патчахны эгетлери хапарын билгинчи, юйню тюбюнде терен уру къазыб, джер юйчюкча джарашдырыб, атасын ары салыб, ашын-суун табдырыб, анда джашатыб тургъанды. Атам елгенди деб, элге ол хапарны чыгъарыб, къабыр этиб анга бир дюккючню чырмаб асыратыб,киши ишекли болмазча этгенди.
Ол палах адетден безиб,кюнлени бир кюнюнде,бютеу миллет джыйылыб, патчахха барыб тилегендиле:
-Патчах, сен бу къартлагъа этиучю адетинги къой, къарт болмазлыкъ джокъду. Биз да сен не дей эсенг да этейик ,-деб.
Сагъыш этиб, патчах ол адамлагъа къолгъа кючден илинген гитче хызенчикни чыгъарыб бергенди.
--Хайыр! Сиз, табхан ачхагъызны кюйдюрюб, кюлюн ма муну ичине къуйуб, толтуруб келтирсегиз,къартлагъа тийгенни къойарма,-дегенди.
Алайгъа хо болуб ,адамла оноулашыб, ачха табханларын джыйыб,кюйдюрюб, кюлюн ол хызенчикге къуйюб тебрегендиле. Къуйгъандыла,къуйгъандыла-хызенчик а толургъа унамагъанды.Ишлеб да,табхан ары-берилерин сатыб да,ашхы ачха къураб,кюйдюрюб къуйюб кюрешгендиле,болмагъанды--адаргы хызенчик толмагъанды. Халкъ алджагъанды,сейир-тамаша болгъанды ,къыйналгъанды.
Ол атасын джашырыб тургъан джаш бир кече джашыртын. адам аягъы тынгандан сора,атасына тюшюб хапар айтыб,оноу соргъанды. Къарт:
--Ол а,джашым, алай нек болады десенг,хызенчик адамны кезюню къабыды,гитче топракъ гыртчыкъ атмасагъыз, толлукъ тюлдю: джут адамны кезю ачхадан тойгъан адет джокъду,ёлюб топракъ джабмаса....
Джаш эртденбла эртде,халкъдан алгъа хызенчикни алыб, ичине бир гитче топракъ гыртчыкъны атханды. Сора биягъынлай миллет джыйылыб,ачха табханларын кюйдюрюб, къуйгъандыла да,хызенчик толгъанды. Халкъ къууанч тыбырлы болгъанды,хызенчикни патчахха элтгендиле.
Къараб хызенчикни толгъанын кёргенлейине, патчах кючлю чамланнганды,джекиргенди:
-Эй-я,халкъда къарт къалыб тура кёреме! Бусагъатдан болгъанны къармаб,ол къартны табыб келтиригиз!-деб мыртазакъланы ийгенди. Хызенчик толса,осал адет тохтарыкъды, деген миллет сын болгъанды. Мыртазакъла,эгетле дунияны баш-тюбюне эте,излегендиле,къармагъандыла,чабышхандыла,алай къартны табалмагъандыла.
-Къарамагъан ,тинтмеген джерибиз,элибиз къалмады, джокъду бир деб,бир къарт,-деб къайтхандыла. Къарт а биягъынлай, бугъунуб джашаб тургъанды. Джашы: "Башха джерге узакъ къачайыкъда кетейик",-деб тилегенди. Къарт унамагъанды.
--Тыш джерде адамны сыйы болмайды,андан эсе чунгурум игиди,патчах да ёмюрлюкге джашамайд,ол да не ёлюр, не ауушунур,-деб къойгъанды. Талай джылдан патчах тахтадан тюшюрюлгенди, орнуна башха патчах салыннганды. Джангы патчах ол аман адетни тохтатгъанды. Къарт да юйге ,кюнге чыкъгъанды. Кюнлени биринде ол къартны джашы къысталгъан патчахха тюбегенди. " Кел, олакъыллы къартха тюбетейим!"-деб, юйюне келтиргенди.
--Да ма былай да былай, хызенчикни къалай толтурургъа боллугъун мен юретген эдим,-дегенди къарт.
-Менге "къаты-къаты" деб,бош айтыб тургъандыла,сен мени къаты айтыб излеталмагъаным бла къалыб тургъанса.Энди акъылым болса,андан да къаты боллукъ эдим,сени да табтырлыкъ эдим, тахтадан да тюшмезча мадарла табарыкъ эдим!-деб чамланнганды эски патчах.
-Къарт болмаса, акъыл-оюм болмайды,акъыл болмаса мадар табхан къыйынды .Сен да ол акъылсызлыгъынг,тели къатылыгъынг амалтын къысталдынг,-дегенди джаш да джууабха.

 
Кергелен
(п.с....быллай адамларыбыз кёб болсун ))))
 
быллай адамларыбыз кёб болсун ))))
Aminka09

Сау бол, къызым, меннге айта эсенг.
Сенден кёлюм къалады , биле тургъанлай джукъ джазмайса.


Байрамукъланы Ф.
-Кёлюмдегин айтсам, ушатмазлыкъларын ангылагъанымда ,алагъа табыча сёлешиб келеме.
-Кесинги тюз этгеннге санаймыса?
-Тюз этгеннге санасам,сеннге тюзюн айтырыкъ тюл эдим. Терсни джагъы болмайды деб тура эдим,кесим анга джакъ болуб келеме.
-Да барында аннгылай эсенг....
--Ала менден тюзюн сормай эдиле,ангылаймыса? Тюзюн ала кеслери да биле эдиле!
--Аперим, аперим.
 
Кергелен
Сизге айтама..... )))
Не затчыкъ джазсам сюе эдигиз??!!
 
Aminka09


Любой зат.))))))
 
Кергелен
Болсун)))) Бир кюн джазарма ))))) Любой зат ана тилибизде )))
 
Болсун)))) Бир кюн джазарма ))))) Любой зат ана тилибизде )))

Да сен бери бир затчыкъ джазгъынчына ,мен МКъарачайгъа доб деб ,тюшюб къалыргъа болурма)))))))
 

БИЧЕННГЕ ЧЫКЪГЪАНДА АЛГЪЫШ

Чалкъычыла ишлеучюле болсунла,
Кюнлерибиз джауумсузла болсунла.
Ёгюзлерибиз бешли болсунла,
Биченликлерибиз ташсыз болсунла.
Ишлеген къоллагъа кюч келсин,
Аллах бизге онг берсин!

КЪЫСХА АЛГЪЫШ

Эки бюрче отуннга барыб, андан эки юй агъач келтиргинчи, джаша.

ЫРЫСЛА

Ийнени халысы бла берген ырысды.
Бетинг кичисе джылыгъан этесе.
Сапынны къолдан къолгъа берген ырысды.
Кёзюне акъ тюшсе, тиширыу сют бла джуундурадыла.
Юйлю адам босагъада олтурса, бир къайгъы болады.
Бичакъ тюшсе -эркиши келир, къыпты тюшсе-тиширыу.
Киштик онг аягъы бла бетин джууса-кюн иги болады.
Орта бармакъгъа юйленмеген тиширыугъа джюзюк киерге джарамайды.
 
Aminka09

Ийнени халысы бла берген ырысды
а ол къалайды?
 
Treasure
Къуру ийне болмай, халысы да суурулуб...))
 
Aminka09
 
Орта бармакъгъа юйленмеген тиширыугъа джюзюк киерге джарамайды.
Киерге болмагъанын биле эдим, алай а юйленмеген тиширыугъа деб эшитмеген эдим
 
Девушка Гор
)) за тему )) )) патриотичную))
 
Aminka09
Сизге уллу сау бол, теманы тас болургъа къоймагъаныгъыз ючюн
Былайда джазгъан затларыгъызны бек сюйюб окъудум. Ырыслагъа миллетибизни ийнанмакълыгъы уллу болгъанын билебиз, джазармы эдигиз бир-эки зат
 
Болсун! Джазарма!!! )))
 
Салам ! Сюйюмлю ДЖердешлерим!

Девушка Гор

Хош кел ,къызчыкъ.

Aminka09

Да алай,этеди киши,ансы -кесим джазыб ,кесим окъуб.))))))

Бары эсиме тюшдюле. Юйде къарт АТА-АНА болгъан джерде ырысны кючлю сакълай эдиле.
Ол барыда хали -намыс сакълагъан затладыла.
 
Кергелен

Къараймада, сизда болурсуз дейме ырысладан хапарлы, анням бир кёб айтыучанды аланы.
 
.................................................. .................................................. .......
Ы Р Ы С Л А (прод.)
Бычакъны бурну ёрге айланса - мал ёледи.
Эки къолун джаягъына салыб олтургъан игиликге тюйюлдю.
Эртденликде эшикни этиб къойгъан, ингирликде- ачып къойгъан аманды. (Ырысхы,игилик - эртденликде, палах- ингирде келеди деб айтхандыла)
Кечегиде юй тюбюн сыпаргъа джарамайды.
Юй бийчесини ауурлугъу болгъан эркиши къабыр къызса, сабийи къыяулу тууады.
Бурнунгу онг джаны кичисе, сюйген адамынг келир, сол джаны кичисе, сюймеген адамынг.
Тауукъ къумда джуунса- кюн бузулады.
 
 
Страницы: Пред. 1 ... 56 57 58 59 60 ... 62 След.
Читают тему (гостей: 8)

 

Написать нам