Войти на сайт
1 Июля 2026 года

 

  • Аш хазыр болса, иш харам болур.
  • Этек чакъмакълары баш джаргъан, сёлешген сёзлери таш джаргъан.
  • Хансыз джомакъ болмаз.
  • Иги болса, тамадама – махтау, аман болса, меннге – айыб.
  • Керек ташны ауурлугъу джокъ.
  • Къызны минг тилер, бир алыр.
  • Биреу къой излей, биреу той излей.
  • Аман къатын сабий табса, бий болур…
  • Танг атмайма десе да, кюн къоярыкъ тюйюлдю.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Уллу суу бла уллу ауруудан башынгы сакъла.
  • Aдам боллукъ, сыфатындан белгили.
  • Ким бла джюрюсенг, аны кёзю бла кёрюнюрсе.
  • Бетинги сатма, малынгы сат.
  • Окъдан джара эртде-кеч болса да бителир, сёз джара, ёмюрге къалыр.
  • Аман къатын алгъан, арыр, иги къатын алгъан джарыр.
  • Ойнай билмеген, уруб къачар.
  • Ач къарным, тынч къулагъым.
  • Ата джурт – алтын бешик.
  • Джол бла сёзню къыйыры джокъ.
  • Кесине гебен этелмеген, биреуге черен эте эди.
  • Дуния мал дунияда къалады.
  • Ишни аллы бла къууанма да, арты бла къууан.
  • Ана къолу ачытмаз.
  • Къар – келтирди, суу – элтди.
  • Уллу къашыкъ эрин джыртар.
  • Таш ата билмеген, башына урур.
  • Къайгъы тюбю – тенгиз.
  • Байлыкъ келсе, акъыл кетер.
  • Билим ат болуб да чабар, къуш болуб да учар.
  • Къралынгы – душмандан, башынгы от бла суудан сакъла.
  • Кийиминг бла танылма, адамлыкъ бла таныл.
  • Ойнаб айтсанг да, эслеб айт.
  • Абынмазлыкъ аякъ джокъ, джангылмазлыкъ джаякъ джокъ.
  • Ёмюрлюк шохлукъну джел элтмез.
  • Ётюрюкню къуйругъу – бир тутум.
  • Уясында не кёрсе, учханында аны этер.
  • Тойну къарнашы – харс, джырны къарнашы – эжиу.
  • Асхат ашлыкъ сата, юйдегиси ачдан къата.
  • Ауругъаннга – кийик саулукъ, джетген къызгъа – чилле джаулукъ.
  • Тилчи тилден къаныкъмаз.
  • Башы ишлегенни, ауузу да ишлер.
  • Биреу ашаб къутулур, биреу джалаб тутулур.
  • Аманнга игилик этсенг, юйюнге сау бармазса.
  • От кюйдюрген, сау болса да, тот кюйдюрген, сау болмаз.
  • Уллу сёлешме да, уллу къаб.
  • Джумушакъ терекни къурт ашар.
  • Билимсиз иш бармаз.
  • Дуния аламаты сен эсенг да, игиме деб айтма.
  • Малны кют, джерни тюрт.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 ... 58 59 60 61 62 След.
RSS
Келигиз, тил байлыгъыбызны сакълайыкъ!
 
#1476
Джаратама0
19.11.2009 17:12:52
всезнайка
вершка пядь
Муну къарачайча аты джокъмуду?
 
 
 
#1477
Джаратама0
24.11.2009 14:44:51
Бир хапар айтайым.
Октябрь айда Налчикде болгъанымда талай таулу джазыучу бла танышханма.
Бир кюн бир Заман деген газета редакциясында тургъанбыз: Хучина улу Ануар, Беппай улу Муталип, Доду улу Аскер,Чыпыкъ улу Борис, мен.
Тауча сёлешгенбиз. Мен барысын да игирек ангыларча, ала ашыкъмай, иги дикция бла сёлешиб кюрешгендиле.
Хучина улу манга:
-Балам ( он манга къарт атагъа джарайды) Бизни тилибизде не зат бютюнда джаратаса?
- Адамлыкъ деген сёз. Орус тилге бу сёзню тюз кёчюрюрге амал джокъду. Сёзню магъанасы асыры уллуду. Человечность, порядочнсть.. дагыда аны кибик..Къысхасы адам кесини бетин сакъларча битеу этиулери...
- Хау, балам, тюзсе...Алай а бизни тилибизде орус тилге кёчюрюлмезлик сёз кёбдюле...Сёз ючюн адамлыкъ деген сёзге къайсы антоним джарашдыр эдинг?
-М-м-м-...Начаслыкъ?
- Угъай, сагъыш эт.
-Сора кюйсюзлюк?
-Угъай. Адамлыкъ адамдан къуралгъанды. Сора антоним не затдан къуралыргъа керекди?
-Билмейме.Кесими береме.
- Джаныуардан! Итлик! Подлость деген кёчюрген тюппе-тюз тюйюлдю.Тюз кёчюрюрге амал джокъду.Ангылаймыса?Угъайынг джокъмуду?
- Джокъду, джокъду...
Ол сагъатлай Бепай улу кюлюб:
-Э...Сора ешеклик деген сёз къалай кёчюрюледи?
 
 
 
#1478
Джаратама0
25.11.2009 10:54:09
Тёгерек стол энтда къураргъа боллукъду деб эштгенме..
Бу джол, джазычу неда къарачай-малкъар тил специалисти бла стол болса, къалай иги боллукъ эди...
Туура къарачай-малкъар тилни юсюнден ушакъ этерча.
Не дериксиз?
 
 
 
#1479
Джаратама0
25.11.2009 14:15:36
Къанамат

Девушка Гор тындырлыкъ болур ол джумушну, деб келеди кёлюме
 
 
 
#1480
Джаратама0
25.11.2009 14:36:21
келигиз!!
Къачан боллукъду?
 
 
 
#1481
Джаратама0
25.11.2009 14:44:47
Акъыллычыкъ
Девушка Гор тындырлыкъ болур ол джумушну, деб келеди кёлюме
Аллах айтса
бекиги
Къачан боллукъду?
Айыб этмегиз алай айтханыма, бир кёб ишим барды, эндиги ыйыкъда сагъыш этерме, охому?
 
 
 
#1482
Джаратама0
25.11.2009 19:46:32
Девушка Гор


Хоу..биз уа кёбюрек соруу хазырлыкъбыз сора
 
 
 
#1483
Джаратама0
03.12.2009 12:31:08
Къанамат
Хоу..биз уа кёбюрек соруу хазырлыкъбыз сора
Хазырлагъыз, алай кёб заманда къалмагъанды
 
 
 
#1484
Джаратама0
03.12.2009 14:57:04
Девушка Гор

Хазыр турабыз)
Бек иги джангылыкъ айтдынг.
Тюз заман билдир бир кесекчикден, битеу ишни артха салыб тохташдырылгъан сагъатха Интернетге кирирча.

Акъыллычыкъ

)) Къаяны тешиб ётюб барлыкъбыз))))
 
 
 
#1485
Джаратама0
04.12.2009 15:18:20
Сорурум келеди
Бу тёгерек столгъа къошулур форумчула бир джазыгъыз былайда...)
мен келликме деб ансы Акъллычыкъдан башха киши да келмез деб келеди кёлюме..Акъыллычыкъ сен тас болмазса деб умут этеме!!

Девушка Гор

Этген ишинге бек сау бол, аперимсе.

Тюнене окъуна, форумну къалай джангыртыргъа, къалай игиге айландырыргъа боллукъду, сейир тема джокъду..дагъыда аны кибик деб сюзген эдик..Хайда, бу тёгерек стол биринчи атлам болсун!
Бу зат сейир тюл эсе, не затха сейир деб атаргъа боллукъду деб билмейме.
 
 
 
#1486
Джаратама0
04.12.2009 16:43:16
Къанамат
Личкангы окъу
 
 
 
#1487
Джаратама0
04.12.2009 16:47:06
Къанамат
Бу тёгерек столгъа къошулур форумчула бир джазыгъыз былайда...)
мен келликме деб ансы Акъллычыкъдан башха киши да келмез деб келеди кёлюме
Огъай, алай болургъа мадар джокъду. Форумда ана тиллерин сюйген, анга къайгъыргъан адамла кёбдюле, ала барысыда соруула хазырларыкъдыла, деб ышанама
 
 
 
#1488
Джаратама0
28.12.2009 09:56:20
Ассаламу гъалейкум!
Бек сеийр ушакъ болду деб ышанама. факультетни кафедрасын джабабыз-дегенлери уа бушуу хапар-толусу бла иинаныб къалалмаима, къалай да болсун. устазланы уа не этерикдиле, пенсиягъа, огъесе лаборантламы этерикдиле?
Ол барысы да кесибизни болумсузлугъубуздан болур, черкеслилени джабарыкъ болгъа эдиле, Адыге Хаселерин ишни подключить этиб, митинг этерге джетер эдиле, бизниуа, ректор да къарачайлы бола тургъанлай, Али-Мурат не деди да бу болумгъа, ол ушой эди да андан.
 
 
 
#1489
Джаратама0
28.01.2010 05:15:42
всезнайка
Кафедраны болумуну юсюнден соргъанлай турама. Уллу хапар джокъду, Батчаланы Алимурат республиканы башчыларына письмо джарашдырыргъа керек эди да, иш акъырын бара болур, хапар билдирмегенди.
 
 
 
#1490
Джаратама0
31.01.2010 13:42:01
Девушка Гор
всезнайка
Кафедраны болумуну юсюнден соргъанлай турама. Уллу хапар джокъду, Батчаланы Алимурат республиканы башчыларына письмо джарашдырыргъа керек эди да, иш акъырын бара болур, хапар билдирмегенди.
Джабыб къоялмазла-деб акъылым алаиды, студентле джокъудула да къарачай тилде, аны ючюн деидиле, алай а есть положение конституцияда аны юсюнден про языки, ол бир кюн Алий хасанович аитхан эди, башымда къалмагъанды ансы
 
 
 
#1491
Джаратама0
31.01.2010 14:24:39
всезнайка
Сабийле аздыла, аны ючюн саулай университетде, хар факультетде да 1-3 курсха дери ана тилни окъурча этерге кюреширикдиле. Ол заманда къарачай тил бла литературадан устазла бла къалай боллукъдула билмейме, кафедра уа ишлерикди.
 
 
 
#1492
Джаратама0
09.03.2010 15:29:56
Девушка Гор
ар факультетде да 1-3 курсха дери ана тилни окъурча этерге кюреширикдиле. Ол заманда къарачай тил бла литературадан устазла бла къалай боллукъдула билмейме, кафедра уа ишлерикди.
Болгъа эди алай, иги сагъын, аллах аитыб.
Сен бизни хапарлы эте турурса, деб ышанама
 
 
 
#1493
Джаратама0
09.03.2010 15:33:14
всезнайка
Сен бизни хапарлы эте турурса, деб ышанама
Кафедрада бюгюн аттестация бара турады. Бусагъатда Али-Муратха телефон бла сёлешгенме.
 
 
 
#1494
Джаратама0
03.06.2010 10:48:37
Тюнене телевизорда къарачай передачагъа къарадым, къарачай тилни окъутууну юсюнден семинар болую Важное элде устазланы джыйыб, аитдыла проблемаларын, бир бир школлада къарачай тилни окъутургъа устазла джетмеидиле-деидиле. кеслери да китабла джетишмегенерин, аланы ичинде суратаны да бояулу этигиз джангы чыгъарыкъ китаблада-дедиле.
 
 
 
#1495
Джаратама0
03.06.2010 14:45:26
всезнайка
бир бир школлада къарачай тилни окъутургъа устазла джетмеидиле-деидиле
Китабла джетмегенлерин биле эдим, устазла болмагъанлары уа сейирди, хар джыл сайын КЧКЪУ-ни талай джаш устаз бошайдыла. Окъууну бошагъандан сора да иш табмайын къаллай бири инджиледи.
 
 
 
#1496
Джаратама0
05.06.2010 19:46:23
Бюгюн Тебердиде устазланы конференциялары болады, нальчикден ишден да келгендиле.устазланы билимлерин ёсдюрген институтда ана тиллени кафедраларыны тамадасы, филология илмуланы доценти 9билмеген кибик этиб махтаиым) эгечим бара эди да. мени да элт дедим, алмады биргесине, к сожалению. даже по пути эльбрусоидге дедим, в след. раз деб къойду, ашыгъыш эди да
 
 
 
#1497
Джаратама0
05.06.2010 19:48:16
всезнайка
уооо, къалай этиб къойду алай?!!! Бизде бюгюн озвучка бара эди, къараб кетерик эдигиз
 
 
 
#1498
Джаратама0
05.06.2010 19:51:54
koketka
нени озвучивать этесиз, может и мне приписаться в актеры- кесими со стажем актергъа санаб турама.
энтда кеб болмай барлыкъма-о сагъат барырса, энди сеннге да заезжать этерге заман джокъду деб.
 
 
 
#1499
Джаратама0
05.06.2010 19:59:38
всезнайка келигиз, джуукъ болугъуз Роликни озвучить этгендиле Фатима бла Софа, киноладан хапарым джокъду, кёб турмай этерик болурбуз бирин
 
 
 
#1500
Джаратама0
05.11.2010 03:04:00
Кергелен
Уллу сыпас санга! Бек сюйюб окъудум, кёб джангы сёз да билдим.
 
 
 
Страницы: Пред. 1 ... 58 59 60 61 62 След.
Читают тему (гостей: 8)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.