Эльбрусоид :: Форум :: Келигиз, тил байлыгъыбызны сакълайыкъ!

Терслик кетер, тюзлюк джетер.
Экеу тутушса, биреу джыгъылыр.
Къаллай салам берсенг, аллай джууаб алырса.
Джеринден айырылгъан – джети джылар, джуртундан айырылгъан – ёлгюнчю джылар.
Мени джылытмагъан кюн, меннге тиймесин!
Джарлы тюеге минсе да, ит къабар.
Адам сёзге тынгыла, акъыл сёзню ангыла.
Чабакъ башындан чирийди.
Адамны аты башхача, акъылы да башхады.
Гугурук къычырмаса да, тангны атары къалмаз.
Юйюнгден чыкъдынг – кюнюнгден чыкъдынг.
Узун джолну барсанг, бюгюн келирсе, къысха джолну барсанг, тамбла келирсе.
Аякъларынгы джууургъанынга кёре узат.
Таш бла ургъанны, аш бла ур.
Къарны аманнга къазан такъдырма, къолу аманнга от джакъдырма.
Аман къатын алгъан, арыр, иги къатын алгъан джарыр.
Билим ат болуб да чабар, къуш болуб да учар.
Къарт бла баш аша, джаш бла аякъ аша.
Байлыкъдан саулукъ ашхыды.
Билгенни къолу къарны джандырыр.
Джылар джаш, атасыны сакъалы бла ойнар.
Чабар ат – джетген къыз.
Бойнуму джети джерден кессенг да, мен ол ишни этеллик тюлме.
Керти сёзге тёре джокъ.
Элни кючю – эмеген.
Юйюнг бла джау болгъандан эсе, элинг бла джау бол.
Аман къатын сабий табса, бий болур…
Ёзденликни джайгъан – джокълукъ.
Джети тилни билген джети кишиди.
Къайгъыны сюйген, къайгъы табар.
Джаш къарыу бла кючлю, къарт акъыл бла кючлю.
Эринчекни эр алмаз, эр алса да, кёл салмаз, кёл салса да, кёб бармаз!
Ашарыкъда сайлагъаннга – чий гырджын.
Ашхы – джыяр, аман – джояр.
Иги болса, тамадама – махтау, аман болса, меннге – айыб.
Ушамагъан – джукъмаз.
Биреуге кёлтюрген таягъынг, кесинги башынга урур.
Сютню башын джалагъан къутулур, тюбюн ичген тутулур.
Ышармагъан – кюлмез, кюлмеген – къууанчны билмез.
Чакъырылмай келген къонакъ сыйланмай кетер.
Кёлсюзден сёзсюз тууар.
Адамгъа аман кюн соруб келмейди.
Олтуруб кёрюнмей эди да, ёрге туруб кёрюне эди.
Кёз – сюйген джерде, къол – ауругъан джерде.
Адамны адамлыгъы къыйынлыкъда айгъакъланады.
Тай асырагъан, атха минер.
Къарт айтханны этмеген, къартаймаз.
Нарт сёз – тилни бети.
Арбаз къынгырды да, ийнек сауалмайма.
Къонакъ аман болса, къонакъбай джунчур

RSS

Келигиз, тил байлыгъыбызны сакълайыкъ!

Акъыллычыкъ Гость	#1476 Джаратама0 19.11.2009 17:12:52 всезнайка вершка пядь Муну къарачайча аты джокъмуду?

Къанамат

Гость

#1477

Джаратама0

24.11.2009 14:44:51

Бир хапар айтайым.
Октябрь айда Налчикде болгъанымда талай таулу джазыучу бла танышханма.
Бир кюн бир Заман деген газета редакциясында тургъанбыз: Хучина улу Ануар, Беппай улу Муталип, Доду улу Аскер,Чыпыкъ улу Борис, мен.
Тауча сёлешгенбиз. Мен барысын да игирек ангыларча, ала ашыкъмай, иги дикция бла сёлешиб кюрешгендиле.
Хучина улу манга:
-Балам ( он манга къарт атагъа джарайды) Бизни тилибизде не зат бютюнда джаратаса?
- Адамлыкъ деген сёз. Орус тилге бу сёзню тюз кёчюрюрге амал джокъду. Сёзню магъанасы асыры уллуду. Человечность, порядочнсть.. дагыда аны кибик..Къысхасы адам кесини бетин сакъларча битеу этиулери...
- Хау, балам, тюзсе...Алай а бизни тилибизде орус тилге кёчюрюлмезлик сёз кёбдюле...Сёз ючюн адамлыкъ деген сёзге къайсы антоним джарашдыр эдинг?
-М-м-м-...Начаслыкъ?
- Угъай, сагъыш эт.
-Сора кюйсюзлюк?
-Угъай. Адамлыкъ адамдан къуралгъанды. Сора антоним не затдан къуралыргъа керекди?
-Билмейме.Кесими береме.
- Джаныуардан! Итлик! Подлость деген кёчюрген тюппе-тюз тюйюлдю.Тюз кёчюрюрге амал джокъду.Ангылаймыса?Угъайынг джокъмуду?
- Джокъду, джокъду...
Ол сагъатлай Бепай улу кюлюб:
-Э...Сора ешеклик деген сёз къалай кёчюрюледи?

Къанамат

Гость

#1478

Джаратама0

25.11.2009 10:54:09

Тёгерек стол энтда къураргъа боллукъду деб эштгенме..

Бу джол, джазычу неда къарачай-малкъар тил специалисти бла стол болса, къалай иги боллукъ эди...
Туура къарачай-малкъар тилни юсюнден ушакъ этерча.

Не дериксиз?

Акъыллычыкъ Гость	#1479 Джаратама0 25.11.2009 14:15:36 Къанамат Девушка Гор тындырлыкъ болур ол джумушну, деб келеди кёлюме

бекиги Гость	#1480 Джаратама0 25.11.2009 14:36:21 келигиз!! Къачан боллукъду?

Девушка Гор

Гость

#1481

Джаратама0

25.11.2009 14:44:47

Акъыллычыкъ
Девушка Гор тындырлыкъ болур ол джумушну, деб келеди кёлюме
Аллах айтса

бекиги
Къачан боллукъду?
Айыб этмегиз алай айтханыма, бир кёб ишим барды, эндиги ыйыкъда сагъыш этерме, охому?

Къанамат Гость	#1482 Джаратама0 25.11.2009 19:46:32 Девушка Гор Хоу..биз уа кёбюрек соруу хазырлыкъбыз сора

Девушка Гор Гость	#1483 Джаратама0 03.12.2009 12:31:08 Къанамат Хоу..биз уа кёбюрек соруу хазырлыкъбыз сора Хазырлагъыз, алай кёб заманда къалмагъанды

Къанамат

Гость

#1484

Джаратама0

03.12.2009 14:57:04

Девушка Гор

Хазыр турабыз)
Бек иги джангылыкъ айтдынг.
Тюз заман билдир бир кесекчикден, битеу ишни артха салыб тохташдырылгъан сагъатха Интернетге кирирча.

Акъыллычыкъ

)) Къаяны тешиб ётюб барлыкъбыз))))

Къанамат

Гость

#1485

Джаратама0

04.12.2009 15:18:20

Сорурум келеди

Бу тёгерек столгъа къошулур форумчула бир джазыгъыз былайда...)
мен келликме деб ансы Акъллычыкъдан башха киши да келмез деб келеди кёлюме..Акъыллычыкъ сен тас болмазса деб умут этеме!!

Девушка Гор

Этген ишинге бек сау бол, аперимсе.

Тюнене окъуна, форумну къалай джангыртыргъа, къалай игиге айландырыргъа боллукъду, сейир тема джокъду..дагъыда аны кибик деб сюзген эдик..Хайда, бу тёгерек стол биринчи атлам болсун!
Бу зат сейир тюл эсе, не затха сейир деб атаргъа боллукъду деб билмейме.

Девушка Гор Гость	#1486 Джаратама0 04.12.2009 16:43:16 Къанамат Личкангы окъу

Акъыллычыкъ

Гость

#1487

Джаратама0

04.12.2009 16:47:06

Къанамат
Бу тёгерек столгъа къошулур форумчула бир джазыгъыз былайда...)
мен келликме деб ансы Акъллычыкъдан башха киши да келмез деб келеди кёлюме
Огъай, алай болургъа мадар джокъду. Форумда ана тиллерин сюйген, анга къайгъыргъан адамла кёбдюле, ала барысыда соруула хазырларыкъдыла, деб ышанама

всезнайка

Гость

#1488

Джаратама0

28.12.2009 09:56:20

Ассаламу гъалейкум!
Бек сеийр ушакъ болду деб ышанама. факультетни кафедрасын джабабыз-дегенлери уа бушуу хапар-толусу бла иинаныб къалалмаима, къалай да болсун. устазланы уа не этерикдиле, пенсиягъа, огъесе лаборантламы этерикдиле?
Ол барысы да кесибизни болумсузлугъубуздан болур, черкеслилени джабарыкъ болгъа эдиле, Адыге Хаселерин ишни подключить этиб, митинг этерге джетер эдиле, бизниуа, ректор да къарачайлы бола тургъанлай, Али-Мурат не деди да бу болумгъа, ол ушой эди да андан.

Девушка Гор

Гость

#1489

Джаратама0

28.01.2010 05:15:42

всезнайка
Кафедраны болумуну юсюнден соргъанлай турама. Уллу хапар джокъду, Батчаланы Алимурат республиканы башчыларына письмо джарашдырыргъа керек эди да, иш акъырын бара болур, хапар билдирмегенди.

всезнайка

Гость

#1490

Джаратама0

31.01.2010 13:42:01

Девушка Гор
всезнайка
Кафедраны болумуну юсюнден соргъанлай турама. Уллу хапар джокъду, Батчаланы Алимурат республиканы башчыларына письмо джарашдырыргъа керек эди да, иш акъырын бара болур, хапар билдирмегенди.
Джабыб къоялмазла-деб акъылым алаиды, студентле джокъудула да къарачай тилде, аны ючюн деидиле, алай а есть положение конституцияда аны юсюнден про языки, ол бир кюн Алий хасанович аитхан эди, башымда къалмагъанды ансы

Девушка Гор

Гость

#1491

Джаратама0

31.01.2010 14:24:39

всезнайка
Сабийле аздыла, аны ючюн саулай университетде, хар факультетде да 1-3 курсха дери ана тилни окъурча этерге кюреширикдиле. Ол заманда къарачай тил бла литературадан устазла бла къалай боллукъдула билмейме, кафедра уа ишлерикди.

всезнайка

Гость

#1492

Джаратама0

09.03.2010 15:29:56

Девушка Гор
ар факультетде да 1-3 курсха дери ана тилни окъурча этерге кюреширикдиле. Ол заманда къарачай тил бла литературадан устазла бла къалай боллукъдула билмейме, кафедра уа ишлерикди.
Болгъа эди алай, иги сагъын, аллах аитыб.

Сен бизни хапарлы эте турурса, деб ышанама

Девушка Гор Гость	#1493 Джаратама0 09.03.2010 15:33:14 всезнайка Сен бизни хапарлы эте турурса, деб ышанама Кафедрада бюгюн аттестация бара турады. Бусагъатда Али-Муратха телефон бла сёлешгенме.

всезнайка

Гость

#1494

Джаратама0

03.06.2010 10:48:37

Тюнене телевизорда къарачай передачагъа къарадым, къарачай тилни окъутууну юсюнден семинар болую Важное элде устазланы джыйыб, аитдыла проблемаларын, бир бир школлада къарачай тилни окъутургъа устазла джетмеидиле-деидиле. кеслери да китабла джетишмегенерин, аланы ичинде суратаны да бояулу этигиз джангы чыгъарыкъ китаблада-дедиле.

Девушка Гор

Гость

#1495

Джаратама0

03.06.2010 14:45:26

всезнайка
бир бир школлада къарачай тилни окъутургъа устазла джетмеидиле-деидиле
Китабла джетмегенлерин биле эдим, устазла болмагъанлары уа сейирди, хар джыл сайын КЧКЪУ-ни талай джаш устаз бошайдыла. Окъууну бошагъандан сора да иш табмайын къаллай бири инджиледи.

всезнайка

Гость

#1496

Джаратама0

05.06.2010 19:46:23

Бюгюн Тебердиде устазланы конференциялары болады, нальчикден ишден да келгендиле.устазланы билимлерин ёсдюрген институтда ана тиллени кафедраларыны тамадасы, филология илмуланы доценти 9билмеген кибик этиб махтаиым

) эгечим бара эди да. мени да элт дедим, алмады биргесине, к сожалению.

даже по пути эльбрусоидге дедим, в след. раз деб къойду, ашыгъыш эди да

koketka Гость	#1497 Джаратама0 05.06.2010 19:48:16 всезнайка уооо, къалай этиб къойду алай?!!! Бизде бюгюн озвучка бара эди, къараб кетерик эдигиз

всезнайка

Гость

#1498

Джаратама0

05.06.2010 19:51:54

koketka
нени озвучивать этесиз, может и мне приписаться в актеры- кесими со стажем актергъа санаб турама.

энтда кеб болмай барлыкъма-о сагъат барырса, энди сеннге да заезжать этерге заман джокъду деб.

koketka Гость	#1499 Джаратама0 05.06.2010 19:59:38 всезнайка келигиз, джуукъ болугъуз Роликни озвучить этгендиле Фатима бла Софа, киноладан хапарым джокъду, кёб турмай этерик болурбуз бирин

Tayлy Гость	#1500 Джаратама0 05.11.2010 03:04:00 Кергелен Уллу сыпас санга! Бек сюйюб окъудум, кёб джангы сёз да билдим.

Читают тему (гостей: 10)

Логин:
Пароль:
	Запомнить меня на этом компьютере

Забыли свой пароль?
Регистрация