Войти на сайт
31 Августа 2026 года

 

  • Миллетни бойну – базыкъ, аны бла кюрешген – джазыкъ.
  • Сакъламагъан затынга джолукъсанг, не бек къууанаса, не бек ачыйса.
  • Джангыз торгъай джырламаз.
  • Ашына кёре табагъы, балына кёре къалагъы.
  • Джыгъылгъанны сырты джерден тоймаз.
  • Джашны джигитлиги сорулур, къызны джигерлиги сорулур.
  • Чакъырылмагъан джерге барма, чакъырылгъан джерден къалма.
  • Къошда джокъгъа – юлюш джокъ.
  • Тенги кёбню джау алмаз, акъылы кёбню дау алмаз.
  • Иги – алгъыш этер, аман – къаргъыш этер.
  • Аш хазыр болса, иш харам болур.
  • Тюз сёз баргъан сууну тыяр.
  • Ана – юйню кюн джарыгъы.
  • Тин – байлыгъынг, терен саулугъунг.
  • Бети къызарыучу адамны, джюреги харам болмаз.
  • Бал – татлы, балдан да бала – татлы.
  • Ишин билген, аны сыйын чыгъарады.
  • Кийимни бичсенг, кенг бич, тар этген къыйын тюлдю.
  • Дуния мал дунияда къалады.
  • Алтыннга тот къонмаз.
  • Харам къарнашдан, халал тенг ашхы.
  • Ишлерге уял да, ашаргъа табма.
  • Aдам боллукъ, сыфатындан белгили.
  • Джаз бир кюнню джатсанг, къыш талай кюнню абынырса.
  • Тенгинг джокъ эсе – изле, бар эсе – сакъла!
  • Баш болса, бёрк табылыр.
  • Адамны аманы адамны бети бла ойнар.
  • Сыфатында болмагъаны, суратында болмаз.
  • Аманны тукъумуна къарама, игини тукъумун сорма.
  • Джаш къарыу бла кючлю, къарт акъыл бла кючлю.
  • Уллу суу бла уллу ауруудан башынгы сакъла.
  • Зар адам ашынгы ашар, кесинги сатар.
  • Эл ауузу – элия.
  • Эл бла кёргенинг эрелей.
  • Ашхы сёз таш тешер.
  • Эски джаугъа ышанма.
  • Босагъагъа джууукъ орун болса, ашыгъыб тёрге озма.
  • Джарлы тюеге минсе да, ит къабар.
  • От этилмеген джерден тютюн чыкъмайды.
  • Ишлегенден, къарагъан уста.
  • Ач отунчуну ачыуу – бурнунда.
  • Адамгъа аман кюн соруб келмейди.
  • Аджал соруб келмез, келсе, къайтыб кетмез.
  • Суу да къайтады чыкъгъан джерине.
  • Къарнынг бла ёч алма.
  • Адам къаллай бир ишленмесе, аллай бир кесин уллу кёреди.
  • Биреуню тёрюнден, кесинги эшик артынг игиди.
  • Башынга джетмегенни сорма.
  • Ёлмесенг да, къарт дамы болмазса?
  • Ашхы атаны – джашы ашхы, ашхы ананы – къызы ашхы.

 

Архив Форума » Зеленый Форум [архив] » - ЗФ - Ана тилибизде
Страницы: 1 2 3 4 5 ... 12 След.
RSS
Чам хапарла
 
#1
Джаратама0
19.03.2008 14:56:14
Жашла, къызла, келигиз чам хапарла айтайыкъ бир бирибизге ана тилибизде Миллетибиз кёп чамчы болуп белгилиди деп къартларыбыз айтыучудула, кёргюзтейик биз да неге жарагъаныбызны
Ким биледи, бир китапчыкъ къураялсакъ, огъесе журналда жер табылыр эм иги хапарлагъа, Люда бийче жаратса

Уялмагъыз, халатсыз жаза билмей эсегиз да, жол да бара-бара тюзеледи деп айтыучудула
 
 
 
#2
Джаратама0
19.03.2008 17:54:08
ёжик Иги да болду шиндигим мийик болмагъаны.........))))))

Энди мен айтайым:
Элибизде бир школгъа тышындан камисия келгендида. Сабийлени олтуртхандыла, сора камисиядан бири : "кто взял Бостилию" деб сорад.
Хасанчыкъ ерге да къобуб, тейри адамы мен тиймегенме дегенд.Камисия в шоке .Директоргъа кириб ол хапарны айтсала, директор айтаед дейд -Тейри Хасанчыкъ иги джашчыкъды ол алса менге айтырыгъед
 
 
 
#3
Джаратама0
19.03.2008 18:19:37
Мамай


ёжик
чё, знакомая ситуация ?
Аллах сакъласын...)))

Мен да бир хапар эшитген эдим:
Къарачай шахарда бир гаишник барды *атын джазмайым*. Кертисини айтсанг, хар бош зат юсюн да ачха сёгерге бир бек сюе эди водителледен. Сора шахарда аны ол халисини билмеген джокъ эди.

Бир кюн бир джаш атасы был бара тургъанды да, узакъдан ол гаишникни таныб, атасына ремень безопасностини къысаргъа айтханды.
Дагъыда тохтатылгъанды мешина. Ол гаишник да, къараб-къараб:
- Не бек къызгъанченг да, беш тюмен тёлемез ючюн атангы бууаргъа разы эсенг, - дей эди...
 
 
 
#4
Джаратама0
19.03.2008 18:26:53
Мамай
sama
 
 
 
#5
Джаратама0
19.03.2008 18:27:47
Дата: 19 Мар 2008 15:19
О, кюнюм!
 
 
 
#6
Джаратама0
19.03.2008 18:55:31
къарайма да Малкъар хорлайды "Дж", "ж" сёлешиучюле уа, къайдасыз?
 
 
 
#7
Джаратама0
19.03.2008 18:57:35
Dalila
Сёз бла Малкъарны ким озгъанды ? Бу бош разминка этгенлигимди алкъа ...
 
 
 
#8
Джаратама0
19.03.2008 18:58:30
ёжик
хо, бираздан келирме оздурма кесинги
 
 
 
#9
Джаратама0
19.03.2008 19:06:10
ёжик


Мен да бир айтайым хапарчыкъ, алай в келюгюзге бек тиймесин, кертимиди, тюлмюдю, кесим да билмейме)) Из серии "халисизлик или юношеский максимализм".

Бир ариу къыз ётюб баргъанды да орамда, бир джаш аны джаратханы бла къалмай, танышыргъа излегенди. Гоккала да эрлей къураб, ызындан джетиб, тохтатыргъа умуту болгъанды. Къыз къуру ариулугъу бла да къалмай, тамам бек уллу келлю эди. Сора аны кермегенча этиб, ётдю. Джаш да, джарсый, къолундан акъыртын тутханча этди. Къыз эм ачыуланыб, эм бетин да джийиргенген сурат этиб, къолун ычхындырыб алды, ол тутхан джерин да къол-джаулукъчукъ бла сюртюб, аны джерге атды.

Джаш, аны кёрюб, асры сейирсингенден не этерге билмей, къызгъа табан джетдирди да, чуругъун тешиб, атыб, мешнасына олтуруб кетди...
 
 
 
#10
Джаратама0
19.03.2008 19:07:48
"Дж", "ж" сёлешиучюле уа, къайдасыз
охахай, къуру мен джаннгыз отдуваться этеме...
 
 
 
#11
Джаратама0
19.03.2008 19:23:16
ёжик
Dalila
сиз а уа озуб кетдигизда, Къарачайны тюбге салыб))))))



Мени къарт анам (джандетли болсун) быллай хапарлагъа бирда уста болгъанды, къарт адам болгъанлыкъгъа эсинде иги тутханды. Анам айтыучанды бу хапарны.))

Бурун заманда хоншулукъ, джууукълукъ иги тутхандыла, бир-бирине иги джюрюгендиле. Къарт анам бир юч-тёрт къатын бла къонакъгъа баргъандыла (орта джыллы заманларында) - орамны къыйырында джууукъларына. Кеслеринида къолларында адам кётюралмазча бир хызенлери- къолтукълукълары . Сора къонакъланы тёгереклерине къарагъандыла, сыйлагъандыла - артыкъда ол ауур джюклери ючюнда.

Энди тура тебрегендиле къонакъла: ушакъ этдик, сыйландыкъ, энди кетейик дегенни айтыб, хызенлерибизни бир бошлатыб беригиз деб. Джууукъларыда: ий, нек кёлтюрюб айлана эдигиз быллай бир затны, уялтдыгъыз баш деб. Сора хызенлени ачыб, къотарыб башласала, ичинде уа уллу ... ташла эки хызен тоб-толу)))))))))
 
 
 
#12
Джаратама0
19.03.2008 22:42:27
Элде болгъанды.
Бир кюн къарнашым сыртындан аууб, телевизорну да къураб, къарай тургъанды. Сора эки анамы эгечинден туугъанчыкъла чабышыб келиб, джан солуу этиб, къычырыкъ сыйыт этдиле анга:
- Тур, дженгил! Бол! Маа анда бир уллу пожар бола турады...баула кюедиле!!!
Къарнашым да:
- Къоюгъуз, сабийле, башымы бездирмегиз, андан башха ишим ми джокъду, пожарлагъа къараб айланыргъа, - деб, джата берди...

Аны айтыргъа, бу эки бала ойнай келиб, бачха артында тургъан джангы ишленнген баууну от бла къабындырыб, пожар салгъандыла да, келиб игисича англаталмагъандыла, бизни бауубуз джана тургъанын... Къарнашым да къайда эсе да узакъда от къабынганны кёрюб, чакъырадыла деб, сагъыш этгенлей къалды...
 
 
 
#13
Джаратама0
19.03.2008 22:44:46
sama
 
 
 
#14
Джаратама0
19.03.2008 23:24:49
черным юморком запахло))
так и есть
из той же серии))

Аттямы анасы (прабабушка) ёлгюнчю (джандетли болсун), бизни бла джашаб тургъан эди. Сора гитчерек болгъан кёзюумде, кюнюн биринде къадалгъанма да къалгъанма "эшикге ойнаргъа бир ий мени" деб. Юйде уа бизден сора киши джокъ. Сора кесини табсызыракъ кёрюб мю, къоркъгъан эди джанына.
- Къой, къызым, башыма къаныб уруб, бир аманла бола турама...Къатымда бир тур.
Мен да, эки эрними кёбдюрюб:
- Ии, ання, сен ёлсенг, мен юйде болуб, бир зат этеригим джокъду, андан эсе ий да бир къой эшикге ойнаргъа.)))))
 
 
 
#15
Джаратама0
19.03.2008 23:27:59
sama
мени тышына ий да, ёле-ёле турурса кесинг а дегененг сора ?
 
 
 
#16
Джаратама0
19.03.2008 23:31:14
мени тышына ий да, ёле-ёле турурса кесинг а дегененг сора

да, хоу. артдан анама да айтыб, экиси талай бир заман артларына аууб тургъан эдиле, аллай таш джюрек халилеримден...
 
 
 
#17
Джаратама0
19.03.2008 23:50:22
sama
къызыбыз, тилни иги билмейме деген кибикцикле да этип... кёремисе кесцигин а булбулцукъца цалдырыуцугъун
 
 
 
#18
Джаратама0
19.03.2008 23:54:23
кёремисе кесцигин а булбулцукъца цалдырыуцугъун

ёжик
тохта, алайсызда киндигимден тутургъанса...))))))))))))
 
 
 
#19
Джаратама0
19.03.2008 23:55:34
sama
киндигимден тутургъанса
тутма, алайсыз да забышыпды, тюшерик тюйюлдю ...
 
 
 
#20
Джаратама0
19.03.2008 23:56:52
тутма, алайсыз да забышыпды, тюшерик тюйюлдю

тюшген а уа этерик тюлдю, алай а тешилиб къалады, деб къоркъама, ызына къалай байларыкъма...
 
 
 
#21
Джаратама0
19.03.2008 23:59:06
sama

тешилиб къалады, деб къоркъама, ызына къалай байларыкъма
къоркъма сен, бузулгъан, тешилген затланы тап этерге устама мен ... постоянным клиентам делаю скидку ...
 
 
 
#22
Джаратама0
20.03.2008 00:53:33
Rassel
ёжик
sama
аперим сизге, бош турмадыгъыз
 
 
 
#23
Джаратама0
20.03.2008 03:05:33
Джегетейде болгъан хапарды дейдиле.
Биреу тенглерин да алыб ингирде юйюне келгенди. Юй бийчеси адетдеча, стол салгъанды, табхан затын, эталгъан шхуурларын этгенди да алларына салгъанды. Джыйылгъанла иги ашхы ашагъандыла, ичгендиле. Бир заманда, иги адамыча къулакъ от алгъанларындан сора, юйлерине кетер къайгъыгъа киргендиле. Бирем-бирем юйден чыгъыб тебрегенлеринде, ызлары бла юйню иесида тонун да алыб, чыгъыб тебрегенди.
"А киши, сен а къайры бараса? Былай джат да къал" - деб, юй бийчеси ызындан чабханды.
"Къой, эгечим, мен къарным тойгъан джерледе къала тебресем, мен юйдеги асраялмаз эдим".
Бек ичген болур эди джарлы.
 
 
 
#24
Джаратама0
20.03.2008 03:07:03
Bu hapar mangga deri kelgenne köre, -sizni eştgen haparlarıgızdan bolur. Kelgende-ketgende koşulmay-sozulmay kalgan mıdı deb bir candan sizge sora, bir candan da bu haparımı cazayım. ))) Haparnı keltirgen karnaşım Karaçaydan Aytek. Alay anggılatdı;

Bizni millet sanıbız azırak bolup düniya bilmegenlikge, içibizden beg ullu göceple çıkgandı. Birbirlerine oyunla ete birbilerin kozuy kesi-keslerini dünyasında caşap turgandıla.

Bir kün bir Malkarlı tauda aylana turup allına bir ullu ayuu çıgat! Ayuu'nu igi kesek kozup oynasa da kölüne cetmeyt! Kölünü ua kimni bastırıgın beg igi bilet. Ayhay ayuu'nu bir taudan arı kalay avdurgun? Taunu artında ua karaçaylı karnaşını çardagı bolgant. Ayuunu canın igi açıtsa ızından ketmezligin tüşüne, tüşüngeniça ete, ayuu artta kesi alda, taunu avup baratta karaçaylı karnaşını çardagına ceted, koşnu eşigine ayagı bla urup açıp içine kiret, anı ızından ayuu kiret, ayuu kirgenleyin kesi tışına çıgıp eşikni artha ızına tartıp kıçıradı:

- Karnaş sen munu terisin ala tur, men ol birsin alıp keleyim, -deb artha ızına berip ketet.

Ma alay ayuula bla oynap turgan göcepleribiz bolgant bizni karnaş, -deb anggılathan edi. ))

Karaçaylı göcep ol ayuunu terisin ne etgenit!
Soyup sırtına kaplap Malkarlı karnaşımı saugası deb mi aylanganit.
Ogise
Koş'nu eşigine mi urgan edi.? Buladan haparsızma )) İçigizde bir bilgen bolur? )))
 
 
 
#25
Джаратама0
20.03.2008 03:26:21
Мени мамаммы егеци маманы двоюродный къарындашына баргъандыэрге. Энди эки занынданда зууукъ. Благъа эки зашцыкъ туугъанды, бири керти да атасыны занына бир бек ушагъанды, бири уа анасыны занына. Сора бланы бёлген этгендиле- ол дегеним, бирине гитцеликден атасыны тукъумун айтыб юйретгендиле, бирине уа анасыны. Къарт аталарыны атлары Жагъафар бла Мухтар, алай алагъа ол атланы айтмайдыла, кюлкюлю атларын айтадыла- Чаккай бла Шашу. Сабийле ёсдюле да школгъа келдиле. Атларыгъыз къалайды деп соргъанда, бири
Байсиев Казим Шашуавич,
бири уа
Казиев Артур Чаккаевич деп айтхандыла
 
 
 
#
Джаратама0
 
 
 
Страницы: 1 2 3 4 5 ... 12 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.