Войти на сайт
29 Августа 2026 года

 

  • Иги – алгъыш этер, аман – къаргъыш этер.
  • Айтхан сёзюне табылгъан.
  • Билим насыб берир, билим джолну керир.
  • Игиге айтсанг – билир, аманнга айтсанг – кюлюр.
  • Джырына кёре эжиую.
  • Кёбге таш атма.
  • Тилде сюек болмаса да, сюек сындырыр.
  • Рысхы – насыбха къор.
  • Къазанчы аман болса, къазаны къайнамаз.
  • Юй ишлеген балта эшикде къалыр.
  • Джарлыны тону джаз битер.
  • Акъдан къара болмаз.
  • Эринчекни аурууу – кёб.
  • Зар адам ашынгы ашар, кесинги сатар.
  • Чалманны аллы къалай башланса, арты да алай барады.
  • Ана къойну – балагъа джандет.
  • Сютню башын джалагъан къутулур, тюбюн ичген тутулур.
  • Къарнынг ауруса, ауузунгу тый
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Къолу уллу – асыу, аягъы уллу – джарсыу.
  • Кёб ант этген, кёб ётюрюк айтыр.
  • Ашхылыкъ джерде джатмайды, аманлыкъ суугъа батмайды.
  • Адамны бетине къарама, адетине къара.
  • Юреннген ауруу къалмаз.
  • Аман къатын сабий табса, бий болур…
  • Дуния мал дунияда къалады.
  • Уллу къазанда бишген эт, чий къалмаз.
  • Билген билмегенни юретген адетди.
  • Ишге юренсин къоллары, халкъ бла болсун джоллары.
  • Айтылгъан буйрукъ, сёгюлмез
  • Эринчекге кюн узун.
  • Кёпюр салгъан кеси ётер, уру къазгъан кеси кетер.
  • Къыз келсе, джумуш эте келеди, къатын келсе, ушакъ эте келеди.
  • Ауругъаннга – кийик саулукъ, джетген къызгъа – чилле джаулукъ.
  • Къатыны харакетли болса, эри къымсыз болур.
  • Джолда аягъынга сакъ бол, ушакъда тилинге сакъ бол.
  • Шекер бла туз – бир болмаз, ушамагъан – юй болмаз.
  • Эл элде бирер малынг болгъандан эсе, бирер тенгинг болсун.
  • Суу кетер, таш къалыр.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Адеб базарда сатылмаз.
  • Халкъны юйю – туугъан джери.
  • Окъуу – билимни ачхычы, окъуу – дунияны бачхычы.
  • Эрине къаргъыш этген къатын, эрнин къабар.
  • Элде адам къалмаса, ит тахтагъа минер.
  • Эки къатын алгъанны къулагъы тынгнгаймаз.
  • Тойгъандан сора, ашны сёкме.
  • Биреуню къыйынлыгъы бла кесинге джол ишлеме.
  • Алтыннга тот къонмаз.
  • Ёлюк кебинсиз къалмаз.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 4 5 ... 12 След.
RSS
Чам хапарла
 
#26
Джаратама0
20.03.2008 03:37:13
Нальчикде ГАИни бир отделениясында бири къалмагъанлай церкеслиле болуп, ицлеринде зангыз бир таулу болгъанды.
Бир кюнде барыбыз да зыйылып тургъанлай, церкеслиледен бири айтады
-билемисе бу таулу "мен ёле турсам, мени паспортуму тюрлендирип церкесли деп зазыгъыз" дейди.
Мен да сейир этип, аузуму ацып турама. Биягъы ол цекесли уа:

-билемисе нек?
-нек?
"Церкеслиле энта да бирге азыракъ болурца"
 
 
 
#27
Джаратама0
20.03.2008 04:18:28
erkin
Karaçaylı göcep ol ayuunu terisin ne etgenit!
Джукъда этмегенди... айюню къошну сакъларгъа, мал кютерге, ушхуур этерге юретгенди...)))
 
 
 
#28
Джаратама0
20.03.2008 06:16:30
Биягъы малкъар ёзен дженнге башлады...

Бир джай окъугъан джеримден юйге къайтама да, кюнюн биринде эрттеден бери кёрмеген одноклассница нёгерим бла тюбеширге тебрейме. Туруб, чачымы-бышымы, юсюмю джасаб, талай бир заман кёрюшмегенден себебли, кесими таб этиб барыр сагъышны алама. Сора макиаж чотланы тындырыб, джаннгы алгъан бир саз джашил бриджа-кёнчек бла, бир акъсыл кофта да кийиб, юйден ма чыкъдым дей тургъанлай, къарнашым ызымдан:
- Ии...соргъанны айыбы джокъду, пижамаларынгы кийиб, къайры тебрегенсе? - деб джюрегими джарса, боламыды...
 
 
 
#29
Джаратама0
20.03.2008 06:36:16
Бу хапарны бирисинден эшитген эдим, тюзмюдю, тюлмюдю, билмейме, алай а:

Къатын бла эри бир ашхам ашаргъа олтура тургъанла да, эри:
- Ма бусагъат игисича бир ашайым, - деди.
Къатыны да, аллына табакъны сала:
- Аллах айтса, - деб джууаб берди.

Сора эри кюлюб:
- Да не Аллах айтса, табакъ аллымдан къачыб мы кетерикди, къалай болса да, муну ашамай болаллыкъ тюлме, - дей тургъан кёзюуде эшик къагъылды.
Къатыны барыб ачса, эки милиционер...Эрини ол ашхам аладыла да кетедиле. Талай бир заман тутулуб, соруштурулуб турду киши. Ахырда милиционерлени джаннгылгъанлары аннгылашылады - къутулду киши. Ол ашхам къалыб, башха кюн юйюне келеди да эшикни къагъады. Къатынны:
- Кимди анда? - соруууна...
- Аллах айтса, эрингме, - дей эди...
 
 
 
#30
Джаратама0
20.03.2008 12:50:42
анамы гитче къарнашындын эштгенме бу хапарны...Экеулен поездде узакъ джолгъа теберегендиле. Бир талай замандан остановка болгъанды. Ачмы болгъанедда хариб, бири къабаргъа бир джукъчукъ алыргъа чыкъды. Ол айланы тургъунчу поездде да тебрей башлады. Негери:" Охахай, терк бол марджа, сенсиз кетиб къалабыз!". Ол биреу а быллай джуаб берди :" Сеирсе сен, алан! БИЛЕТ ХУРДЖУНУМДАДЫ, ПОЕЗД КЪАЙРЫ КЕТЕРИКДИ СОРА?!"....)))
 
 
 
#31
Джаратама0
20.03.2008 15:43:17
sama
Туруб, чачымы-бышымы, юсюмю джасаб, талай бир заман кёрюшмегенден себебли, кесими таб этиб барыр сагъышны алама. Сора макиаж чотланы тындырыб, джаннгы алгъан бир саз джашил бриджа-кёнчек бла, бир акъсыл кофта да кийиб, юйден ма чыкъдым дей тургъанлай, къарнашым ызымдан:

Къыз дженгёринг бла тюбешир ючюн кесинги быллай бир джарашдыргъан, джаш бла тюбейме десенг а не этерик эдинг)))))))))))))
 
 
 
#32
Джаратама0
20.03.2008 15:49:59
Макияжгъа джетдик эсе мен да айтайым Огъай, кесими юсюмден тюл, эгечими юсюнден, ансын сиз эрлай терс акъыл алмагъыз))))

Бир кере уллу къарнашым эгечими бир джумушъа элтиб бир кел мешна бла, дейди. Да хоу дейме да орамгъа чыгъама да сакълайма. Талай замандан тёзюмюм таусулады да юй таба айланама. Арбазгъа кирсем къарнашым юйден чыгъыб келе эди да анга сорама, не болду бу, деб. Сора къаранышым айтады, тохта бир кесекчик сакъла, эринлерине къан урдура турады, деб)))))
 
 
 
#33
Джаратама0
20.03.2008 16:05:27
ёжик
Урус аман знаменитый болду)))
Къызла, жашла сюелип болгъандыла да орамда, сора Урус къатларына келгендида саламлашып тебирегенда, бир къызгъа уа къолун узатмагъанды, ол къыз : "Мени бла уа нек саламлашмадынг?"
Урус а: "Кет-кет сени тыкый (тыкыр) коюнгю (къолунгу) тутмасама"))))
 
 
 
#34
Джаратама0
20.03.2008 17:00:02
Кёнделенчилени хапарларындан...

Бир чамчы нёгерим барды...Ишден келе болгъанды ингирде...юйюню къатына жете-жетмез, орамда хоншусу (игида тартаракъ болуп...баям тойдан келген болур эди) чыбыкъ бла балчыкъ кёлчюкню тюе болгъанды ...
- Багъалы хоншум, неди бу эте тургъанынг-деп соргъанды...
- Чабакъланы къууа турама - дегенди хоншусу...
- Ай, юйюнге ашхылыкъ, орамда балчыкъ кёлде не чабакъ боллукъду?
- Да барысында къыстагъанма сора- дегенди хоншусу...
 
 
 
#35
Джаратама0
20.03.2008 17:09:49
taulan
Кёнделенчилени хапарларындан...
Да мен да Учкекенчилени хапарларын айтайым сора Ант этедиле бу хапар керти болгъанды деб, мена уа эшитгеними айтайым)))

Учкекенчи джашла бир тенглерине кел Нарсанагъа (Кисловодск) барыб кёз ачыб келейик деб, биргелерине алыб дискотегъагъа баргъандыла. Анда уа не къайыгъы чыкъгъан эсе да биреуленле бла дауур этгендиле. Этселе уа алай эсинле, къызылла барын да "маймулникге" джыйыб, соруу бериб тебрегендиле."Цель Вашего приезда" деген соруугъа ол джаш, глаза пришли открывать, деб джуаб берди дейдиле))))
 
 
 
#36
Джаратама0
20.03.2008 17:21:51
ёжикни юсюнден да бир хапар айтайым. Бир-эки кере джазгъанем бу хапарны форум да, алай болса да энтда джазайым. Ёжик кеси да бир-бир джерчиклерин, унутханча этген болур, признавать этерге унамайды)))))

Андан бери талай заман ётгенди. Къайсы заман эди десегиз а уа, чатха джангы кириб башлагъан заманым. Кесим да цокать этгенледен сейир болуб тургъан заманчыгъым, аны бла да къалмай хАугъа джарашыб турама)))) Бир кюн чатда Ёжик бла "тюбешеме". Саламлашыб талай бир ушакъ этгенден сора, сен къараЦайлымыса, деб сорады меннге))).... хоу, а сен малкъарлымыса, деб соруума, ёжик былай джууаб береди...хАу, а сен къайдан билдинг?
 
 
 
#37
Джаратама0
22.03.2008 11:41:14
В данной теме живая разговорная речь не возбраняется. Однако правилами форума запрещено употребление ненормативной лексики, прошу всех это учесть. Авторы постов - для меня писатели, к творчеству которых следует относиться с уважением. Разумеется, рассказы, которые не пройдут редколлегию будут удалены, предупреждаю об этом заранее. Тем не менее, я не хочу, чтобы данная тема походила на сборник рассказов для детишек.
Редколлегия в составе: Далила, Сама (как представитель администрации), Зарни, Ванхельсинг, Elisabeth, если они согласны. Решение принимается коллективно, большинством голосов.
Если администрация форума с такой постановкой не согласна, тема будет мною закрыта, уже опубликованные тексты можно будет перенести в другую тему, не под моим авторством. Жду решения администрации.
 
 
 
#38
Джаратама0
22.03.2008 13:56:14
Так и думал
 
 
 
#39
Джаратама0
22.03.2008 14:40:56
Maga_tau
в смысле ты со мной согласен или это просто мысли вслух?
 
 
 
#40
Джаратама0
22.03.2008 16:52:24
Мен да бир хапарчыкъ джазайым... Бир кюн бир городта къарнашыбызгъа тюбешиб къалабызда, ол бизге былай айтады
- Ма Тюргенева базарны къатында памятник ишлегенме, ачылгъанына келисиз.
Бизда хоу хоу барыбыз деб кетебиз. Юйге келебизда, мамагъа хапар айтама... былай да былай, тамла ары барыкъбыз деб айтама. Мама сора гитчечикнида ала барыгъыз деб айтады. Сора мен гитчечикни чакъырамада сорама "Пушкинге памятникге барамыса къараргъа?"
Ол да бек къууаныб "Хоу барама" дейди. Сора барабыз... Мен айтама:
"Ма Пушкинни памятниги"
"тетя нек алдайса сен мени"
"Къайда алдадым мен сени?"
"Бу Пушкин тюлдю да"
Бизни уа дядябыз барды, аты Пушкинди , ол дядябызны памятнигин керге излей эди Сора артдан ангылатгъанма ким ким болгъанын
 
 
 
#41
Джаратама0
22.03.2008 16:57:47
къарачыкъ

Ма Тюргенева базарны къатында памятник ишлегенме, ачылгъанына келисиз.

къарындашынг скульптормуду?
 
 
 
#42
Джаратама0
22.03.2008 16:59:16
Dalila
архитектор
 
 
 
#43
Джаратама0
22.03.2008 16:59:59
къарачыкъ
Ма Тюргенева базарны къатында памятник ишлегенме, ачылгъанына келиси

Къалаида барды алайда эсгертме. мен нек кермегенме. джангымы ачылгъанды джаидан бери. джашаудан артха къалыб турама да
 
 
 
#44
Джаратама0
22.03.2008 17:00:44
всезнайка
октябыр да ачылгъан эди
 
 
 
#45
Джаратама0
22.03.2008 17:02:25
къарачыкъ

всезнайка
октябыр да ачылгъан эди

Пушкингеми
 
 
 
#46
Джаратама0
22.03.2008 17:04:35
всезнайка
хоу, бир ариуду, гитче бассейнчики да барды ичинде чабакъчыкълары бла
 
 
 
#47
Джаратама0
22.03.2008 17:06:14
къарачыкъ
спасибо за ответ..

всезнайка
къарачыкъ
не флудить, дальше в личку пжалста
 
 
 
#48
Джаратама0
22.03.2008 17:08:07
Dalila
 
 
 
#49
Джаратама0
22.03.2008 17:11:24
Dalila
22 Мар 2008 08:41
+1

къарачыкъ


Мен ол биягъы гаишникни юсюнден айтайым хапарчыкъ.))
Бир джаш джолда бара, былай халат кибик этиб ийгенди да...ол гаишник да аллай затны ёмюрюнде эслемей къоярыкъ тюлдю. Тохтатды джашны. Селешдиле-англашдыла, джаш мынга джюз сом узатды...мешнасында олтуруб сакълайды. Гаишник:
- Не сакълайса энди уа?
- Да, къайдам...сдач-зат берлик тюлмюсе? Беш тюменлик халат ючюн джюзню тутдургъанма, эслемеген эсенг.
- Оу, кет-кет, уялмай сдач-мач деб къалай селешесе, базарда къатынча. Ма былайдан тёгерек айлан да ызынга, ол халатынгы энтда бир кере къайтарыб эт да, аны бла башынга бош болдунг да къалдынг.
 
 
 
#50
Джаратама0
22.03.2008 17:29:49
sama
Тогда у меня 2 просьбы:
1) Перенести тему в раздел "История.Искусство.Литература"
2) Поддержать меня в просьбе-обращении к ёжику вернуться в нашу тему.

Народ, кто меня поддержит?
 
 
 
Страницы: Пред. 1 2 3 4 5 ... 12 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.