Войти на сайт
25 Июня 2026 года

 

  • Биреуге аманлыкъны тилеме да, кесинге ашхылыкъны тиле.
  • Биреуню къыйынлыгъы бла кесинге джол ишлеме.
  • Эки къатын алгъан – эки ташны ортасына башын салгъан.
  • Ёлген эшек бёрюден къоркъмайды.
  • Сютню башын джалагъан къутулур, тюбюн ичген тутулур.
  • Къарнынг бла ёч алма.
  • Къонагъы джокъну – шоху джокъ.
  • Джолунга кёре – джюрюшюнг, джагъанга кёре – юлюшюнг.
  • Ач къарным, тынч къулагъым.
  • Ёмюрлюк шохлукъну джел элтмез.
  • Биреуню эскиси биреуге джангы болмайды.
  • Тешигини къатында, чычхан да батыр болур.
  • Ётюрюкню къуйругъу – бир тутум.
  • Эл элде бирер малынг болгъандан эсе, бирер тенгинг болсун.
  • Тилчи тилден къаныкъмаз.
  • Иесиз малны бёрю ашар.
  • Малны кют, джерни тюрт.
  • Къайгъыны сюйген, къайгъы табар.
  • Эки итни арасына сюек атма, эки адамны арасында сёз чыгъарма.
  • Сормай – алма, чакъырылмай – барма.
  • Кийиминг бла танылма, адамлыкъ бла таныл.
  • Таугъа чыгъаллыкъ эсенг, тюзде къалма.
  • Кесинге джетмегенни, кёб сёлешме.
  • Къонакъ кёб келюучю юйню, къазаны отдан тюшмез.
  • Хатерли къул болур.
  • Махтаннган къыз, тойда джукълар.
  • Элде адам къалмаса, ит тахтагъа минер.
  • Ауругъанны сау билмез, ач къарынны токъ билмез.
  • Итли къонакъ джарашмаз.
  • Бюгюн дуния кибик, тамбла ахыратды.
  • Сагъыш – къартлыкъгъа сюйюмчю.
  • Бет бетге къараса, бет да джерге къарар.
  • Ётюрюк хапар аякъ тюбю бла джюрюйдю.
  • Арпа, будай – ащды, алтын, кюмюш а – ташды.
  • Ачыу алгъа келсе, акъыл артха къалады.
  • Айырылгъанланы айю ашар, бёлюннгенлени бёрю ашар.
  • Акъыллы айтыр эди, акъылсыз къоймайды.
  • Кёб джашагъан – кёб билир.
  • Къаллай салам берсенг, аллай джууаб алырса.
  • Бозаны арты дауур болур.
  • Тюзлюк тас болмайды.
  • Киштикге къанат битсе, чыпчыкъ къалмаз эди.
  • Акъдан къара болмаз.
  • Азыкълы ат арымаз, къатыны аман джарымаз.
  • Джахил болса анасы, не билликди баласы?
  • Оюмсуз атлагъан, аджалсыз ёлюр.
  • Тойгъа алгъа да барма, тойда артха да къалма.
  • Ханы къызы буюгъа-буюгъа киштик болду.
  • Джол бла сёзню къыйыры джокъ.
  • Тенги кёбню джау алмаз, акъылы кёбню дау алмаз.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 4 5 6 ... 12 След.
RSS
Чам хапарла
 
#76
Джаратама0
28.03.2008 02:21:00
Ёжикчик, къайдаса? Бери кел.Тансыкъ этдирдинг кесинге.
 
 
 
#77
Джаратама0
28.03.2008 02:37:46
всезнайка
ёжик сказала, что в тему не вернется, к сожалению.. я уговаривала, не получаицца ((((
 
 
 
#78
Джаратама0
29.03.2008 16:48:20
из поста Аэлиты...

Алгъа заманда болур эди бу хапар, бир къызгъа келечи къатын келип джашны махтап, юйюндегилеге да:
-Юйю болса, джери болса, иши болса, машинасы болса, сыфаты эм акъылы болса, не керекди андан сора адамгъа, - деп, башларын безиретип, къыз "хоу" дегинчи, кетмей тургъанды арбазларындан.
Джаш къызны къачырады. Ызындан баш ауун алыргъа юйю эм джуукълары барадыла.

Келселе: джери да джокъ, бир оюла тургъан юйчюк турады, иши джокъ, машинасы уа къайдан боллукъ эди иши болмагъанны, сыфаты да - адам къачар бир зат.))

- Сен кимге бергенсе къызыбызны?? Анда болмагъан затда джокъду дей эдинг да, - деп, была къатынны ырбынга тыйдыла.)
Кёп да къайгъы этмей, къатын, эки къолун да белине салып:
- Мен барды деп къачан айтханма?? Мен "БОЛСА" дей эдим ансы, -деп, юслерине айланды.))
 
 
 
#79
Джаратама0
29.03.2008 16:53:37
келечилени хурджунлары алдауукъдан толу, деб не ючюн айтханларын энди ангылай турума...
 
 
 
#80
Джаратама0
29.03.2008 16:54:17
из поста Артурджана...

Бир къызны тилей, джаш бир кюн келечилени ийеди да, сора аланы ийнакълайдыла юйдегиле, хапар сорадыла джашны юсюнден.
- Тютюн ичемиди?
- Огъай, ичмейди.
- Аракъыгъа къалайды?
- Ийисин да, ол аракъыны да не болгъанын билмейди.
- Къызлага, ары бери джюрюймюду, джашла бла айланамыды орамда, затда?
- Огъай, тынч сабийды, арбаздан чыкъмайын джумушха, ишге, малгъа-затха джараб турады.
- Тейри билмейме, джарарыкъмыды ол... Ёгюз керектюлдю бизге, буга керек эди...
 
 
 
#81
Джаратама0
29.03.2008 16:58:46
из поста cherry

Керти хапар болгъанды.
Дядям тютюн-аракъы деген затланы аузуна тийдирмеген адамладан эди. Талай бир заман аны ючюн да джаратхан къызны юйдегиси аны берирге излемей тургъан эди, чынты аракъы да ичмей эсе, саулугъу да болмаз, бауурунда да бир къыяу болур деб. Бу сагъышла адамланы бек къыйнаб тургъандыла. Алай эте келе, ахырда насыб тойгъа дери джетгенди иш. Ючюнчю кюнюне джыйын бла келген къызла, киеу кере баргъандыла, джыйылыб. Болуш юйге уа кирселе: анда тамада алгъыш эте, киеу да къолунда бир аракъы стопканы тута... Тамада айтырыгъын бошаргъа, бу да ол аракъыны ичди. Къызла аны кёрюб, алай тургъанлай, бир бири ызындан къызыу чыгъыб кетиб тебредиле...

Артдан айта эдиле, хар бириси чабыб барыб келинге сюйюмчюлюк хапарны биринчи джетдирир ючюн - киеуну саулугъу да, хар неси да орнундады, къыйналма, деб, - башларын атхан эдиле алай гузаба.
 
 
 
#82
Джаратама0
29.03.2008 21:17:36
Бир тюлкю ач болуб айлана келеди да бир терекни аллына сюйеледи
Къараса терекге бир къой бут тагылыб тура.Насыбына къууана,узалыб сермерге тебрегенлей бутну юсюне орнатылыб турган топну еслейди да терекни джанындан бир кесек арлагыракъга барады да джатыб сакълайды.Бир заман сора ач бёрю келеди,бутну кёргенлей къууанч тыбырлы болады.Алайына джатыб турган тюлкюню еслейдида
-Нек ашамаганса бутну?деб сорады
-Да мен оразама ашайалыкъ тюлме,кёзюм уа къарады не етейим ансы.деб джууаб етеди
Бёрю ышарган кибик да етиб бутну сермейди Алайына тоб атылады бёрю баш тюклери да юйюб бир аманла болуб терекден джерге ауунады,бут да джерге тюшеди.Тюлкю чабыб барадыда бутну сермеб алыб ашаб башлайды.Бёрю аны бутну ашаганын кёргенинде
-Ай юйюнге къайда оразама дейедингда
Тюлкю ышара алай айтханды
-Да ораза едим топ атылды мен да аууз ачама!
 
 
 
#83
Джаратама0
30.03.2008 00:49:11
ялум


tenebek
 
 
 
#84
Джаратама0
31.03.2008 00:18:45
Урушну кезиунде бола тургъан затла. Немецлиле обход эте келедиле да:
- Ахтунг, ахтунг, - деб къычырадыла.
Окопта уа эки таулу олтуруб, бири акъ тонда бирси уа шинельде. Шинельде болгъан нёгерине:
- Чыкъ, сени кёргендиле, - деб нёгерин ашырады. Акъ тонлу чыгъады да...мынга:
- Шнель!!!Шнель, - деб къычырадыла. Бу уа окопда къалгъан нёгерине айланыб:
- Чыкъ, сени да кёргендиле, - деб нёгерин тасхалатханды.
(с) (мага 2005)
 
 
 
#85
Джаратама0
31.03.2008 00:19:52
Хоншусу хоншусуна бурууну башы бла ышара:
-Не, Хасанбий, къоюнг ёлюбмю къалды?!- деб сорады.
Хасанбий да, баштёбен бола, джууабха:
-Ма хоу, бир къууан! - дегенди.

(с) (ДЖОЛОУЧУ)
 
 
 
#86
Джаратама0
31.03.2008 00:22:17
из поста Айшат (вырезка из газеты)

Врачны кабинетинде:
- Бет къанынгы табсыз кёреме...
- Да, сиз да, дохтур,чырай тёкгенледен тююлсюз.
 
 
 
#87
Джаратама0
31.03.2008 00:55:33
sama

къайдан жыйып келесе?
 
 
 
#88
Джаратама0
31.03.2008 01:05:42
Dalila
НФден...
 
 
 
#89
Джаратама0
31.03.2008 01:08:30
sama
санга кёз тиймесин
 
 
 
#90
Джаратама0
31.03.2008 01:20:35
из поста Птюча

Учкекенни милиция отделениясында болгъан хапар.
Милиционерле тутхандыла да бир хулиганны, олтуртхандыла тутмакъгъа (тюрьма-клетка). Ол уа гюрюлдеб, тынч турмайын, къычырыкъ-сыйыт эте турду, тохта-тынны билмей. Сора бир милиционер башхасына алай айта эди:
- Къолларын тутугъуз, мен анга бусагъатлай приём кёгюзтейим.
 
 
 
#91
Джаратама0
31.03.2008 01:28:40
барышня-горянка диль дивана

Джазны (кюзню) башы. Хауа да ариу - мени да кёлюм бир иги болуб, къолларымда "кокосанки" пакетчикни тутуб барама. Аллыма эки къарт амма чыкъты. Къатларында келиб, печеньяны да узата:
- Алыгъыз, аммачыкъла, сыйланыгъыз сиз да.
- Сау бол, къызчыкъ, алай а ач тюл эдик.
- Бек татлы затды, бир кёрюгюз.
- Огъай-огъай, ариучукъ, сау бол, кесчигин аша..
- Сора саулай пакетни алыгъыз да юйде сыйланырсыз.
- Къызчыкъ, бир англа, диабетибиз барды...

и смешно, и грешно, ей-Богу...
 
 
 
#92
Джаратама0
31.03.2008 03:20:16
Бир жаш негерин да алып къыз кере баргъанды бир юйге)))Аланы юйге кийиргендиле олтуртхандыла ,сора къызны чакъыргъандылада)))къыз а бек ариу )))кийингени да тап не айдыраса))))))))негери кезюн алмай къарайды)))))))жашха къарайды,кезю бла тапды дегенни кергюстеди))))аланы олтурхан отоуда уа стол бар эди ))аны юсюн букъу басып тура эди)))))жаш жазгъанды столда негерине )))КЕЛ КЕТДИК)))))))))))))))))
 
 
 
#93
Джаратама0
31.03.2008 03:25:27
Бир жаш къатын алгъанды да сора айда болгъунчу биринчи этаждан ючюнчю этажгъа къатыныны атын айтып къычыргъанды)))))))))Жашны анасы бирси жашына не этеди бу тюненеден бюгюнге не атын айтып къычырады муну))))))))))))Сора бирси жашы уа кюйюзню къыйырын тутаргъа къатынын чакъырыргъа керек болгъандыда анасыны къатында Эй КЪАТЫН былай бир кел деп къычыра эди)))))))))))))анасы алай кюле эди)))))))))))))
 
 
 
#94
Джаратама0
31.03.2008 19:44:17
добродушный кролик
 
 
 
#95
Джаратама0
31.03.2008 19:48:27
добродушный кролик

аллай хапарларынг кёпдю деп сунама, не эседа... жаза тур, эринмейин
 
 
 
#96
Джаратама0
02.04.2008 03:22:31
Dalila
Заман табалмай турама ансы машок бла бир жазайым))))))))))))))
 
 
 
#97
Джаратама0
02.04.2008 04:02:09
Кюлдюм)) сауболугъуз бек))
менда бир хапар айтайым, кеб болмай эшитгенме)
бир къарт тыширыу гитче джашына келИн алгъандыда, а келин а уа современный болгъанды,алай къарачай тил бла шох болмагъанды) а къайын ана уа къарт адам болгъанды) сора бир кюн айтханды:" келин,шо башымы бир къакъ *массаж головы*,не эседа кетиб барады" дегенди) олда кезлерин джандырыб-сора,анам,къалай этерикме алай-дегенди) англамай) "огъай огъай,келин,бир къакъ башымы" дегенди) сора ол келин бир иги керилиб "ТАРКЪ" деб къайын анасыны башына бир иги урду дейди))))
 
 
 
#98
Джаратама0
02.04.2008 14:14:43
Бир къарт дохтургъа келгенди да, сора дохтур былай къарагъанды да, неге тарыгъаса, ненг ауруйду? -деб соргъанды. Да ма хар ашагъаным сайын терлеб къалама, -деб джууаб бергенди къарт. Дохтур кёзлюклерин да ёрге кёлтюре, да алан терлегинчин бир ашаяла эсенг бирда-бир хатанг джокъду, -деб айта эди дейди))))))
 
 
 
#99
Джаратама0
02.04.2008 16:54:55
Джашил
Хауа сюрюучю


добродушный кролик
Заман табалмай турама ансы машок бла бир жазайым))))))))))))))
сакълайбыз
 
 
 
#100
Джаратама0
09.04.2008 23:11:46
Бурун бир айры чабакъ,
Бир балыкъ, бир дууадакъ
Мурат этип тартаргъа
Жегилгендиле арбагъа
 
 
 
Страницы: Пред. 1 2 3 4 5 6 ... 12 След.
Читают тему (гостей: 2)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.