Войти на сайт
25 Июня 2026 года

 

  • Сакъ юйюне сау барыр.
  • Арпа, будай – ащды, алтын, кюмюш а – ташды.
  • Эрине къаргъыш этген къатын, эрнин къабар.
  • Таукел къуру къалмаз.
  • Къонакъ аз олтурур, кёб сынар.
  • Агъач – джерни чырайы, кийим – эрни чырайы.
  • Гугук кесини атын айтыб къычыргъанча, мен, мен деб нек тураса?
  • Баланы адам этген анады.
  • Хар ишни да аллы къыйынды.
  • Ётюрюкню башын керти кесер.
  • Адамны бетине къарама, адетине къара.
  • Хунаны тюбюн къазсанг, юсюнге ауар.
  • Чакъырылмагъан джерге барма, чакъырылгъан джерден къалма.
  • Эки къатын алгъанны къулагъы тынгнгаймаз.
  • Джюрекге ариу – кёзге да ариу.
  • Чалманны аллы къалай башланса, арты да алай барады.
  • Сууда джау джокъ, кёб сёзде магъана джокъ.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Адамны аманы адамны бети бла ойнар.
  • Ата джурт – алтын бешик.
  • Ата Джуртун танымагъан, атасын да танымаз.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Ашхы сёз таш тешер.
  • Тёзгеннге, джабылгъан эшик ачылыр.
  • Ач отунчуну ачыуу – бурнунда.
  • Таякъ этден ётер, тил сюекден ётер.
  • Ариу сёз – къылычдан джити.
  • Кесинге джетмегенни, кёб сёлешме.
  • Биреу ашаб къутулур, биреу джалаб тутулур.
  • Ашхы – джыяр, аман – джояр.
  • Эшекге миннген – биринчи айыб, андан джыгъылгъан – экинчи айыб.
  • Джюрекден джюрекге джол барды.
  • Рысхы джалгъанды: келген да этер, кетген да этер.
  • Бал – татлы, балдан да бала – татлы.
  • Сыфатында болмагъаны, суратында болмаз.
  • Джаралыны джастыгъында сау ёлюр.
  • Илму – джашауну джолу.
  • Чакъырылгъанны аты, чакъырылмагъанны багъасы болур.
  • Келинин тута билмеген, къул этер, къызын тута билмеген, тул этер.
  • Мухардан ач ычхынмаз.
  • Къумурсхала джыйылсала, пилни да джыгъадыла.
  • Биреу къой излей, биреу той излей.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Эли джокъну – кёлю джокъ.
  • Ач къарным, тынч къулагъым.
  • Ашыкъгъан cуу, тенгизге джетмез.
  • Къуллукъчума, деб махтанма, къуллукъ – хаух джамчыды!
  • Тойну къарнашы – харс, джырны къарнашы – эжиу.
  • Ёлген эшек бёрюден къоркъмайды.
  • Байлыкъ тауусулур, билим тауусулмаз.

 

Архив Форума » Зеленый Форум [архив] » - ЗФ - Ана тилибизде
Страницы: Пред. 1 2 3 4 5 ... 8 След.
RSS
Ана тилде ушакъ: Къарачай-Малкъар тил бла литератураны бюгюнгю болуму
 
#51
Джаратама0
03.02.2009 23:56:31
Биз къалай этебиз: тюбесек бир-бирибизге тарыгъабыз, аны бла иш битиб къаллыкъча. Иш а орнундан да тебмейди.
Аны уа тюз айтасыз, сёлешгенден сора да бир оноугъа келирге керекбиз.
Ма ол тебсини тёгерегине джыйылгъанла, джарашдырыб бир къагъыт джазыб, джиберселе эди президентге, правительствогъа да.
Бу сагъыш ушакъ этгенлени башларына да келген эди. Ушагъыбызны къалай баргъаны видеогъа алыннганды. Аны диск этиб иерге да боллукъду
 
 
 
#52
Джаратама0
04.02.2009 00:12:25
Девушка Гор

"Ушагъыбызны къалай баргъаны видеогъа алыннганды".

Аны бери салыргъа мадар джокъмуду? Кеслерини ауузларындан бир эшитир эдик, кимни къалай сёлешгенин, не айтханын.
 
 
 
#53
Джаратама0
04.02.2009 00:41:08
Bulgar
Технический администраторубуз бла сёдеширме тамбла, кесим ол затдан джукъ ангыламайма
 
 
 
#54
Джаратама0
06.02.2009 03:32:49
Миллетни кёлюне келгенча амндымы дейдиле энди ана тилибизни болуму? Ол ушакъгъа къатышханланы къолларында ушайды ол болумну тюзетирге
 
 
 
#55
Джаратама0
07.02.2009 14:44:07
Кечигиб къалдым бу ушакъгъа((
Сора бу ушакъгъа къошулгъанладан сорайым.
Къарачай-малкъар литератураны башха тиллеге кёчюрюрге бек къыйынды бюгюнлюкде. Иги тилманчны табаргъа, анга тийиншли хакъ тёлерге, басманы да табаргъа. Литература кёчюрюлмей эсе, къуру да кесини халкъында джюрюй эсе, ёстюрюлмейди, айнытылмайды.
Бютюнда бизни къыралыбызда, бизде кёб миллетле джашайдыла.
Путин КБРгъа келгенинде Тёппе улу Алим анга муну юсюнден айтханды, халкъ джазыучулагъа къырал джакъ болургъа, болушургъа керекди деб
Кёчюрюуню проблемаларын сагъыннганмыдыла ?
 
 
 
#56
Джаратама0
07.02.2009 21:58:04
Къанамат

Алан, айыб этме. Сорууунга джууаб этерле. Мени сейирсиндирген башха затды.

Путиннге соруу берирге мадары болгъан сагъатда, Тёппе улу аллай бош затны къалай сора тургъанды?

Къралны законуна-джоругъуна да сыйынмай, Къабарты башчыла Малкъарны джерин-джуртун сыйырыб кюрешген сагъатда, ол затны юсюнден сорургъа керек тюлмю эди Тёппе улу?
 
 
 
#57
Джаратама0
07.02.2009 22:04:42
Bulgar[b]

Тёппе улу?

Алан, сен да айыб этме.Тёппе улу ким болгъанын билемисе?
 
 
 
#58
Джаратама0
07.02.2009 22:13:22
Кеч эшитиб къалгъаныма бир къара. Тотуркъул улу Казий- Мухаммат бла Какуш улу Хусейге сорууларым бар эди. Китаб басмаланмайды дейбиз, къайдан басмаланныкъды, Тотуркъул улу кесини китабларын чыгъарыб турады сора. Миллетге не керекди деб сагъыш этмейди. Ненча фахмулу джазыучубуз барды джылла бла китабларын чыгъаралмай тургъан. Какуш улу уа, джаш адамла джазмайдыла дейди, игитда джазмайдыла, " Къарачай" газетде ишлеген джаш журналистлени да джазгъанларын не ол, не эртдеден ишлегенле джаратмайдыла. Кеслери излегенча джазылса сюедиле.
 
 
 
#59
Джаратама0
07.02.2009 22:16:18
Къанамат

Тёппеланы Алим деб бир фахмулу джазыучуну билеме. Керти джазыучу уа, Кязимча, Къайсынча, халкъ къайгъысын кёрген адамды деб турама.
Огъесе, Путиннге соруу берген башха адаммыды?
 
 
 
#60
Джаратама0
07.02.2009 22:30:32
Bulgar

Cен билмей болурса!))
Мен халкъынгдан тюйюлме.Таулу тюйюлме.
Ол себебли кёб затланы ангыламайма, бютюнда политкада.
Кеч.
Бу топик китаблагъа, тилге джораланыбды дейме
 
 
 
#61
Джаратама0
07.02.2009 23:00:19
Къанамат
Къайда тасса Къанамат?
 
 
 
#62
Джаратама0
08.02.2009 15:22:42
Акъыллычыкъ

Кюн ашхы болсун
Бир сейир китабны окъугъанма
Кесинг къалайса?
 
 
 
#63
Джаратама0
08.02.2009 15:32:14
Бир сейир китабны окъугъанма
Къаллай китабны? Ушагъыбызгъа къошулмай къалдынг сен да, къараймада.
 
 
 
#64
Джаратама0
08.02.2009 17:03:23
Акъыллычыкъ

Къаллай китабны?

Бир бразилиялы аламат жазыучу барды Жоржи Амаду деб.
"Генералы песчаных карьеров" деген фильмни кёргенмисе?
Ана китабындан фильмни этгендиле.Тюзю, китабны керти аты "Капитаны песка". Мен а "Лавка чудес" деген китабны окъугъанма кёб болмай. Сейир затды, бек жаратханма.

Ушагъыбызгъа къошулмай къалдынг сен да, къараймада.

Жарсыугъа((( Эндиги жол къошулмай къалмам)))
 
 
 
#65
Джаратама0
08.02.2009 20:38:14
Къанамат
Эндиги жол къошулмай къалмам
Сакълаб турлукъбуз
 
 
 
#66
Джаратама0
08.02.2009 23:36:42
Девушка Гор

Сау бол.
Бирда бек кёб сорууланы хазырларыкъма))
 
 
 
#67
Джаратама0
09.02.2009 00:23:59
Айтырыгъым сизге аллайды, шохларым.
Сиз ана тилде окъургъа сюе эсегиз.
Тёппе улу Алимни китабланы окъугъуз.
Сиз Мадагаскар деген къызны билемисиз?
Бу джазычуну окъугуъуз деб оноу эте эди, башха форумда, Таулусофтда.
Кертда аламат оноуду!
Кёб болмай юч бек сейир китаб чыкъды.
"Ас-Тах", "Баязир неда биринчи джашаууна къайтхан Хыйса", "Алтын Хардар".
эски тарих юсюнден ,эски адетле юснден, эски джашау юсюнден.
Сизде бу китабланы окъугъан табылса бек насыблы боллукъма
 
 
 
#68
Джаратама0
09.02.2009 00:26:14
Къанамат
"Ас-Тах", "Баязир неда биринчи джашаууна къатхан Хыйса", "Алтын Хардар".
Уялтдыгъыз, бирин да окъумагъанма.
 
 
 
#69
Джаратама0
09.02.2009 00:32:57
Девушка Гор

Кертисин айтсам, бизни къыралыбызгъа бедишлик.
Сен менге ийнанныкъ тюлсе.
Тиражы беш джюз экземплярды!(((((((
налчыкъдагъы "Элсбрус" деген басмандан
Не дегин, халкъынг гитчеди, орус тилге кёчюрюлмеген китабны ким окъур сизден сора?(((((\
Мен джайда Минги-тану тёппесине чыкъгъаным кюнде, Мингитуадан эннгенлей шохларым бу кибтабланы саугъагъа бергендиле.
 
 
 
#70
Джаратама0
09.02.2009 00:36:50
Тиражы беш джюз экземплярды!
Да сора, менде уллу гюнах джокъду. Бизге, Къарачайгъа ала джетген да болмазла.
 
 
 
#71
Джаратама0
09.02.2009 00:40:54
Девушка Гор

Хоу, къуруда Налчыкъда алыргъа боллукъду, джарсыугъа.
Алай а....Кёлюнг ана тилге бара эсе, джашагъан игиди деб келишейик))
 
 
 
#72
Джаратама0
09.02.2009 00:43:53
Къанамат
Хоу, къуруда Налчыкъда алыргъа боллукъду, джарсыугъа.
"Алтын Хардарны" окъурукъ эдим. Наличикдегилеге тилеб кёрюрге керекди
 
 
 
#73
Джаратама0
09.02.2009 00:59:05
Къанамат

Сен Тёппе улуну китабларын табыб манга иер мадарынг боллукъмуду?
Алай тюл эсе, аны юй телефонун не электрон адресин(бар эсе) манга билдиралмазмыса?
Сау бол
 
 
 
#74
Джаратама0
09.02.2009 01:10:52
Девушка Гор

Налчикдигиле бу романны сенге иерге керекдиле, сёзсюз!
Бир умутум чыгъыб къалды.
Тамбла ана тилни юсюнден топигингде бу романдан юзюкле джазыб турлукъма Огъайынг джокъмуду?

Bulgar

Иер эдим китабланы алай а Налчикде турмайма.
Налчикден башха джерде малкъар тилде Алимни китабларын табарыкъ тюлсе.

юй телефонун не электрон адресин(бар эсе) манга билдиралмазмыса?
Сау бол

Алан, айыб этме,бир бек сыйлы къыз манга телефонун берген эди. Ол къыз хау десе берликме санга, ансы угъай.
 
 
 
#75
Джаратама0
09.02.2009 01:13:05
Къанамат
Тамбла сени тамангда анаи тилни юснден бу романдан юзюкле джазао турлукъма Огъайынг джокъмуду?
Ким огъай дейди. Ана тилни юсюнден эселе кеслерида. Мен да сюйюб окъурукъма.
 
 
 
Страницы: Пред. 1 2 3 4 5 ... 8 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.