Войти на сайт
25 Июня 2026 года

 

  • Шайтан алдады, тюзлюк къаргъады.
  • Тойчу джашха къарама, къойчу джашха къара.
  • Ёнгкюч къууана барыр, джылай келир.
  • Байлыкъ келсе, акъыл кетер.
  • Эркиши – от, тиширыу – суу.
  • Байдан умут эте, джарлыдан ёгюз багъасы къорады.
  • Хар сёзню орну барды.
  • Баш – акъыл ючюн, акъылман – халкъ ючюн.
  • Аджашханны ызындагъы кёреди, джангылгъанны джанындагъы биледи.
  • Ауурну тюбю бла, дженгилни башы бла джюрюген.
  • Ётюрюкню башын керти кесер.
  • Джерни букъусу кёкге къонмаз.
  • Тамбла алтындан бюгюн багъыр ашхы.
  • Иши джокъну, сыйы джокъ.
  • Этни да ашады, бетни да ашады.
  • Ишленмеклик адамлыкъды.
  • Къызын тута билмеген, тул этер, джашын тута билмеген, къул этер.
  • Ёлген аслан – сау чычхан.
  • Джан саулукъ бермей, сан саулукъ бермезсе.
  • Сабий кёргенин унутмаз.
  • Бетинги сатма, малынгы сат.
  • Ётюрюк хапар аякъ тюбю бла джюрюйдю.
  • Къатын къылыкъсыз, эр тынчлыкъсыз.
  • Ашлыкъ – бюртюкден, джюн – тюкден.
  • Ашхы болсанг, атынг чыгъар, аман болсанг, джанынг чыгъар.
  • Эте билген, этген этеди, эте билмеген, юретген этеди!
  • Аллахдан тилесенг, кёб тиле.
  • Уллу суу бла уллу ауруудан башынгы сакъла.
  • Адам туугъан джеринде, ит тойгъан джеринде.
  • Юйюнг бла джау болгъандан эсе, элинг бла джау бол.
  • Эл ауузу – элек, анга ийнаннган – халек.
  • Ариу сёз – джаннга азыкъ, аман сёз – башха къазыкъ.
  • Алим болгъандан эсе, адам болгъан къыйынды.
  • Бек анасы джыламаз.
  • Эртде тургъан бла эртде юйленнген сокъуранмаз.
  • Тойгъанлыкъ къойгъа джарашады.
  • Акъыл аздырмаз, билим тоздурмаз.
  • Рысхы – насыбха къор.
  • Ач къарынны, токъ билмез
  • Къартны бурнун сюрт да, оноугъа тут.
  • Тил – кесген бычакъ, сёз – атылгъан окъ.
  • Кюлме джашха – келир башха.
  • Игилик игилик бла сингдирилиучю затды.
  • Нёгерсизни джолу узун.
  • Атадан ёксюз – бир ёксюз, анадан ёксюз – эки ёксюз.
  • Кюн кёрмеген, кюн кёрсе, кюндюз чыракъ джандырыр.
  • Сууда джау джокъ, кёб сёзде магъана джокъ.
  • Борчунг бар эсе, хурджунунга ойлаб узал.
  • Къанны къан бла джуума, аманны аман бла къуума.
  • Окъ къызбайны джокълайды.

 

Архив Форума » Зеленый Форум [архив] » - ЗФ - Ана тилибизде
Страницы: 1 2 След.
RSS
Мен КЪАРАЧАЙГЪА (КЪЧР-ге) БАШЧЫ болсам, ХАЛКЪГЪА не хайыр этер эдим?
 
#1
Джаратама0
15.12.2010 20:26:46
Кёлюгюзге келгенни эслеб, оюмлу, тутхучлу бир джазыгъыз. Аллай джазыуланы артда бирге джыярбыз да, КЧР-ни президентине ашырырбыз. Джюз оюмдан бири аны кёзюне тюйрелсе, эсинде къалса - ол да хайыр болур. Джукъ тюрленмесе да, халкъны сагъышын ала да билсинле, кесибиз да билейик. Ким биледи, эндиги Башчы джазарыкъланы ичинден чыгъыб къалыргъа да болур.
 
 
 
#2
Джаратама0
15.12.2010 22:48:05
Мен Къарачайгъа башчы болсам, халкъгъа кеб ачха чачарыкъ эдим.
Алай а, кеб ачхам болмагъаны ючюн, алгъа ачханы халкъдан джыяргъа керекди да, англайсыз да..
 
 
 
#3
Джаратама0
15.12.2010 22:52:07
кищида, джукта этерик тюльдю...

...Командасы болмаса...

Надеюсь, ошибок не очень много
 
 
 
#4
Джаратама0
15.12.2010 22:54:45
Sabr
... ишлер джерлени кёб этерик эдим... джаш тёлю республиканы ичинде къалырча... андан сора уа айлыкъланы иги кесекге кётюрлюк эдим... адам айлыгъын уялмай айтырча, юйдегисини не кереклисине да джетерча...
... ёсюб келген джаш тёлюге да кеслери тиллерине сюймекликлерин ёсдюрлюк эдим... (театр,джырла,тепсеуле, газет-адам сюйюб,джаратыб къарарча...) ... къууанырча бу миллетденме мен да деб айтырча)
+ саулай республикадан эсиртиген, адамгъа керек болмагъан затланы къоратырыкъ эдим... джашау джоллары миллетни тюз болурча... ол заманда иман да бегитилир эди деб келеди кёлюме)
 
 
 
#5
Джаратама0
15.12.2010 23:01:47
... ол ыйыкъда Ростов джанына барыб келген эдик... ийнаныгъыз... ол джанына барсанг-джашау баргъанын кёрген этесе... бизде уа болгъан джукълаб турады... да не Ростов... къуру Горячеводск джанына барсанг да кёресе бу уллу разницаны... джокъду бизни къайгъылы бир киши да... республика кеси-кесин баджарыб тургъаны бек иги танылады...
Вложенияла келе эселе да республикабызгъа билмейме... но бек сейирди болгъан...
 
 
 
#6
Джаратама0
17.12.2010 03:31:29
Sabr
Мен КЧР-ге башчы болсам сез ючюн ,бек алгъа жаш телюню эм да билимин есдюрюрге сюйген любой адамгъа , аллын окъуугъа бурлугъем , причем сельско-хозяйственный джаны бла. жерчилик жаны бла ,животноводство бла,растениеводство бла ,окъуй тургъанлай тыш къраллагъа стажировкагъа иеригем практика етерча .
Андан сора банкдан выгодный кредит алыргъа юйретиригем халкъны .Сора тюрк тилли къарындаш къралла бла совместный предприятияла ачарча мадарла излеригем .
Парникле ишлеп жерчиликде къыйын болумлары болгъан тау элледе адамла алада кегет есдюрюрча стажировкалагъа иеригем .Бизнес- инкубатор ачып адамланы поголовно ким сюе эсе да анда окъутуругъедим .Малчылыкъда тышындан сурашдырып породистый малла сатып алып халкъны малын хайырлыгъа алышындырыргъа болушуругъедим .КЪарачайны президенти болсам -Малкъаргъа да оноу этеригем.
 
 
 
#7
Джаратама0
17.12.2010 03:50:21
мен а биринчи образованиядан башларыгъем...школдан башлап...
ВУЗгъа керти билимлери болгъанланы алырча...тройкалагъа окъугъан студентлени ПТУгъа кечюрюп барыкъ эдим))))медицинский факултетни бегирекда)))
 
 
 
#8
Джаратама0
17.12.2010 14:16:03
Бездушный кролик
Мен аз жазгъанма сен айтханга разыма тюз айтаса.
 
 
 
#9
Джаратама0
17.12.2010 16:16:07
Спортзалы почему не строите в КЧР? Гнать вас надо из власти!
 
 
 
#10
Джаратама0
17.12.2010 19:46:41
Джаз-джазма, алай а башыбыздан путин-мутинле къорагъынчы, бизде тынчлыкълы джашау болмазы хакъды!

Эм биринчи мен бу коррупция деген затны къурутурукъ эдим. Хоншуларыбызда - Гюрджю къралда къысха заманны ичинде иги кесек абзыратхандыла коррупцияны. Баргъан-баргъан бары да айтадыла аны. Ала эталгъан, биз эталмаймы къаллыкъбыз аны?!
Коррупциядан къутулсакъ, экономикабыз да, маданиятыбыз да, таб спортубуз да аллына барлыгъына сёз да джокъ!

Дагъыда ол джашагъан джерибизни тазалатыугъа бек уллу эс бёлюрге керекди. Бу Черкесск шахар бир мазаллы свалкагъа ушаб къалгъанды, тейри. Джоллары чунгур-чунгур, орамлары: джангур джауса - балчыкъ, джаумаса - букъу. Джел ургъанлай, чачынга, аууузунга, бурнунга, эмда джагъандан букъу кире къанынгы ичеди. Ма аны бла да таймаздан кюрешиб турургъа керекди.

Хар кърал оруннга башы болгъан, миллетге сюймеклиги болгъан адамланы салыргъа керекди. Эм бек кереклиси уа - адамлыгъы болургъа керекди! Айлыкъларын да джарсымай ишлеялырча этиб, андан-мундан джукъ юзерге кюрешгенни тыяргъа керекди.

Къайдам, андан сора да бек кёб зат этерге керекди. Эллерибизни, шахарларыбызны джарашдырыу, юйле ишлеу. Кесибизге къалса хар не бары да, кирпичибиз да, цементибиз да, алебастрыбыз да джетиширикди юйле ишлерге. Ол бек уллу себеб боллукъду миллетни ёсюмюне да.

Эм биринчиси уа, Малкъаргъа керти болушлукъ этерге керекди. Къуру сёлешиб тургъандан хайыр джокъду аны юсюнден. Къабарты шохларыбызны къуйрукълары бек терк сынарыкъды, къарачайлыла къатышырыкъларын билселе Малкъар джанлы болуб. Излегенле-излемегенле да болурла, алай а эртде-кеч болса да Къарачай бла Малкъар бир миллет болгъанлары себебли, бир республика къураргъа тыйыншлыды.

Властда да бу "президент", "глава" дегенча бирер адамгъа башчылыкъны бермей, Парламентге берирге керекди башчылыкъны. Бизни республикада да, сау къралда да.
 
 
 
#11
Джаратама0
17.12.2010 21:41:59
Если б я была царица, говорит одна девица... (с)
 
 
 
#12
Джаратама0
17.12.2010 21:49:10
мен башчы болсаммы ))) да кеб ачха урларыгъем казнадан, тыш къаллада юйле сатыб аллыгъем, сора кебрек ачхагъа республиканы сатыб тас боллукъ болурем
 
 
 
#13
Джаратама0
17.12.2010 22:56:45
qarachayli
 
 
 
#14
Джаратама0
17.12.2010 23:29:20
qaracnayli
Бек сау бол Малкъарны къадарына джарсыгъанынг керюнюп турады.
Керти да Малкъаргъа оноу керекди Къарачайдан. Сени джазгъанынга келюм окъуна толду къарнаш.
 
 
 
#15
Джаратама0
18.12.2010 02:04:12
Arturjan
Если б я была царица, говорит одна девица... (с)

От нас самих, на самом деле, зависит намного больше, чем мы думаем! Роль личности в истории не просто велика, она - громадна! Главное - перестать думать, что мы лишь песчинки и что от нас ничего не зависит. От нас самих всё зависит! Мне приходилось почти что в одиночку бороться с целой системой, которую принято называть "правоохранительной", и я побеждал, потому что не боялся их и не тормозил, а, напротив, предугадывал их шаги и успевал их обогнать. А если бы я был не один? Если народ объединится для каких-либо целей, разумеется, праведных целей (других я не приемлю!), то мы можем горы свернуть! Я это точно знаю!

Cebernii
qaracnayliБек сау бол Малкъарны къадарына джарсыгъанынг керюнюп турады.Керти да Малкъаргъа оноу керекди Къарачайдан. Сени джазгъанынга келюм окъуна толду къарнаш.

Да джарсымай не этерикме? Бир миллет шойбуз! Джангыз, кесибизни къатдырыб, чырт артха турмай, бу таулу миллетни юсюнде Къабарты-Малкъар республикада къуралыб тургъан системаны чачаргъа керекбиз! Таулу миллет сакъланыргъа излей эсе, тамбласына сабийлеригизге: "миллетинг кимди?" - деб соргъаннга, - "Адыга!" - деб айтырын излемей эсегиз, бел къатдырыб, ала беш къатха сизден артыкъ болгъанларын унутургъа керексиз! Таулу джашла "азбыз" - демей, Нальчикни иги къозгъаб туруучан эдиле алгъараклада. Биз да Къарачайда ол къабыргъа хоншуларыбызны ненча джыйылсала да хаман да абзыратханлай туруучанбыз, аладан талай къатха аз болуб келсек да. Миллет кесин къарыусузгъа бош санайды!
Мен ол Кёнделенде эки джылны мундан алгъа бола айланнган затланы кёзюуюнде Минги Тауну тюбюнден юйге къайтыб бара эдим. Кёнделеннге джете, къарасакъ, джол джабылыб. Эки къауум да - таулула да черкеслиле да бири-бирине болуб тура. Таулу джашланы чырт артха турур умутлары болмагъанын кёрюб, тамам да къарачайлыла бла малкъарлыла бир миллет болгъанларын энтда бир кере кёрдюм. Артха турмагъыз! Аллах айтыб, биз да бир тилли болала эсек, бир джанында къалыб кетерик тюлбюз. Бизде къабартылыдадан къоркъгъан-иш джокъду, хар ким кеси юйдегисин асырар къайгъыгъа кириб айланады джангыз, ансы. Бу Эресей деген ит кърал миллетибизни къурутуб бошаялмай турады алкъын, не кюреше эсе да. Барыбыз да бир тилли болуб чыкъгъанлай а, ма кёрюрсе бизге къаршчы турур табылса!
 
 
 
#16
Джаратама0
18.12.2010 02:55:06
qaracnayli
Кересе бу джаш адамла бу къартла бла нек кюрешедиле ,не дау этедиле, была бизни кеси балаларыбыздыла (если таза да таулу джашла эселе) .мени джарсытхан олду .
Мен билеме бизни бу кичиуле хорлаяллыкъ тюйюл эдиле миллет бир болса .А в данный момент получается разделяй и властвуй .
Мен къоркъгъан быланы терсине бургъан бир зат барды ,ким эсе да была бла воспользоватся этиб терсине бургъанды .
Была таза да Малкъаргъа эркинликни сюе эселе Совет самоопределенияны в составе России салгъанда резолюцияда ,была не этерге керекди не болушлукъ этеик деп къартланы жанында нек сюелмедиле ?.
Аны орнуна кересе бу травляны .Кеслери алларына бир зат эталмайла .
Таматалагъа келиб а хайдагъыз этеик неден башлайыкъ деп да айталмайдыла .Алай эсе уа сора не зат преследовать этедиле?.
Кересиз кесигиз бу джаш адамла шендю попадают и под влияние криминала и под что уголно ,мени акъылыма кере аман власть эседа Совет властда ол заманда хоть бир мораль бар эди ,хот бир патриотизм бар эди ,адамны гитчеликден ол джаны бла хоть бир воспитания бере эди власть .Советни адамлары ол власть воспитать этген адамладыла .
Лично мени къоркъуум олду, не этселе да бу къартла елгюнчю эталлыкъдыла ,алай болмаса миллетни къадары криминалны къолуна тюшер деп къоркъама,ол а аздан аздан жерлерибизни къабар деп къоркъама шайлагъа .
Мен къоркъгъандан Аллах кери этсин .Алай къартланы организациясы алай тургъанлай жанларында джаш адамла туруп ишни этерге керекдиле .Алай этерге унамаймыдыла ?-сора ишанырыгъым келмейди аллайлагъа .
 
 
 
#17
Джаратама0
18.12.2010 05:51:13
Мен халкъгъа оноу этген къуллукъчу-башчы болсам, не этерик эдим:

1.Джандет джуртубузну тонатмай, чанчакълатмай, сатмай (Зеленчук, Уруп джанларына артыкъ да эс бёлюб), халкъыбызгъа сакъларыкъ эдим. Эм алгъа тау эллерибизни (артыкъсыз да чекдегилени) бегитирик эдим ? газ тартдырлыкъ эдим; мал бла кюрешген - эт, джау, сют, бышлакъ, джюн затларындан иги хайыр тюшерча этерик эдим; гитче джау-бышлакъ заводчукъла ачыб, иш орунла ачарыкъ эдим; неда этиб, халкъ элден кетмезча этерик эдим ? халкъны тилин, адетин-намысы-тёресин сакълаб тургъан элди. Элледен джаш тёлю ёзен аягъына, шахарлагъа саркъгъанлай, тау суу тенгизде тас болгъанча, ассимиле болуб, тас болуб тебрейди. Элледе адам джашарча таблыкъ къуралгъанлай, тинибиз бла бирге саныбыз да ёсе башларыкъ эди. Сабий туугъан азгъа айланнганды: Чеченде-Ингушда бир юйюрде 7-8?9 сабий бола эсе, бизде 2-3 сабийден кёб болмай башлагъанды. Саны аз халкъгъа ол бек къоркъуулу кёргюзюмдю. 1940-чы джыллагъа дери Къарачайда орта юйдеги он башлы болгъанды. Гитче Къарачай райондан эсе, Хабез районда кёб сабийли юйдегиле аслам бола башлагъандыла деб окъугъан эдим къайда эсе да. Черкеслени къуллукъчулары да, ачха-бочха джюрютгенлери да, джамагъат организациялары да бир тилли болуб, халкъларын айнытыргъа, кёбейтирге кюрешедиле. Бизде да иш алай болмаса, тамблабыз къалай болур?

2.Тышында ахлуларыбызны (Азиядан келалмай тургъанларыбызны) джуртха къайтарлыкъ эдим.

3.Къарачай шахарны керти миллет шахар этерик эдим. Университет да къалгъан республикаланы университетлерини дараджасында болургъа керекди. Ары кирген керти билим алыб чыгъарча.

4. Культурабызны айнытыугъа бек уллу эс бёллюк эдим ? миллет теледевидениебиз, радиобуз, газетлерибиз, журналларыбыз - бары болургъа керекдиле.

5. Сабийле спорт бла кюреширча, таблыкъла болургъа керекдиле. Миллет тутушдан, къол тутушдан дуния чемпионларыбыз бардыла ? ала бла кюрешир ючюн артыкъ уллу таблыкъла керек тюлдюле. Спортну башхалары бла кюрешир ючюн а, спорт къалала, спортзалла керекдиле. Бизден Олимпия чемпион чыкъмай тургъаныны къыйынлыгъы ол затданды. Ансы, бизни джашла-къызла алчы болалмазлыкъ вид спорта джокъду.
Эсиме келген зат болса, дагъыда къошарма.
 
 
 
#18
Джаратама0
18.12.2010 15:41:24
Интересно, Эбзеев, анда-мында Эльбрусоидде джазылгъанына къараймыды? Миллет къалай джашайды, не керекди?
Кеси англамаесе, неужели къатында бир адам джокъду? Блай базар кюнде уяныб, сагыш эте болурму, типа, мен, ма бу иикъда, миллетиме, Ата Джуртума не игиликь этгенме? Вечный президент боллукъ тюльдю да? Аны сагышын этмеймиди? Тамбла кюнде, пенсионер болса, адамланы кёзлерине къалай къарарыкъды?
 
 
 
#19
Джаратама0
18.12.2010 19:07:03
Cebernii
Миллетни бири-бирине болуб тургъаны аман ишди. Джаш адамла да кеслери сагъыш этгенча бир организацияла-иш дегенча бир затла къураб, кеслери да бу джумушну къартланы къолларындан алыб, бардырыб башларгъа керекдиле. Алайсыз, малкъар миллет джерден думп болуб кетерге тебреб турады.
 
 
 
#20
Джаратама0
18.12.2010 19:10:03
Казбек26
Интересно, Эбзеев, анда-мында Эльбрусоидде джазылгъанына къараймыды? Миллет къалай джашайды, не керекди?Кеси англамаесе, неужели къатында бир адам джокъду? Блай базар кюнде уяныб, сагыш эте болурму, типа, мен, ма бу иикъда, миллетиме, Ата Джуртума не игиликь этгенме? Вечный президент боллукъ тюльдю да? Аны сагышын этмеймиди? Тамбла кюнде, пенсионер болса, адамланы кёзлерине къалай къарарыкъды?

Энди, не джашырыу, мен да Эбзе улуну ишлегенин джаратмайма. Алай болгъанлыкъгъа, муну аллындагъы бла тенглешдирсем, бираз джюрегим басылады. Не ючюн десенг, бусагъатдагъы тамада ол Батды улуча гуду болмагъаны да хайырды. Не этериксе, аламат тамадала бизге алкъын джете болмазла. Алай а биягъы Батдыдан эсе уа бу да такъылды.
 
 
 
#21
Джаратама0
18.12.2010 20:30:25
qarachayli
. Алай а биягъы Батдыдан эсе уа бу да такъылды.
Да игиед алаесе.
 
 
 
#22
Джаратама0
18.12.2010 23:49:33
qaracnayli
Да ким угъай дейди да Аллах санга разы ,Мен айтхан а эбзе джырмыды .Къартла да кеслерича кюрешсинле, джашла да кеслерича кюрешсинле .Но взаимоисключающий вариант керекмейди .Оба варианта имеют право жить ,а когда надо будет и взаимодействовать. Но если одна сторона исключает другую я такое не приемлю. в споре рождается истина.
 
 
 
#23
Джаратама0
19.12.2010 12:11:39
Мен Къарачайны Президенти болсам способствовать этеригем бир частный теле-радиостанциячык ачаргъа Къарачай - Иалкъарны охватить этерча .Малкъарда халкъны просветить этерча , ол бизге бек керекли зат эди .
 
 
 
#24
Джаратама0
19.12.2010 19:06:24
Cebernii
qaracnayliДа ким угъай дейди да Аллах санга разы ,Мен айтхан а эбзе джырмыды .Къартла да кеслерича кюрешсинле, джашла да кеслерича кюрешсинле .Но взаимоисключающий вариант керекмейди .Оба варианта имеют право жить ,а когда надо будет и взаимодействовать. Но если одна сторона исключает другую я такое не приемлю. в споре рождается истина.

Бу форумда бир къауумла: "Конституционный суд постановлениясын чыгъарды, алай а КъМР-ни властлары аны толтурургъа унамай тургъанлары белгилиди. Ала ол решенияны толтурурча ССБН не этеди?" деген сорууланы кёрсем, тейри, аман сейир болама. Провокациягъа ушатама аллай сёзлени. ССБН не "Единый Россия", не "Справедливый Россия" болмагъанын хар ким бары да ангылай шойду?! Ансы да ол этгенлери ючюн да миллет алагъа: "Сау болугъуз!" - деб айтырны орнуна, аллай затла айтыб айлансала, мени да джарылады джюрегим, тейри.
 
 
 
#25
Джаратама0
19.12.2010 19:15:22
Cebernii
Мен Къарачайны Президенти болсам способствовать этеригем бир частный теле-радиостанциячык ачаргъа Къарачай - Иалкъарны охватить этерча .Малкъарда халкъны просветить этерча , ол бизге бек керекли зат эди .

Бизни гитче республикачыгъыбызда да телевидениягъа башчыгъа атасы - урумлу (грекли), анасы да абазалы болгъан Чекалов деб абаза-черкес халили адамны салгъандыла да, ол да амалын табыб черкеслиле бла абазалыланы махтауларын бериб, къарачайлыланы юсюнден сёлешинсе уа толу чыгъарыргъа унамай кюрешиб турады. Алай а республиканы тамадаларыны аны къоратыр мадарлары джокъду. Не ючюн десенг, РТР-ни башчылары сюйселе салдыла, сюйселе къоратдыла, республиканы башчылары айтханнга тынгылагъан да этмейдиле. Бу къатыбызда ууакъ миллетле, тейри, къабыргъабыздан аз-аз чимдегенлей турадыла, уруш этер къарыулары болмагъанларын биле тургъанлай, хаман Москвагъа бизден тарыгъыб, "къарачайлыла бизни джашаргъа къоймайдыла!" - деб къычыргъанлай тургъанлары себебли, Эресей бизни эрши кёргенлей турады. Ол себебден Къарачай бла Малкъаргъа энчи телеканал къураргъа къоярыкъ болмаз, тейри, бу кёзюуде.
 
 
 
Страницы: 1 2 След.
Читают тему (гостей: 5)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.