- Къыз чыгъаргъан – къызыл къымжа.
- Дженгил джетерикме деб, узун джолну къоюб, къысхасын барма.
- Тиширыусуз юй – отсуз от джагъа.
- Ётген ёмюр – акъгъан суу.
- Бет бетге къараса, бет да джерге къарар.
- Ётюрюкню къуйругъу – бир тутум.
- Акъыллы эркиши атын махтар, акъылсыз эркиши къатынын махтар.
- Экиндини кеч къылсанг, чабыб джетер ашхам.
- Эринчекни эр алмаз, эр алса да, кёл салмаз, кёл салса да, кёб бармаз!
- Къайгъы тюбю – тенгиз.
- Рысхы – насыбха къор.
- Гугурук къычырмаса да, тангны атары къалмаз.
- Этек чакъмакълары баш джаргъан, сёлешген сёзлери таш джаргъан.
- Ханы къызы буюгъа-буюгъа киштик болду.
- Къарнынг къанлынга кийирир.
- Ушамагъан – джукъмаз.
- Ата Джуртун танымагъан, атасын да танымаз.
- Тюзню ётмеги тюзде къалса да, тас болмаз.
- Тюзлюк шохлукъну бегитир.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Адам къыйынлыгъын кёлтюрюр, зауукълугъун кёлтюрмез.
- Ишин билген, аны сыйын чыгъарады.
- Тюзлюк тас болмайды.
- Азыкъ аз болса, эртде орун сал.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тюкюрюк баш джармаз, налат кёз чыгъармаз!
- Магъанасыз сёз – тауушсуз сыбызгъы.
- Кёб ант этген, кёб ётюрюк айтыр.
- Кёпюр салгъан кеси ётер, уру къазгъан кеси кетер.
- Чомартны къолун джокълукъ байлар.
- Къарт айтханны этмеген, къартаймаз.
- Хар адамгъа кеси миннген тау кибик.
- Къоркъакъны кёзю экили кёрюр.
- Сабий болмагъан джерде, мёлек болмаз.
- Джыгъылгъанны сырты джерден тоймаз.
- Ана къолу ачытмаз.
- Махтаннган къыз, тойда джукълар.
- Накъырданы арты керти болур.
- Иги сёз – джаннга азыкъ, аман сёз башха – къазыкъ.
- Билмезни кёзю кёрмез, этмезни къулагъы эшитмез.
- Ата джурт – алтын бешик.
- Иги болса, тамадама – махтау, аман болса, меннге – айыб.
- Адеб этмеген, адеб кёрмез.
- Чакъырылмагъан къонакъ тёрге атламаз.
- Джарлы эскисин джамаса, къууаныр.
- Къаллай салам берсенг, аллай джууаб алырса.
- Ачыу алгъа келсе, акъыл артха къалады.
- Азыгъы аз, алгъа къабар, аты аман, алгъа чабар.
- Нёгер болсанг, тенг бол, тенг болмасанг, кенг бол.
- Къарыусузгъа кюлме, онгсузгъа тийме.
Фото во время отъезда на Японскую войну., прошу посмотреть
Читают тему (гостей: 1)