- Чомартха Тейри да борчлуду.
- Ариу сёз – джаннга азыкъ, аман сёз – башха къазыкъ.
- Уясында не кёрсе, учханында аны этер.
- Аууздан келген, къолдан келсе, ким да патчах болур эди.
- Иесиз малны бёрю ашар.
- Экеу тутушса, биреу джыгъылыр.
- Ишленмеклик адамлыкъды.
- Чакъырылгъанны аты, чакъырылмагъанны багъасы болур.
- Къыйынлы джети элге оноу этер.
- Сакъ юйюне сау барыр.
- Ашда – бёрю, ишде – ёлю.
- Ач уят къоймаз.
- Адеб этмеген, адеб кёрмез.
- Ариу – кёзге, акъыл – джюрекге.
- Аманнга да, игиге да оноусуз къатышма.
- Айырылмаз джууугъунга, унутмаз сёзню айтма.
- Чомарт къонакъ юй иесин сыйлар.
- Ханы къызы буюгъа-буюгъа киштик болду.
- Эр сокъур болсун, къатын тилсиз болсун.
- Айтхан – тынч, этген – къыйын.
- Тил – кесген бычакъ, сёз – атылгъан окъ.
- Эки къатын алгъан – эки ташны ортасына башын салгъан.
- Джолда аягъынга сакъ бол, ушакъда тилинге сакъ бол.
- Тойчу джашха къарама, къойчу джашха къара.
- Уллу сёлешме да, уллу къаб.
- Къуру гыбыт бек дыгъырдар.
- Ат да турмайды бир териде.
- Асхат ашлыкъ сата, юйдегиси ачдан къата.
- Аман къатын алгъан, арыр, иги къатын алгъан джарыр.
- Кимни – тили, тиши онглу, кимни – къолу, иши онглу.
- Айырылгъанланы айю ашар, бёлюннгенлени бёрю ашар.
- Кесине гебен этелмеген, биреуге черен эте эди.
- Сабийни джумушха джибер да, ызындан бар.
- Эринчекге кюн узун.
- Игилик игилик бла сингдирилиучю затды.
- Къыз чыгъаргъан – къызыл къымжа.
- Ишге юренсин къоллары, халкъ бла болсун джоллары.
- Аманнга алтын чыдамаз.
- Байдан умут эте, джарлыдан ёгюз багъасы къорады.
- Элиб деген, элге болушур.
- Адамны джюреги нени кёрюрге сюйсе, кёзю да аны кёрюрге ёч болады.
- Къартха ушагъан джаш – акъыллы, джашха ушагъан къарт – тели.
- Байлыкъ тауусулур, билим тауусулмаз.
- Ата Джуртуму башы болмасам да, босагъасында ташы болайым.
- Чабакъ башындан чирийди.
- Гырджын – тепсини тамадасы.
- Насыб бютеу халкъны юлюшюдю.
- Айыбны суу бла джууалмазса.
- Ашхы сёз таш тешер.
- Этни да ашады, бетни да ашады.
КРЫМШАМХАЛОВ МАГОМЕД-ГЕРИ (кавалер Ордена Св. Георгия)
|
Княгиня Шервашидзе, кажется. Похоронена в Карт-Джурте.
|
||||
|
|
|
|||
Читают тему (гостей: 1)

