- Кёб джат да, бек чаб.
- Эте билген, этген этеди, эте билмеген, юретген этеди!
- Нёгер болсанг, тенг бол, тенг болмасанг, кенг бол.
- Тюкюрюк баш джармаз, налат кёз чыгъармаз!
- Ётюрюкню къуйругъу – бир тутум.
- Юреннген ауруу къалмаз.
- Этек чакъмакълары баш джаргъан, сёлешген сёзлери таш джаргъан.
- Намысы болмагъанны, сыйы болмаз.
- Ёзденликни джайгъан – джокълукъ.
- Халкъны джырын джырласанг, халкъ санга эжиу этер.
- Джюрекге ариу – кёзге да ариу.
- Эки итни арасына сюек атма, эки адамны арасында сёз чыгъарма.
- Сууда джау джокъ, кёб сёзде магъана джокъ.
- Ачыкъ джюрекге джол – ачыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тилсиз миллет джокъ болур.
- Ётюрюкден тюбю джокъ, кёлтюрюрге джиби джокъ.
- Тойгъан джерден туугъан джер игиди.
- Ханы къызы буюгъа-буюгъа киштик болду.
- Джылар джаш, атасыны сакъалы бла ойнар.
- Ашда – бёрю, ишде – ёлю.
- Сыфатында болмагъаны, суратында болмаз.
- Рысхы – сют юсюнде кёмюк кибикди.
- Урама да – ёледи, сатама да – келеди.
- Ишни ахырын ойламай, аллын башлама.
- Чомартха Тейри да борчлуду.
- Этим кетсе да, сюегим къалыр.
- Орну джокъну – сыйы джокъ.
- Чоюнну башы ачыкъ болса, итге уят керекди.
- Кютгени беш эчки, сызгъыргъаны уа, джерни джарады.
- Мен да «сен», дейме, сен да «кесим», дейсе.
- Байдан умут эте, джарлыдан ёгюз багъасы къорады.
- Хазыр ашха – терен къашыкъ.
- Къарыусузгъа кюлме, онгсузгъа тийме.
- Сабий болмагъан джерде, мёлек болмаз.
- Арбаз къынгырды да, ийнек сауалмайма.
- Юй кюйдю да, кюйюз чыкъды, ортасындан тюйюш чыкъды.
- Къошда джокъгъа – юлюш джокъ.
- Гугурук къычырмаса да, тангны атары къалмаз.
- Айран ичген – къутулду, джугъусун джалагъан – тутулду.
- Сакъалы текени да бар, мыйыгъы киштикни да бар.
- Кечеси – аяз, кюню – къыш, джарлы къаргъагъа бир аш тюш!
- Тюзню ётмеги тюзде къалса да, тас болмаз.
- Мухар, кеси тойса да, кёзю тоймаз.
- Айтхан сёзюне табылгъан.
- Агъач халкъгъа алтынды, иссиликге салкъынды.
- Джангыз торгъай джырламаз.
- Терек ауса, отунчу – кёб.
- Чабакъ башындан чирийди.
- От этилмеген джерден тютюн чыкъмайды.
Снайперы, Гочияев О.Т.и Мутчаев М. А.награжденные орд. Красного Знамени и другие
|
|
|
|
|
|
|
Снайперы Гочияев Осман Топаевич и Мутчаев Магомед Азретович,1942г. |
|
|
|
|
|
Изменено: - 21.12.2015 14:22:53
|
|
|
|
|
|
Лейтенант Крымшамхалов Исмаил.
|
|
|
|
|
|
фото: Гочияев О.и Мутчаев А.
|
|
|
|
|
|
|
||||
|
|
|
|||
Читают тему (гостей: 1)