- Къаллай салам берсенг, аллай джууаб алырса.
- Миллетни бойну – базыкъ, аны бла кюрешген – джазыкъ.
- Ашатыргъа иш – ашхы, ишлетирге аш – ашхы.
- Кечеси – аяз, кюню – къыш, джарлы къаргъагъа бир аш тюш!
- Ач – эснер, ат – кишнер.
- Аман эсирсе, юйюн ояр.
- Алтыннга тот къонмаз.
- Тилчи бир сагъатха айлыкъ хата этер.
- Бети бедерден, намыс сакълама.
- Адеби болмагъан къыз – тузсуз хант.
- Къарыусузгъа кюлме, онгсузгъа тийме.
- Кирсизни – саны таза, халалны – къаны таза.
- Тамбла алтындан бюгюн багъыр ашхы.
- Джыйырма къойну юч джыйырма эбзе кюте эди.
- Дууулдаса – бал чибин, къонса – къара чибин.
- Бал – татлы, балдан да бала – татлы.
- Ашхы болсанг, атынг чыгъар, аман болсанг, джанынг чыгъар.
- Джетген къыз джерли эшекни танымаз.
- Мал кёб болса, джууукъ кёб болур.
- Таукел тауну аудурур.
- Къолунгдан къуймакъ ашатсанг да, атаны борчундан къутулмазса.
- Ашына кёре табагъы, балына кёре къалагъы.
- Кеси юйюмде мен да ханма.
- Тюзню ётмеги тюзде къалса да, тас болмаз.
- Ашаса, ашамаса да, бёрюню ауузу – къан.
- Бичгенде ашыкъма, тикгенде ашыкъ.
- Адеб базарда сатылмаз.
- Чарсда алчыны эл кёреди.
- Джюрекге ариу – кёзге да ариу.
- Къулакъдан эсе, кёзге ышан.
- Душманны тышы – акъ, ичи – къара.
- Садакъачыны джаны – къапчыгъында.
- Адамны артындан къара сабан сюрме.
- Айтылгъан буйрукъ, сёгюлмез
- Джумушакъ сёз къаты таякъны сындырыр.
- Билеги кючлю, бирни джыгъар, билими кючлю, мингни джыгъар.
- Тойгъандан сора, ашны сёкме.
- Босагъагъа джууукъ орун болса, ашыгъыб тёрге озма.
- Ата Джуртун танымагъан, атасын да танымаз.
- Акъыллы – эл иеси, тели – эл баласы.
- Ана къолу ачытмаз.
- Ётюрюкден тюбю джокъ, кёлтюрюрге джиби джокъ.
- Аджалсыз ёлюм болмаз.
- Джырчы ёлсе, джыры къалыр.
- Акъыл сабырлыкъ берир.
- Аманны эки битли тону болур, бирин сеннге кийдирир, бирин кеси киер.
- Тёзгеннге, джабылгъан эшик ачылыр.
- Тилде сюек болмаса да, сюек сындырыр.
- Ханы къызы буюгъа-буюгъа киштик болду.
- Аман къатын алгъан, арыр, иги къатын алгъан джарыр.
Защитники Брестской крепости
Читают тему (гостей: 1)