- Ашда уялгъан – мухар, ишде уялгъан – хомух.
- Биреу ашаб къутулур, биреу джалаб тутулур.
- Нёгер болсанг, тенг бол, тенг болмасанг, кенг бол.
- Билимли ёлмез, билимсиз кёрмез.
- Ургъан суудан башынгы сакъла.
- Суугъа – чабакъ, къаягъа – ыргъакъ.
- Хазыр ашха – терен къашыкъ.
- Тюзню ётмеги тюзде къалса да, тас болмаз.
- Аякъларынгы джууургъанынга кёре узат.
- Экеулен сёлеше тура эселе, орталарына барыб кирме.
- Ариуну – ауруу кёб.
- Къууут – джелге, берне – бошха.
- Ашхылыкъ джерде джатмайды, аманлыкъ суугъа батмайды.
- Джюрек кёзден алгъа кёрюр.
- Эркиши – от, тиширыу – суу.
- Ана къойну – балагъа джандет.
- Акъыл аздырмаз, билим тоздурмаз.
- Джолда аягъынга сакъ бол, ушакъда тилинге сакъ бол.
- Тамчы таш тешер.
- Дуния малгъа сатылма, кесингден телиге къатылма.
- Киштикге къанат битсе, чыпчыкъ къалмаз эди.
- Бёрю да ач къалмасын, эчки да ашалмасын.
- Баш болса, бёрк табылыр.
- Алма терегинден кери кетмез.
- Окъ къызбайны джокълайды.
- Эринчекни аурууу – кёб.
- Элге къуллукъ этмеген, элге ие болмаз.
- Джашны джигитлиги сорулур, къызны джигерлиги сорулур.
- Адеб этмеген, адеб кёрмез.
- Накъырданы арты керти болур.
- Уллу атлама – абынырса, уллу къабма – къарылырса.
- Тилчи бир сагъатха айлыкъ хата этер.
- Олтуруб кёрюнмей эди да, ёрге туруб кёрюне эди.
- Ётген ёмюр – акъгъан суу.
- Эл бла кёргенинг эрелей.
- Телиге от эт десенг, юйюнге от салыр.
- Хантына кёре тузу, юйюне кёре къызы.
- Байлыкъ тауусулур, билим тауусулмаз.
- Ичимден чыкъды хата, къайры барайым сата?
- Алтыда кюлмеген, алтмышда кюлмез.
- Акъыллы айтыр эди, акъылсыз къоймайды.
- Чоюнну башы ачыкъ болса, итге уят керекди.
- Гыдай эчки суугъа къараб, мюйюзле кёрмесе, джашма алкъын, дегенди.
- Айран тёгюлсе, джугъусу къалыр.
- Къонакъ аман болса, къонакъбай джунчур
- Аман адам этегингден тутса, кес да къач.
- Рысхы джалгъанды: келген да этер, кетген да этер.
- Азыкълы ат арымаз, къатыны аман джарымаз.
- Эртде тургъан бла эртде юйленнген сокъуранмаз.
- Тилчиден кери бол.
Защитники Брестской крепости
Читают тему (гостей: 1)