- Ашын ашагъанынгы, башын да сыйла.
- Билимден уллу байлыкъ джокъду.
- Къартны сыйын кёрмеген, къартлыгъында сыйлы болмаз.
- Эртде тургъан бла эртде юйленнген сокъуранмаз.
- Къарнынг тойгъунчу аша да, белинг талгъынчы ишле.
- Шапа кёб болса, аш татымсыз болур.
- Ауругъаннга – кийик саулукъ, джетген къызгъа – чилле джаулукъ.
- Аджашханны ызындагъы кёреди, джангылгъанны джанындагъы биледи.
- Ата джурт – алтын бешик.
- Къазанда болса, чолпугъа чыгъар.
- Сибиртки да сыйлы болду, кюрек да кюнлю болду.
- Ётюрюкню башын керти кесер.
- Къозулугъунда тоймагъан, къойлугъунда тоймаз.
- Джюрек кёзден алгъа кёрюр.
- «Ма», - дегенни билмесенг, «бер», - дегенни билмезсе.
- Кёл ашады да, кеси ашады.
- Малны кют, джерни тюрт.
- Миллетни бойну – базыкъ, аны бла кюрешген – джазыкъ.
- Хатерли къул болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Суу кетер, таш къалыр.
- Огъурлуну сёзю – суу, огъурсузну сёзю – уу.
- Сёз сёзню айтдырыр.
- Тойну къарнашы – харс, джырны къарнашы – эжиу.
- Ашыкъгъанны этеги бутуна чырмалыр.
- Тойгъандан сора, ашны сёкме.
- Къарт болгъан джерде, берекет болур, сабий болгъан джерде, оюн болур.
- Кюл тюбюндеги от кёрюнмейди.
- Ашатыргъа иш – ашхы, ишлетирге аш – ашхы.
- Ата Джуртча джер болмаз, туугъан элча эл болмаз.
- Адам туугъан джеринде, ит тойгъан джеринде.
- Ач – эснер, ат – кишнер.
- Ауурну тюбю бла, дженгилни башы бла джюрюген.
- Тулпарлыкъ, билекден тюл – джюрекден.
- Джан саулукъ бермей, сан саулукъ бермезсе.
- Орундукъ тюбюнде атылсам да, орта джиликме, де да айлан.
- Ёзденликни кёбю ётюрюк.
- Кечеси – аяз, кюню – къыш, джарлы къаргъагъа бир аш тюш!
- Сыфатында болмагъаны, суратында болмаз.
- Билген билмегенни юретген адетди.
- Ёгюзню мюйюзюнден тутадыла, адамны сёзюнден тутадыла.
- Къонакъ болсанг, ийнакъ бол.
- Ишлемеген – тишлемез.
- Джумушакъ терекни къурт ашар.
- Зар адамны насыбы болмаз.
- Аман адамны тепсинге олтуртсанг, къызынгы тилер.
- Чомартха Тейри да борчлуду.
- Тенги кёбню джау алмаз, акъылы кёбню дау алмаз.
- Телиге акъыл салгъандан эсе, ёлгеннге джан салырса.
- Билим насыб берир, билим джолну керир.
Защитники Брестской крепости
Читают тему (гостей: 1)