- Эри аманны, къатыны – аман.
- Нарт сёз – тилни бети.
- Кёб джат да, бек чаб.
- Телиге от эт десенг, юйюнге от салыр.
- Джаралыны джастыгъында сау ёлюр.
- Ёлген ийнек сютлю болур.
- Хантына кёре тузу, юйюне кёре къызы.
- Ёксюзню къалачы уллу кёрюнюр.
- Аман къатын алгъан, арыр, иги къатын алгъан джарыр.
- Къазанчы аман болса, къазаны къайнамаз.
- Ёнгкюч къууана барыр, джылай келир.
- Гугурук къычырмаса да, тангны атары къалмаз.
- Адеб джокъда, намыс джокъ.
- Эр сокъур болсун, къатын тилсиз болсун.
- Къарт болгъан джерде, берекет болур, сабий болгъан джерде, оюн болур.
- Уллу къашыкъ эрин джыртар.
- Ашха уста, юйюнде болсун
- Къарт бла баш аша, джаш бла аякъ аша.
- Кеси юйюмде мен да ханма.
- Къартны бурнун сюрт да, оноугъа тут.
- Къазанны башы ачыкъ болса, итге уят керекди.
- Таш ата билмеген, башына урур.
- Билимли ёлмез, билимсиз кёрмез.
- Иги адамны бир сёзю эки болмаз.
- Сагъышы джокъ – джукъучу, акъылы джокъ – къаугъачы.
- Ата Джуртча джер болмаз, туугъан элча эл болмаз.
- Джаш болсун, къыз болсун, акъылы, саны тюз болсун.
- Иги джашны ышаны – аз сёлешиб, кёб тынгылар.
- Экиндини кеч къылсанг, чабыб джетер ашхам.
- Эр абынмай, эл танымаз.
- Урама да – ёледи, сатама да – келеди.
- Акъыл сабырлыкъ берир.
- Тамбла алтындан бюгюн багъыр ашхы.
- Акъыллы эркиши атын махтар, акъылсыз эркиши къатынын махтар.
- Айтханы чапыракъдан ётмеген.
- Ашхы – джыяр, аман – джояр.
- Итли къонакъ джарашмаз.
- Тёрени джагъы джокъ.
- Къарнынг бла ёч алма.
- Халкъны юйю – туугъан джери.
- Къазанда болса, чолпугъа чыгъар.
- Башсыз урчукъ тюзюне айланмаз.
- Адамгъа аман кюн соруб келмейди.
- Билимсиз иш бармаз.
- Бёрю да ач къалмасын, эчки да ашалмасын.
- Сангырау къулакъ эл бузар.
- Къарнынг къанлынга кийирир.
- Халкъгъа джарагъан, джарлы къалмаз.
- Ишленмеген джаш – джюгенсиз ат, ишленмеген къыз – тузсуз хант.
- Айраннга суу къош, телиге джол бош.
Узденов Султан Азнорович, погиб в Афганистане
Читают тему (гостей: 1)