- Мураты болгъанны джюрек тебюую башхады.
- Тёгюлген тюгел джыйылмайды.
- Аз айтсам, кёб ангылагъыз.
- Магъанасыз сёз – тауушсуз сыбызгъы.
- Къуллукъчума, деб махтанма, къуллукъ – хаух джамчыды!
- Къарнынг ауруса, ауузунгу тый
- Джюрек кёзден алгъа кёрюр.
- Къыйынлы джети элни къайгъысын этер.
- Тил джюрекге джол ишлейди.
- Хунаны тюбюн къазсанг, юсюнге ауар.
- Ышармагъан – кюлмез, кюлмеген – къууанчны билмез.
- Атлыны кёрсе, джаяуну буту талыр.
- Аман эсирсе, юйюн ояр.
- Тойгъа алгъа да барма, тойда артха да къалма.
- Нарт сёз – тилни бети.
- Адам къаллай бир ишленмесе, аллай бир кесин уллу кёреди.
- Биреуню эскиси биреуге джангы болмайды.
- Тюзлюк шохлукъну бегитир.
- Минг тенг да азды, бир джау да кёбдю.
- Кийиминг бла танылма, адамлыкъ бла таныл.
- Дженгил джетерикме деб, узун джолну къоюб, къысхасын барма.
- Тюзню ётмеги тюзде къалса да, тас болмаз.
- Кесинг сынамагъан затны, адамгъа буюрма.
- Ёлюк кебинсиз къалмаз.
- Оюмсуз атлагъан, аджалсыз ёлюр.
- Иги сеники эсе да, сюйген кесимикин этеме.
- Чомарт къонакъ юй иесин сыйлар.
- Джарлы эскисин джамаса, къууаныр.
- Таш ата билмеген, башына урур.
- Сёз – кюмюш, джыр – алтын.
- Тойгъан джерден туугъан джер игиди.
- Ханы къызы буюгъа-буюгъа киштик болду.
- Джыгъылгъанны сырты джерден тоймаз.
- Къар – келтирди, суу – элтди.
- Къалгъан ишге къар джауар.
- Эртде тургъан джылкъычыны эркек аты тай табар.
- Ариу сёз – къылычдан джити.
- Сууда джау джокъ, кёб сёзде магъана джокъ.
- Тил – кесген бычакъ, сёз – атылгъан окъ.
- Тау башында, тау болмаз, джангыз терек, бау болмаз.
- Къозулугъунда тоймагъан, къойлугъунда тоймаз.
- Акъыллы айтыр эди, акъылсыз къоймайды.
- Тиширыусуз юй – отсуз от джагъа.
- Байлыкъ болгъан джерде, тынчлыкъ джокъду.
- Билмейме деген – бир сёз
- Тынгылагъан тынгы бузар.
- Ёлген аслан – сау чычхан.
- Акъыл къартда, джашда тюйюлдю – башдады.
- Илму – джашауну джолу.
- Джигер – джаннга къыйынлыкъ.
Узденов Султан Азнорович, погиб в Афганистане
Читают тему (гостей: 1)