- Къайтырыкъ эшигинги, къаты уруб чыкъма.
- Къатын къылыкъсыз, эр тынчлыкъсыз.
- Ашыкъгъанны этеги бутуна чырмалыр.
- Къарнынг тойгъунчу аша да, белинг талгъынчы ишле.
- Сабыр джетер муратха, сабырсыз къалыр уятха.
- Къонагъынгы артмагъын алма да, алгъышын ал.
- Тил бла келеди джыр да.
- Сёз – кюмюш, джыр – алтын.
- Эшекге миннген – биринчи айыб, андан джыгъылгъан – экинчи айыб.
- Кёлю джокъну – джолу джокъ.
- Келинни – келгинчи, бёркню кийгинчи кёр.
- Хантына кёре тузу, юйюне кёре къызы.
- Къралынгы – душмандан, башынгы от бла суудан сакъла.
- Ёмюрлюк шохлукъну джел элтмез.
- Къумурсхала джыйылсала, пилни да джыгъадыла.
- Байма, деб да, къууанма, джарлыма, деб да, джылама.
- Адеб базарда сатылмаз.
- Ач бёрюге мекям джокъ.
- Атлыны кёрсе, джаяуну буту талыр.
- Эри аманны, къатыны – аман.
- Накъырда – кертини келечиси.
- Джангыз торгъай джырламаз.
- Айтхан сёзюне табылгъан.
- Aдам боллукъ, сыфатындан белгили.
- Айыбны суу бла джууалмазса.
- Башы джабылгъан челекге, кир тюшмез.
- Ишлегенде эринме, ишде чолакъ кёрюнме.
- Билим насыб берир, билим джолну керир.
- Тас болгъан бычакъны сабы – алтын.
- Сёлеш деб шай берген, тохта деб, сом берген.
- Ойнай билмеген, уруб къачар.
- Таукел адам тау тешер.
- Ач отунчуну ачыуу – бурнунда.
- Эркиши – от, тиширыу – суу.
- Тилчиден кери бол.
- Элиб деген, элге болушур.
- Элде адам къалмаса, ит тахтагъа минер.
- Телиге от эт десенг, юйюнге от салыр.
- Ишлегенден, къарагъан уста.
- Тилде сюек болмаса да, сюек сындырыр.
- Нёгерсизни джолу узун.
- Артына баргъанны, къатына барма.
- Аджашханны ызындагъы кёреди, джангылгъанны джанындагъы биледи.
- Эл ауузу – элия.
- Бет бетге къараса, бет да джерге къарар.
- Эски джаугъа ышанма.
- Къыз келсе, джумуш эте келеди, къатын келсе, ушакъ эте келеди.
- Ач къалгъандан, кеч къалгъан къолай.
- Ауузу аманнга «иги», деме.
- Къызбайны юйюне дери сюрсенг, батыр болур.
Узденов Султан Азнорович, погиб в Афганистане
Читают тему (гостей: 1)