- Билимсиз иш бармаз.
- Туз, гырджын аша, тюзлюк бла джаша.
- Намыс болмагъан джерде, насыб болмаз.
- Айранны сюйген, ийнек тутар.
- Иги – алгъыш этер, аман – къаргъыш этер.
- Джолунга кёре – джюрюшюнг, джагъанга кёре – юлюшюнг.
- Кёб джат да, бек чаб.
- Иши джокъну, сыйы джокъ.
- Бек ашыкъгъан меннге джетсин, дегенди аракъы.
- Уллу къазанда бишген эт, чий къалмаз.
- Эм уллу байлыкъ – джан саулукъ.
- Ашхы тенг джолгъа салыр, аман тенг джолдан тайдырыр.
- Сёз – кюмюш, джыр – алтын.
- Ким бла джюрюсенг, аны кёзю бла кёрюнюрсе.
- Уллу айтханны этмеген – уллаймаз.
- Махтаннган къыз, тойда джукълар.
- Эки итни арасына сюек атма, эки адамны арасында сёз чыгъарма.
- Битмегеннге сакъал – танг.
- Эркишини аманы тиширыуну джылатыр.
- Хар адамгъа кеси миннген тау кибик.
- Бир абыннган – минг сюрюнюр.
- Ёнгкюч къууана барыр, джылай келир.
- Алим болгъандан эсе, адам болгъан къыйынды.
- Билим – акъылны чырагъы.
- Аш хазыр болса, иш харам болур.
- Биреуге аманлыкъ этиб, кесинге игилик табмазса.
- Алма терегинден кери кетмез.
- Намысы джокъну – дуниясы джокъ.
- Кёрмегеннге кебек – танг, битмегеннге сакъал – танг.
- Айтылгъан буйрукъ, сёгюлмез
- Къуллукъчума, деб махтанма, къуллукъ – хаух джамчыды!
- Шайтан алдады, тюзлюк къаргъады.
- Керилген да, ургъан кибикди.
- Окъумагъан сокъурду, сокъур ташха абыныр!
- Тиширыусуз юй – отсуз от джагъа.
- Келгинчи, къонакъ уялыр, келгенден сора, къонакъбай уялыр.
- Аджалсыз ёлюм болмаз.
- Ата Джуртча джер болмаз, туугъан элча эл болмаз.
- Джарлы эскисин джамаса, къууаныр.
- Ауузу бла къуш тута айланады.
- Ариу сёз аурууунгу алыр.
- Керти сёзге тёре джокъ.
- Баргъанынга кёре болур келгенинг.
- Айтханы чапыракъдан ётмеген.
- Джашны джигитлиги сорулур, къызны джигерлиги сорулур.
- Баш болса, бёрк табылыр.
- Чёбню кёлтюрсенг, тюбюнден сёз чыгъар.
- От кюйдюрген, сау болса да, тот кюйдюрген, сау болмаз.
- Акъыллы айтыр эди, акъылсыз къоймайды.
- Насыблы элин сюер, насыбсыз кесин сюер.
Апаев Дагир Аскерович, погиб в Афганистане
|
[b:6c6a12cea3]Апаев Дагир Аскерович[/b:6c6a12cea3]
[img:6c6a12cea3]http://s002.radikal.ru/i199/1009/1e/443336d09352.jpg[/img:6c6a12cea3] |
|
|
|
|
Читают тему (гостей: 1)