- Джашынгы кесинг юретмесенг, джашау юретир.
- Тыш элде солтан болгъандан эсе, кесинги элде олтан болгъан игиди!
- Ауругъанны сау билмез, ач къарынны токъ билмез.
- Миллетни бойну – базыкъ, аны бла кюрешген – джазыкъ.
- Эр абынмай, эл танымаз.
- Гитче джилтин уллу элни джандырыр.
- Сормай – алма, чакъырылмай – барма.
- Тамырсыз терекге таянма – джыгъылырса.
- Гугурук къычырмаса да, тангны атары къалмаз.
- Аз айтсам, кёб ангылагъыз.
- Эл элде бирер малынг болгъандан эсе, бирер тенгинг болсун.
- Аш иеси бла татлыды.
- Эринчекни аурууу – кёб.
- Кёбге таш атма.
- Сакъалы текени да бар, мыйыгъы киштикни да бар.
- Уллу къашыкъ эрин джыртар.
- Ишни ахырын ойламай, аллын башлама.
- Тил джюрекге джол ишлейди.
- Ач келгенни – тойдур, кеч келгенни – къондур.
- Айтхан сёзюне табылгъан.
- Адеби болмагъан къыз – тузсуз хант.
- Кёлсюзден сёзсюз тууар.
- Ким бла джюрюсенг, аны кёзю бла кёрюнюрсе.
- Танг атмайма десе да, кюн къоярыкъ тюйюлдю.
- Аууздан келген, къолдан келсе, ким да патчах болур эди.
- Иги болса, тамадама – махтау, аман болса, меннге – айыб.
- Джукъу тёшек сайламайды.
- Рысхы – сют юсюнде кёмюк кибикди.
- Айран ичген – къутулду, джугъусун джалагъан – тутулду.
- Ашаса, ашамаса да, бёрюню ауузу – къан.
- Этни бети бла шорпасы.
- Мал кёб болса, джууукъ кёб болур.
- Таукел адам тау тешер.
- Джаханимни кёрмей, джандетге кёл салмазса.
- Насыб бютеу халкъны юлюшюдю.
- Байлыкъ болгъан джерде, тынчлыкъ джокъду.
- Акъыл къартда, джашда тюйюлдю – башдады.
- Бети бедерден, намыс сакълама.
- Чалманны аллы къалай башланса, арты да алай барады.
- Тойгъан антын унутур.
- Къарт бла баш аша, джаш бла аякъ аша.
- Эшекни не къадар тюйсенг да, ат болмаз.
- Халкъны юйю – туугъан джери.
- Бир онгсуз адам адет чыгъарды, деб эштирик тюлсе.
- Джаш болсун, къыз болсун, акъылы, саны тюз болсун.
- Къонагъы джокъну – шоху джокъ.
- Джиби бир къат джетмей эди да, эки къат тарта эди.
- Ашатыргъа иш – ашхы, ишлетирге аш – ашхы.
- Иги адам абынса да, джангылмаз.
- Хар ишни да аллы къыйынды.
Апаев Дагир Аскерович, погиб в Афганистане
|
[b:6c6a12cea3]Апаев Дагир Аскерович[/b:6c6a12cea3]
[img:6c6a12cea3]http://s002.radikal.ru/i199/1009/1e/443336d09352.jpg[/img:6c6a12cea3] |
|
|
|
|
Читают тему (гостей: 1)