- Тас болгъан бычакъны сабы – алтын.
- Ойнай билмеген, уруб къачар.
- Тели турса – той бузар.
- Уллу сёзде уят джокъ.
- Сёз къанатсыз учар.
- Аманны къуугъан, аманлыкъ табар.
- Иги – алгъыш этер, аман – къаргъыш этер.
- Кёзю сокъурдан – къоркъма, кёлю сокъурдан – къоркъ.
- Сууда джау джокъ, кёб сёзде магъана джокъ.
- Ёлген эшек бёрюден къоркъмайды.
- Аджаллыгъа окъсуз шкок атылыр.
- Эл тойса, тоймагъан, эл къойса, къоймагъан.
- Адамгъа аман кюн соруб келмейди.
- Эринчекни эр алмаз, эр алса да, кёл салмаз, кёл салса да, кёб бармаз!
- Къартны бурнун сюрт да, оноугъа тут.
- Битмегеннге сакъал – танг.
- Джеринден айырылгъан – джети джылар, джуртундан айырылгъан – ёлгюнчю джылар.
- Айран ичген – къутулду, джугъусун джалагъан – тутулду.
- Ётюрюк хапар аякъ тюбю бла джюрюйдю.
- Ариуну – ауруу кёб.
- Ёксюзню къалачы уллу кёрюнюр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Суу ичген шауданынга тюкюрме.
- Къонакъ болсанг, ийнакъ бол.
- Адамны аты башхача, акъылы да башхады.
- Эшекге миннген – биринчи айыб, андан джыгъылгъан – экинчи айыб.
- Джюрек кёзден алгъа кёрюр.
- Къыйынлы джети элни къайгъысын этер.
- Гугурук къычырмаса да, тангны атары къалмаз.
- Терек ауса, отунчу – кёб.
- Таукелге нюр джауар.
- Къазанчы аман болса, къазаны къайнамаз.
- Байлыкъ тауусулур, билим тауусулмаз.
- Хазыр ашха – терен къашыкъ.
- Ёмюрлюк шохлукъну джел элтмез.
- Адеби болмагъан къыз – тузсуз хант.
- Кесине гебен этелмеген, биреуге черен эте эди.
- Телиге акъыл салгъандан эсе, ёлгеннге джан салырса.
- Ушамагъан – джукъмаз.
- Чомарт бергенин айтмаз.
- Тенгни тенглиги джашай барсанг билинир.
- Ач – эснер, ат – кишнер.
- Сакъалы текени да бар, мыйыгъы киштикни да бар.
- Мал ёлсе, сюек къалыр, адам ёлсе, иши къалыр.
- Ауурну тюбю бла, дженгилни башы бла джюрюген.
- Намыс сатылыб алынмайды.
- Рысхы – насыбха къор.
- Ариу сёз – къылычдан джити.
- Эки къатын алгъан – эки ташны ортасына башын салгъан.
- Къыз келсе, джумуш эте келеди, къатын келсе, ушакъ эте келеди.
Список карачаевцев ? офицеров российской армии (до 1917 г)
|
Вся королевская конница, вся королевская рать...
|
||||
|
|
|
|||
Читают тему (гостей: 1)