- Аман хансны – урлугъу кёб.
- Ач уят къоймаз.
- Башланнган иш битер, къымылдагъан тиш тюшер.
- Азыкълы ат арымаз, къатыны аман джарымаз.
- Ариу сёз джыланны орнундан чыгъарыр.
- Терек ауса, отунчу – кёб.
- Адеб базарда сатылмаз.
- Керек ташны ауурлугъу джокъ.
- Урунуу – насыбны анасы.
- Бёрю да ач къалмасын, эчки да ашалмасын.
- Адам къаллай бир ишленмесе, аллай бир кесин уллу кёреди.
- Тойгъандан сора, ашны сёкме.
- Чакъырылмагъан джерге барма, чакъырылгъан джерден къалма.
- Чабакъгъа акъыл, табагъа тюшсе келеди.
- Ёлген эшек бёрюден къоркъмайды.
- Иги адамны бир сёзю эки болмаз.
- Огъурлуну сёзю – суу, огъурсузну сёзю – уу.
- Сёз къанатсыз учар.
- Биреуню эскиси биреуге джангы болмайды.
- Тилчи бир сагъатха айлыкъ хата этер.
- Къуллукъчума, деб махтанма, къуллукъ – хаух джамчыды!
- Ашына кёре табагъы, балына кёре къалагъы.
- Къазанда болса, чолпугъа чыгъар.
- Тойгъан джерге джети къайт.
- Суугъа – таянма, джаугъа – ийнанма.
- Эринчекни эр алмаз, эр алса да, кёл салмаз, кёл салса да, кёб бармаз!
- Къууут – джелге, берне – бошха.
- Къартны бурнун сюрт да, оноугъа тут.
- Ач – эснер, ат – кишнер.
- Ата Джуртуму башы болмасам да, босагъасында ташы болайым.
- Адебсиз адам – джюгенсиз ат.
- Экиндини кеч къылсанг, чабыб джетер ашхам.
- Джетген къыз джерли эшекни танымаз.
- Накъырданы арты керти болур.
- Айранны сюйген, ийнек тутар.
- Ашхылыкъ джерде джатмайды, аманлыкъ суугъа батмайды.
- Аджалсыз ёлюм болмаз.
- Кёзю сокъурдан – къоркъма, кёлю сокъурдан – къоркъ.
- Садакъачыны джаны – къапчыгъында.
- Халкъны джырын джырласанг, халкъ санга эжиу этер.
- Аджашханны ызындагъы кёреди, джангылгъанны джанындагъы биледи.
- Джаш къарыу бла кючлю, къарт акъыл бла кючлю.
- Ауурну тюбю бла, дженгилни башы бла джюрюген.
- Ичимден чыкъды хата, къайры барайым сата?
- Ашатыргъа иш – ашхы, ишлетирге аш – ашхы.
- Атынг аманнга чыкъгъандан эсе, джанынг тамагъынгдан чыкъсын.
- Танг атмайма десе да, кюн къоярыкъ тюйюлдю.
- Ач къарынны, токъ билмез
- Тил – кесген бычакъ, сёз – атылгъан окъ.
- Малны кют, джерни тюрт.
Список карачаевцев ? офицеров российской армии (до 1917 г)
|
Вся королевская конница, вся королевская рать...
|
||||
|
|
|
|||
Читают тему (гостей: 1)