- Тёрени джагъы джокъ.
- Акъыллы – эл иеси, тели – эл баласы.
- Эки къатын алгъанны къулагъы тынгнгаймаз.
- Айыбны суу бла джууалмазса.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тил джюрекге джол ишлейди.
- Арбаз сайлама да, хоншу сайла.
- Ёлюр джаннга, ёкюл джокъ.
- Кесине оноу эте билмеген, халкъына да эте билмез.
- Иги – алгъыш этер, аман – къаргъыш этер.
- Джюрекге ариу – кёзге да ариу.
- Ишлерге уял да, ашаргъа табма.
- Къазанны башы ачыкъ болса, итге уят керекди.
- Келинин тута билмеген, къул этер, къызын тута билмеген, тул этер.
- Бетинги сатма, малынгы сат.
- Огъурлуну сёзю – суу, огъурсузну сёзю – уу.
- Таугъа чыгъаллыкъ эсенг, тюзде къалма.
- Хаухну атма, ёнгкючню сатма.
- Урунуу – насыбны анасы.
- Бети – къучакълар, джюреги – бычакълар.
- Аманны эки битли тону болур, бирин сеннге кийдирир, бирин кеси киер.
- Этни да ашады, бетни да ашады.
- Бойнуму джети джерден кессенг да, мен ол ишни этеллик тюлме.
- Тюкюрюк баш джармаз, налат кёз чыгъармаз!
- Хар ишни да аллы къыйынды.
- Тешик этген тынчды, аны джамагъан къыйынды.
- Кёбден умут этиб, аздан къуру къалма.
- Къыйынлы джети элге оноу этер.
- Сагъышы джокъ – джукъучу, акъылы джокъ – къаугъачы.
- Эте билген, этген этеди, эте билмеген, юретген этеди!
- Туз, гырджын аша, тюзлюк бла джаша.
- Борчунг бар эсе, хурджунунга ойлаб узал.
- Эски джаугъа ышанма.
- Рысхы – сют юсюнде кёмюк кибикди.
- Ач къарынны, токъ билмез
- Тюз сёз баргъан сууну тыяр.
- Къартны бурнун сюрт да, оноугъа тут.
- Адам сёзюнден белгили.
- Эр сокъур болсун, къатын тилсиз болсун.
- Эл ауузу – элия.
- Илму – джашауну джолу.
- Эртде тургъан джылкъычыны эркек аты тай табар.
- Тойгъа барсанг, тоюб бар, эски тонунгу къоюб бар.
- Кёлю джокъну – джолу джокъ.
- Адеб этмеген, адеб кёрмез.
- Ашхылыкъ джерде джатмайды, аманлыкъ суугъа батмайды.
- Этек чакъмакълары баш джаргъан, сёлешген сёзлери таш джаргъан.
- Ёзденликни кёбю ётюрюк.
- Джашлыкъ этмеген, башлыкъ этмез.
- Адамны джюреги нени кёрюрге сюйсе, кёзю да аны кёрюрге ёч болады.
Сделай свой выбор.
Читают тему (гостей: 1)