- Къарт бла баш аша, джаш бла аякъ аша.
- Халкъны джырын джырласанг, халкъ санга эжиу этер.
- Мухар, кеси тойса да, кёзю тоймаз.
- Халкъны юйю – туугъан джери.
- Дуния малгъа сатылма, кесингден телиге къатылма.
- Къуллукъчума, деб махтанма, къуллукъ – хаух джамчыды!
- Сабийни джумушха джибер да, ызындан бар.
- Эл тойса, тоймагъан, эл къойса, къоймагъан.
- Рысхы джалгъанды: келген да этер, кетген да этер.
- Кесинге джетмегенни, кёб сёлешме.
- Билеги кючлю, бирни джыгъар, билими кючлю, мингни джыгъар.
- Къарнынг къанлынга кийирир.
- Тенгинг джокъ эсе – изле, бар эсе – сакъла!
- Татлы тилде – сёз ариу, чемер къолда – иш ариу.
- Ханнга да келеди хариблик.
- Ойнай билмеген, уруб къачар.
- Окъугъанны бети джарыкъ.
- Акъыл неден да кючлюдю.
- Аз сёлеш, кёб ишле.
- Чыбыкълыкъда бюгюлмеген, къазыкълыкъда бюгюлмей эди.
- Къаллай салам берсенг, аллай джууаб алырса.
- Тил – кесген бычакъ, сёз – атылгъан окъ.
- Атадан ёксюз – бир ёксюз, анадан ёксюз – эки ёксюз.
- Къарт болгъан джерде, берекет болур, сабий болгъан джерде, оюн болур.
- Ёлген аслан – сау чычхан.
- Къонагъы джокъну – шоху джокъ.
- Къызны минг тилер, бир алыр.
- Джылар джаш, атасыны сакъалы бла ойнар.
- Бал чибинни ургъаны – ачы, балы – татлы.
- Айтылгъан сёз ызына къайтмаз.
- Келинни – келгинчи, бёркню кийгинчи кёр.
- Акъыллы башны – тили къысха.
- Нарт сёз къарт болмаз.
- Байлыкъдан саулукъ ашхыды.
- Чомарт къонакъ юй иесин сыйлар.
- Харам къарнашдан, халал тенг ашхы.
- Ашаса, ашамаса да, бёрюню ауузу – къан.
- Айтылгъан буйрукъ, сёгюлмез
- Кирсизни – саны таза, халалны – къаны таза.
- Джигер – джаннга къыйынлыкъ.
- Къонакъ болсанг, ийнакъ бол.
- Эрни эр этерик да, къара джер этерик да, тиширыуду.
- Билмезни кёзю кёрмез, этмезни къулагъы эшитмез.
- Айыбны суу бла джууалмазса.
- Тойгъан джерге джети къайт.
- Бермеген къол, алмайды.
- Хансыз джомакъ болмаз.
- Ана къойну – балагъа джандет.
- Душманны тышы – акъ, ичи – къара.
- Биреуге аманлыкъ этиб, кесинге игилик табмазса.
Сделай свой выбор.
Читают тему (гостей: 1)