- Тенги кёбню джау алмаз, акъылы кёбню дау алмаз.
- Термилгенинги табмазса, кюлгенинге тюберсе.
- Кёбден умут этиб, аздан къуру къалма.
- Тюкюрюк баш джармаз, налат кёз чыгъармаз!
- Тёрде – темир таякълы, къаяда – чыпчыкъ аякълы.
- Тау башында, тау болмаз, джангыз терек, бау болмаз.
- Айтылгъан сёз ызына къайтмаз.
- Къыз тиширыу кеси юйюнде да къонакъды.
- Ачыу алгъа келсе, акъыл артха къалады.
- Кенгеш болса, уруш болмаз.
- Хар зат кесини орнуна иги.
- Гыдай эчки суугъа къараб, мюйюзле кёрмесе, джашма алкъын, дегенди.
- Билимсиз иш бармаз.
- Нарт сёз – тилни бети.
- Эли джокъну – кёлю джокъ.
- Байлыкъдан саулукъ ашхыды.
- Кесинг сынамагъан затны, адамгъа буюрма.
- Сютню башын джалагъан къутулур, тюбюн ичген тутулур.
- Эр сокъур болсун, къатын тилсиз болсун.
- Къызгъанчдан ычхыныр, мухардан ычхынмаз.
- Адам сёзюнден белгили.
- Къобан да къуру да къобханлай турмайды, адам да къуру да патчахлай турмайды.
- Баргъанынга кёре болур келгенинг.
- Адеб базарда сатылмаз.
- Чомартны къолу берекет.
- Агъач халкъгъа алтынды, иссиликге салкъынды.
- Бети къызарыучу адамны, джюреги харам болмаз.
- Ариу джол аджал келтирмез.
- Къарт бла баш аша, джаш бла аякъ аша.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёзденликни джайгъан – джокълукъ.
- Тёзгеннге, джабылгъан эшик ачылыр.
- Ёлген аслан – сау чычхан.
- Чалманны аллы къалай башланса, арты да алай барады.
- Ач, тоймам, дейди, тойгъан, ач болмам, дейди.
- Аш хазыр болса, иш харам болур.
- Элге къуллукъ этмеген, элге ие болмаз.
- Иши джокъну, сыйы джокъ.
- Къызбайны юйюне дери сюрсенг, батыр болур.
- Къонакъ болсанг, ийнакъ бол.
- Телиге от эт десенг, юйюнге от салыр.
- Ойнай-ойнай кёз чыгъар.
- Ашхы адам – халкъ байлыгъы, ашхы джер – джашау байлыгъы.
- Ёлген эшек бёрюден къоркъмайды.
- Арбаз къынгырды да, ийнек сауалмайма.
- Чакъырылмагъан къонакъ къачан кетерин сормаз.
- Ачлыкъ отха секиртир.
- Байны оноуу, джарлыгъа джарамаз.
- Тынгылагъан тынгы бузар.
- Артына баргъанны, къатына барма.
Сделай свой выбор.
Читают тему (гостей: 1)