- Тойгъа алгъа да барма, тойда артха да къалма.
- Ата Джуртун танымагъан, атасын да танымаз.
- Махтаннган къыз, тойда джукълар.
- Къан бла кирген, джан бла чыгъар.
- Джыланны къуйругъундан басарынг келсе, аны башы болгъанын унутма.
- Джыйырма къойну юч джыйырма эбзе кюте эди.
- Ачны эсинде – аш.
- Къобан да къуру да къобханлай турмайды, адам да къуру да патчахлай турмайды.
- Джылар джаш, атасыны сакъалы бла ойнар.
- Юйюнг бла джау болгъандан эсе, элинг бла джау бол.
- Ашын ашагъанынгы, башын да сыйла.
- Адамны джюреги нени кёрюрге сюйсе, кёзю да аны кёрюрге ёч болады.
- Телиге акъыл салгъандан эсе, ёлгеннге джан салырса.
- Уллу суу бла уллу ауруудан башынгы сакъла.
- Сёз сёзню айтдырыр.
- Сыфатында болмагъаны, суратында болмаз.
- Ёлюр джаннга, ёкюл джокъ.
- Эр сокъур болсун, къатын тилсиз болсун.
- Намысы джокъну – дуниясы джокъ.
- Босагъа таш юйге кирмей эди, тыбыр таш эшикге чыкъмай эди.
- Ёзденликни кёбю ётюрюк.
- Тешик этген тынчды, аны джамагъан къыйынды.
- Киштикге къанат битсе, чыпчыкъ къалмаз эди.
- Намысы болмагъанны, сыйы болмаз.
- Эски джаугъа ышанма.
- Къонагъынгы артмагъын алма да, алгъышын ал.
- Уллу атлама – абынырса, уллу къабма – къарылырса.
- Ёгюзню мюйюзюнден тутадыла, адамны сёзюнден тутадыла.
- Дуния малгъа сатылма, кесингден телиге къатылма.
- Билимсиз иш бармаз.
- Джылкъыдан – ат чыгъар, тукъумдан – джаш чыгъар.
- Джукъу тёшек сайламайды.
- Нарт сёз – тилни бети.
- Телиге от эт десенг, юйюнге от салыр.
- Адеб этмеген, адеб кёрмез.
- Тамбла алтындан бюгюн багъыр ашхы.
- Джеринден айырылгъан – джети джылар, джуртундан айырылгъан – ёлгюнчю джылар.
- Биреуню къыйынлыгъы бла кесинге джол ишлеме.
- Арпа, будай – ащды, алтын, кюмюш а – ташды.
- Кёбню кёрген – кёб билир.
- Ёпкелегенни ашы татлы болады.
- Башланнган иш битер, къымылдагъан тиш тюшер.
- Ашыкъгъан cуу, тенгизге джетмез.
- Ашхы адам – халкъ байлыгъы, ашхы джер – джашау байлыгъы.
- Айыбны суу бла джууалмазса.
- Гугук кесини атын айтыб къычыргъанча, мен, мен деб нек тураса?
- Бети къызарыучу адамны, джюреги харам болмаз.
- Джаз бир кюнню джатсанг, къыш талай кюнню абынырса.
- Тойгъан джерге джети къайт.
- Хаухну атма, ёнгкючню сатма.
ПЕРСОНА L - МАРАТ МИРЗОЕВ, он же SANSEI
|
Как Я рада была увидеть Марата!!! :smt026 :smt023
Очень лаконичная беседа... Очень тронуло его уважительное и *трепетное* отношение к Мутаю Ульбашеву! Аперим, къарындашым))) |
|
|
|
|
|
Очень обидно видеть только один коммент в этой теме.
|
|
|
|
|
Читают тему (гостей: 1)