Войти на сайт
26 Июня 2026 года

 

  • Хазыр ашха – терен къашыкъ.
  • Киштикге къанат битсе, чыпчыкъ къалмаз эди.
  • Кечеси – аяз, кюню – къыш, джарлы къаргъагъа бир аш тюш!
  • Суу кетер, таш къалыр.
  • Акъыллы башны – тили къысха.
  • Чомарт къонакъ юй иесин сыйлар.
  • Ачны эсинде – аш.
  • Бичгенде ашыкъма, тикгенде ашыкъ.
  • Окъдан джара эртде-кеч болса да бителир, сёз джара, ёмюрге къалыр.
  • Тёрдеги кюлсе, эшикдеги ышарыр.
  • Айтылгъан сёз ызына къайтмаз.
  • Аурууну келиую тынч, кетиую – къыйын.
  • Мал кёб болса, джууукъ кёб болур.
  • Джыйырма къойну юч джыйырма эбзе кюте эди.
  • Ётюрюкчюню шагъаты – къатында.
  • Аджалсыз ёлюм болмаз.
  • Ашхы сёз таш тешер.
  • Кенгеш болса, уруш болмаз.
  • Къууут – джелге, берне – бошха.
  • Джарлы тюеге минсе да, ит къабар.
  • Узун джолну барсанг, бюгюн келирсе, къысха джолну барсанг, тамбла келирсе.
  • Чакъырылмагъан къонакъ – орунсуз.
  • Элни кючю – эмеген.
  • Миллетни бойну – базыкъ, аны бла кюрешген – джазыкъ.
  • Хар сёзню орну барды.
  • Къонакъ болсанг, ийнакъ бол.
  • Ауругъан – джашаудан умутчу.
  • Ётюрюкден тюбю джокъ, кёлтюрюрге джиби джокъ.
  • Ишин билген, аны сыйын чыгъарады.
  • Урама да – ёледи, сатама да – келеди.
  • Таула не мийик болсала да, аууш табылыр.
  • Джерни букъусу кёкге къонмаз.
  • Къызын тута билмеген, тул этер, джашын тута билмеген, къул этер.
  • Эл ауузу – элек, анга ийнаннган – халек.
  • Байдан умут эте, джарлыдан ёгюз багъасы къорады.
  • Чалманны аллы къалай башланса, арты да алай барады.
  • Ханы къызы буюгъа-буюгъа киштик болду.
  • Адамны сыфатына къарама, сёзюне къара.
  • Акъыл неден да кючлюдю.
  • Кесинге джетмегенни, кёб сёлешме.
  • Чомартха хар кюн да байрамды.
  • Къан бла кирген, джан бла чыгъар.
  • Тойгъан джерден туугъан джер игиди.
  • Этим кетсе да, сюегим къалыр.
  • Эки итни арасына сюек атма, эки адамны арасында сёз чыгъарма.
  • Аманнга алтын чыдамаз.
  • Ауурну тюбю бла, дженгилни башы бла джюрюген.
  • Азыкълы ат арымаз, къатыны аман джарымаз.
  • Хата – гитчеден.
  • Ашатыргъа иш – ашхы, ишлетирге аш – ашхы.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 2 3 4 5 6 ... 112 След.
Ответы
 
#76
Джаратама0
26.10.2007 22:05:02
Негеди эм къайрыды,
Хар не да джолда.
Тынчлыкъ джокъ къаты бузда,
Тынчлыкъ джокъ отда.

Тынчлыкъ джокъ хауа тилде.
Ма джер да алай.
Хахайды къабыр ичде,
Тышда да хахай.

Сапар Ёзден. Басханстан.
 
 
 
#77
Джаратама0
27.10.2007 05:04:11
ШАТ
 
 
 
#78
Джаратама0
27.10.2007 13:11:02
Ocean,Cалам!

Терезе кёкге ачыкъ мен кёрмедим юй.
Къара джер эсни алыб,
Къайда да ма кюй.

Къайда да рысхы джутлукъ,тырнакълау джерни.
Алайды адам урлукъ,
Билген бер-берни.

Къайсы да ачха къулда,билгени тоноу.
Тёлюбюз шайтан сууда,
Къартыбыз да оу.

Ой,берлагъы-арлагъы,къайда да чот кир.
Хар элде иблис джаллы
Этеди зикир.

Миллет энди къайрыды,тутармы башын.
Халкъым дерим къалмады,
Джардады халкъым.

Тырны-Ауузда джауумла башланнгандыла.Тау башла бир ариу акъдыла. Былай бери келгенинг болса къайта кет,къууанныкъма!
Сапар Ёзден.
 
 
 
#79
Джаратама0
27.10.2007 13:49:12
ШАТ
кюн ахшы болсун! "Кезлеринге къарайма да хаман да кереме..." жырны сезелерин блайда толусунлай бир жазъыгъыз деп тилеригем
 
 
 
#80
Джаратама0
27.10.2007 14:48:01
ШАТ

Сау бол!
Джашаулу бол! Кесинги сакъла, къыналма.


Келирме - сёз береме
 
 
 
#81
Джаратама0
27.10.2007 17:08:05
Мадагаскар,Саламынг узакъ болсун!
Бу джыр шош джыр болса да, Сен джарыкъ бол!

Кёзлеринге къарайма да хаман да кёреме
Сюймекликни тазасын Къарачайны тангын.
Бетинге да къарайма да хаман да кёреме
Толу айны, мийикде тауланы къарларын.
ПРИПЕВ:
Бюгюнгю бу дуния сёлеше бир билсе
Ол айтыред сенге кел деб бери менге
Айт деб манга джюрек ауазны.
Айт деб манга джюрек ауазны.

Санларынга къарайма да хаман да кёреме
Апсатыны къызыны салларылла ала
Дунияда ариу къызланы бир да кёб кёргемме
Субай да тюлле сенича тауда наратла.
ПРИПЕВ-биягъы.

Чачынга да къарайма да хаман да кёреме-
Минги Тауну къарында ойнагъан экеулен.
Сау Къарачайгъа къучакъны кереме
Бир кесекден биз боллуъбуз десенг ючеулен.
ПРИПЕВ-биягъы.

Джюрегинги уа кёрмейме,къаллайды билмейме.
Кёзлеге санлагъа,бетинге ушаймыд ол.
Башхагъа кетсенг не этерме билмейме.
Къайда тохтарыкъды бюгюн бу мен баргъан джол.
ПРИПЕВ-биягъы.

Ненг да кесинг излегенча болсун! Къууан,Ышар-Джашау иги затды!
Сапар Ёзден. Тырны-Аууз.
 
 
 
#82
Джаратама0
27.10.2007 17:40:18
Сапар Узденов - эстрадная махина. Я тоже из тех, кто рос под Его песни. Уже в 5 лет, на основе анализа песен я понимал, что Къарачай - это круто. Донимал родителей : а почему этот дядечка когда поёт вы плачете, а когда поёт мен сюеме сен сюймесе не этейим - для вас всё равно? И из-за подобных разговорчиков в строю мне достовалось...
И сегодня для меня - "Джанкъозла"... Если я услышу на концерте - эмоций не сдержать...
Ну а классика жанра, эпический текст и аккорд узнаваемый из тысяч:
...Мен сенден бир бек тилейме
Ол болурун бек излейме
Тепмесинле тауларыбыз
Елмесинле къартларыбыз
Тургъаныча турсун таш агъач...

Но к этой песне, по мере взросления и понимания основы нашей религии, есть один нюанс: Было бы просто потрясающим, если бы общими усилиями заменили слово Жангъы Жыл на Аллах. Т.е. думаю пришло время, когда мы чётко должны осозновать и понимать у Кого мы просим...
 
 
 
#83
Джаратама0
27.10.2007 20:17:31
Okean,айтханынгы ангыладым.Тюз айтаса,-напьешься ни кто не поймет,повесишься ни кто не поверит,-деб. Кёб джаша, меннге игилик излегенинг ючюн! Кесими сакъларгъа кюрешеме;

Отплыву от причала
В голубую страну.
Я начну всё сначала,
Если,только,начну.

Джунчумай кел,туз бла гырджын табыллыкъды.
Къыза кетсек гитараны да тамагъын ачарбыз.
Юйде уллугъа-гитчеге да Салам бер.Джазарса.
Сапар Ёзден.
 
 
 
#84
Джаратама0
27.10.2007 20:43:12
Багъалы Калифорния,джазгъанынг ючюн разылыгъымы билдиреме.
Алгъыш джырны, алгъын джити башланы(коммунистлени) заманында
ётдюрген бир да къыйын эди.Аллахны сагъыннган къой,ДЖанкъозла деген джырда, Сабийликден гюнахлыкъ этгенем,-деген сёзлерим ючюн да,дин сёзледиле ала деб,кёб къанымы ичген эдиле.Эсиме тюшсе бир тюрлю болама. Бир онг болгъаллай Алгъыш джырны эмда башхаланы да биринчи вариантларын джаздырлыкъма.
Къууанч бла тюбешейик! Бу сёзлени уа джюрегингде кесекни турма къой. Аллах джазыуунгу рахатлы этсин!

Хауаны сабыр-сабыр
Джууады джангур.
Тамчыла сабыр-сабыр этелле дауур.

Чапркъгъа сабыр-сабыр
Агъады джауун.
Ол да ма сабыр-сабыр тёгеди сууун.

Джашаугъа сабыр-сабыр
Агъалла джанла.
Агъылгъан,джансыз тамчы-шаулалла ала.

Джашаугъа сабыр-сабыр
Агъалла джанла.
Болгъанла къабыл-къабыл,
Саулалла ала.

Сапар Ёзден. Тырны-Аууз.
 
 
 
#85
Джаратама0
01.11.2007 22:18:15
Ёлюмден къалгъан зат бары ётюрюкдю.
Аны ангылай билирге керекди.
 
 
 
#86
Джаратама0
02.11.2007 10:52:17
ШАТ
С Вами должны созвониться и утрясти организационные моменты. Искренне, искренне надеемся завтра увидеть Вас на концерте. Это будет поистене подарком для тысыч...
 
 
 
#87
Джаратама0
03.11.2007 21:15:47
Джашау тохтаусузду, турсун былай!

Бу он бармакъ сау эсе,эй сау эсе эс,
Джашайма махтау эте,
Атласам да терс.

Адам эсим сау эсе,ол-бу да толур.
Тюше да исси терге,
Солуу да болур.

Шукур дейме энтда да,джукъ тюлдю сансыз;
Джылагъан ана къолда,
Ёлген да къымсыз.

Тырны-Аууз. Сапар Ёзден.
 
 
 
#88
Джаратама0
08.11.2007 23:03:08
Калифорния, Салам! Сакъладым, джукъ да билдирмединг.
Сапар Ёзден. Басханстан.
 
 
 
#89
Джаратама0
09.11.2007 00:17:03
ШАТ
бек бек сау болугъуз! Аллах саулукъ эсенлик берсин!
 
 
 
#90
Джаратама0
09.11.2007 01:37:02
Сапар
Дядюшка!!!! САЛАМ!! Къайдасыз тас????
Джегетейде уа керюнмейсиз!!((
Тансыкъ да этдиргенсиз)) Помню, как мучала гитару вашу, забытую у нас дома))
На мамин День рождения все вас дружно вспомнили))) у вас же в 1 день именины) Мустапны да ол кюндю))))
Исси САЛАМ с родной улицы Советской, от дома 205 ))
 
 
 
#91
Джаратама0
09.11.2007 12:49:05
Ташпинар,Салам,къалайсыз не эте турасыз? Тынч болурсуз деб ышанама. Мени да джокъду хатам. Москвагъа чакъыргъандыла да ары хазырлана турама.
Юйде барына да менден исси Салам бер!
Сапар Ёзден. Тырны-Аууз.
 
 
 
#92
Джаратама0
09.11.2007 13:05:15
ШАТ
Салам Алейкум Сапар, калайса, саулугъунг игимиди? Аськанга джазамада. джууап бермейсе. Эль Халед. Ара шахар.
 
 
 
#93
Джаратама0
10.11.2007 02:46:31
Салам-Салам, Эль Халед! Тынчма, сеннге да излегеним олду!
Рауф къарнашыбыз звонить этгенди да,барыргъа разылыгъымы айтханма. Аллах буйюрса барыргъа деб турама,кёрейик.
Бери эртден-ингир бир къарайма да,аны бла билмегенме аська бла билдиргенинги. Къууанныкъ эсенг,иги хапарым да барды. Москвадан орус тенгим звонит этгенди. Эки назмум Анталогия русской поэзии 21 векагъа киргенди. Алайды да,энди къуру алгъа деб турама.
Башха не джазайым. Тырны-Ауузну къар басханды,таула бир ариу агъаргъандыла. Джазгъанынг болса-къууанныкъма.
Эсен кёрюшейик. Сапар Ёзден
 
 
 
#94
Джаратама0
11.11.2007 13:35:08
Джолдады къызыл Кюн да,
Джолдача Алам.
Джолдады адам тюн да,
Джолдача адам.

Джолдады ачы сарын,
Джолдады ма харс.
Джолдады ахыр ахынг,
Джолдады Аллах.

Джолда болмагъан не зат барды. Джокъду.
Сапар Ёзден. Тырны-Аууз.
 
 
 
#95
Джаратама0
14.11.2007 10:50:59
Кеси аллына Кюн да тиймейди,хар бир чурумну аллында башха чурум болмай амал джокъду. Алай некди,киши да билмейди, биллик да тюлдю.
Сапар Ёзден.
 
 
 
#96
Джаратама0
28.11.2007 05:38:14
ШАТ
Къызыл-Къалагъа атаб джазгъан назмугъуз бармыды? )))

Москвагъа келгенсиз деб эшитгенме. Эльбрусоидде творческий вечер ышанда бир джыйылыу эталмазмысыз? Бек кеб адам тансыкълабдыла, хапарыгъызгъа да, джырларыгъызгъа да сюйюб тынгыларыкъ эдик... табсакъ)))))
 
 
 
#97
Джаратама0
28.11.2007 13:09:09
Сэстренка
Постановка вопроса неправильная, он приехал из далека и ты хочешь чтобы он еще здесь творческий вечер организовал? Не лучше ли предложиь ему участие в творческом вечере которое будет организовано любителями его творчества, на готовенькое любите мадам
 
 
 
#98
Джаратама0
28.11.2007 13:27:25
EL_HALED, сеирден сеир керюнесе кезюме))))))))))) МЕн къарачайча джазама деб тюгел таб келишдиралмадым эсе да, къалай келеди келюнге аллай зат?))) - мен Сапаргъа кесинг организовать эт, биз на готовенькое келирбиз деб?))))))))) Разумеется, от Сапара только согласие требуется - на выступление в рамках творческого вечера..... Я это и хотела сказать словами "творческий вечер ышанда", иначе бы сказала "творческий вечер къура" - кесинг эт, биз да хазыргъа хазырбых дерик болсакъ.

Къой, къой, къой, адам адамны ангыларгъа излемесе чыртда ангыламай кереме).
 
 
 
#99
Джаратама0
28.11.2007 13:35:49
Сэстренка
Эльбрусоидде творческий вечер ышанда бир джыйылыу эталмазмысыз?
Ты перечитай что написала сначала. У этого предложения одно значение! Таким вопросом человека в тупик ставят, а не ставят перед выбором.
Къой, къой, къой, адам адамны ангыларгъа излемесе чыртда ангыламай кереме). да анданды биттеу къайгъыларынг, тебе не кажется что ты слишком однообразна, говоришь потом говоришь неговорила, пишешь потом говоришь не писала. Возможно я усомнился бы в своих словах но когда об этом тебе говорю нет только я но и многие другие, к примеру ПЮ в твоей теме врагам на зависть.... то увы... не серчай, Тиширыула..........я все понимаю...
 
 
 
#100
Джаратама0
28.11.2007 13:54:47
Эльбрусоидде творческий вечер ышанда бир джыйылыу эталмазмысыз?
Ты перечитай что написала сначала. У этого предложения одно значение! Таким вопросом человека в тупик ставят, а не ставят перед выбором.
EL_HALED
Тебя не устраивает то, что я тебе ответила?
МЕн къарачайча джазама деб тюгел таб келишдиралмадым эсе да, къалай келеди келюнге аллай зат?))) - мен Сапаргъа кесинг организовать эт, биз на готовенькое келирбиз деб?))))))))) Разумеется, от Сапара только согласие требуется - на выступление в рамках творческого вечера..... Я это и хотела сказать словами "творческий вечер ышанда", иначе бы сказала "творческий вечер къура" - кесинг эт, биз да хазыргъа хазырбых дерик болсакъ.

говоришь потом говоришь неговорила, пишешь потом говоришь не писала. Возможно я усомнился бы в своих словах но когда об этом тебе говорю нет только я но и многие другие, к примеру ПЮ в твоей теме врагам на зависть.... то увы... не серчай, Тиширыйла..........я все понимаю...
Никогда еще ни от одного своего слова я не отказывалась. Когда неправильно понимают мной сказанное, я могу пояснять, что именно имела в виду - аны айыбы джокъду, даже решения Конституционного Сура разъясняют, когда в том есть необходимость. Попробуй понять эту разницу.

Что касается ПЮ... то же самое... там я не отказываюсь ни от одного своего слова, подтверждаю все, что сказала и настаиваю на том, что сказала... а если ПЮ меня неправильно понял, то он оговорился, что "ему не до тонкостей", я думаю, мы разберемся....... только ты попробуй без ссылки на авторитеты сам за свои слова ответить - если даже в другом месте я окажусь не права, то к тебе это не будет иметь отношения - бир кюн тюз болурма, бир кюн терс болурма, терс болсам я всегда извинюсь, не у пример некоторым... эркишиле))))))))).
 
 
 
Страницы: Пред. 1 2 3 4 5 6 ... 112 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.