Войти на сайт
4 Сентября 2026 года

 

  • Ашхы атаны – джашы ашхы, ашхы ананы – къызы ашхы.
  • Шекер бла туз – бир болмаз, ушамагъан – юй болмаз.
  • Арпа, будай – ащды, алтын, кюмюш а – ташды.
  • Чомарт къолда мал къалмаз.
  • Ат да турмайды бир териде.
  • Ауузу аманнга «иги», деме.
  • Телиге от эт десенг, юйюнге от салыр.
  • Къарт бла баш аша, джаш бла аякъ аша.
  • Игини сыйлагъан адетди.
  • Кюл тюбюндеги от кёрюнмейди.
  • Аджашханны ызындагъы кёреди, джангылгъанны джанындагъы биледи.
  • Махтаннган къыз, тойда джукълар.
  • Тешик этген тынчды, аны джамагъан къыйынды.
  • Аз сёлешген, къайгъысыз турур.
  • Кёб джат да, бек чаб.
  • Илму – джашауну джолу.
  • Насыблы элин сюер, насыбсыз кесин сюер.
  • Къазанны башы ачыкъ болса, итге уят керекди.
  • Къумурсхала джыйылсала, пилни да джыгъадыла.
  • Билмейме деген – бир сёз
  • Келлик заман – къартлыкъ келтирир, кетген заман – джашлыкъ ёлтюрюр.
  • Зарда марда джокъ.
  • Эл бла кёргенинг эрелей.
  • Кимни – тили, тиши онглу, кимни – къолу, иши онглу.
  • Къарнынг тойгъунчу аша да, белинг талгъынчы ишле.
  • Артына баргъанны, къатына барма.
  • Игиге айтсанг – билир, аманнга айтсанг – кюлюр.
  • Ишленмеген джаш – джюгенсиз ат, ишленмеген къыз – тузсуз хант.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Мал кёб болса, джууукъ кёб болур.
  • Тилсиз миллет джокъ болур.
  • Ёлген ийнек сютлю болур.
  • Азыкъ аз болса, эртде орун сал.
  • Намысы джокъну – дуниясы джокъ.
  • Байлыкъ келсе, акъыл кетер.
  • Сёз сёзню айтдырыр.
  • Тюзлюк шохлукъну бегитир.
  • Айырылгъанланы айю ашар, бёлюннгенлени бёрю ашар.
  • Тура эдим джата, къайдан чыкъды хата?
  • Къонакъ болсанг, ийнакъ бол.
  • Аууз сакълагъан – джан сакълар.
  • Магъанасыз сёз – тауушсуз сыбызгъы.
  • Келинни – келгинчи, бёркню кийгинчи кёр.
  • Къарнынг бла ёч алма.
  • Дуния малгъа сатылма, кесингден телиге къатылма.
  • Суугъа – таянма, джаугъа – ийнанма.
  • Къозулугъунда тоймагъан, къойлугъунда тоймаз.
  • Душманны тышы – акъ, ичи – къара.
  • Кёб къычыргъандан – къоркъма, тынч олтургъандан – къоркъ.
  • Къартны сыйын кёрмеген, къартлыгъында сыйлы болмаз.

 

Архив Форума » Бёлюмле :: Тематические разделы » Санат бла маданият :: Искусство и культура
   RSS
Для любителей творчества Сапара Узденова....
 
#1
Джаратама0
20.05.2007 18:47:47
http://www.youtube.com/watch?v=peJl2PXCDWA
 
 
Страницы: Пред. 1 ... 29 30 31 32 33 ... 112 След.
Ответы
 
#751
Джаратама0
22.05.2011 20:33:40
Сизге да джырларма.
ШАТ
"Сизге" деб Москвадагъылагъамы айтдынг, меннге энчими айтдынг? Меннге "сиз"деб джаза эсенг, Сапар, минг кечмеклик сеннге "сен" деб джазгъаныма, уважением аз болуб джазмагъанма чыртда, джылымы санына базыб джазгъанма. Шаныб а сакъларыкъбыз барыбыз да ол кюнню)).
 
 
 
#752
Джаратама0
23.05.2011 01:09:05
Сэстренка, САЛАМ !



Джашау сейир затды, кесинг да билмей тургъанлай кёб затха тюбетдиреди...
Москвадагъылагъа да джырларма,деб айтханлыгъым болду- " Сизге"- деб. Огъай- десенг, энчи огъунакъгъа джырларма.
Аллах къуанчда тюбешдирсин !
Эсен бол !
Заманынг болса,эринме,джаза тур, КЪууанныкъма.
 
 
 
#753
Джаратама0
23.05.2011 13:28:16
Анама - шедевр
 
 
 
#754
Джаратама0
24.05.2011 13:41:56
гоккачыкъ




459 ? 294

Джайыкъ ёзенде бир ташлы шахар.
Хар таш юйде да бир ташлы къадар.

Кёксюл кёкде уа - кёксюл дунияла.
Анда тургъанла - ийман туталла.

Джулдуз джарыкъ бла абдез алалла.
Бу намаз хакъны бир таб къылалла.

Джайыкъ ёзенде бир ташлы шахар.
Мунда джашайды назмучу Сапар.

Къылса да намаз, этсе да сууаб,
Бир кёб соруугъа, табмайды джууаб.

16.09.05.

Турна Аууш.
 
 
 
#755
Джаратама0
24.05.2011 15:53:55
ШАТ
Салам, Сапар!)
Эриниб джазмай а къоймайма, къалай да болсун, аллында сен джазгъанынгча болуб, бираз джунчуб къалама джазаргъа)). Аллында джазгъанынг, деб: "Джашау сейир затды, кесинг да билмей тургъанлай кёб затха тюбетдиреди..." - дегенинге айтама. Кесинги мени орнума сал да бир къарачы)): магнитофонда сени джырларынг бла кассетаны ары бура да сала, бошалса ызына бура да сала , танг атыргъаным кеб болгъанды)). Кесим бла болмай, биргемде тургъан къызчыкъны (окъууда, тышында заманны хапарын айтама) да уятыб къоюучан эдим, бир аман бек "чыркъ" деб басыла эди да ол магнитофон кибик)). Энди уа: "Сапар, салам!"- деб, магнитофондан чыкъгъанча аллымда "керюб" къойсам нечик болама?))). Таурухдача болама))).

Сапар, сен ксинг а тынгылаучанмы эдинг кимни болса да джырларына алай? Джырлаб, джырла джазыб неден башлагъанса?
 
 
 
#756
Джаратама0
24.05.2011 15:58:16
думала чего же тут не хватает и поняла)))))
Автор нас не балует своими фото)))))
 
 
 
#757
Джаратама0
25.05.2011 12:14:35
Салам !
мики

Иги эгечимча,сау бол,разыма Сеннге, Аллахны разылыгъын табхын.
Сен болмасанг мени джокълагъан да болмады.....
Ишингден джашауунгдан да КЪУУАН !
Ол биргенге ишлеген къызлагъа менден ИССИ САЛАМ бер.
Таулагъа джаз келгенди, тенглеринги да алыб къонакъгъа келиринги сакълайма.
Махти бла Хамзатны тел. алыргъа унутуб кетгенме,таблыгъы бла аны билдирсенг огъайым джокъду.
- къызлагъа.
Эсен кёрюшейик !

Сапар Ёзден. Басханстан.
Турна Аууш.
 
 
 
#758
Джаратама0
25.05.2011 12:54:42
ШАТ
Этерме))))
 
 
 
#759
Джаратама0
25.05.2011 22:38:19
Сэстренка



Салам !

Мени джырларымы джаратханынг ючюн, разылыгъымы билдиреме- Сау бол !
Неден, къалай джазыб башлагъанымы, айтама десем, узун хапар болуб кетерикди. Ол замандан хапар айтыргъа ичим тутмайды,джюрегими къыйнагъан джерлери да кёбдю кетген заманны.
Бюгюнлюкню сагъынсам, ол табыракъ болур бусагъатда.
Игиме,Басханстаннга джаз келгенди. Бюгюн а керти тамаша кюн болду. Ачыла да- джауа,джауа да - ачыла. Джангур ариу эди:
Марал джангур эди- кюн таякълада тамчыла джылтыраб, джилтинлеча, бир ариу эдиле..
Кесинг да иги болурса.
Уялмай- тартынмай къонакъгъа кел,туздамны къызгъанмам.
Къайда айлансанг да- къууанч бла айлан.
Эсен тюбешейик !

Басханстан. Турна Аууш.
Сапар Ёз.
 
 
 
#760
Джаратама0
25.05.2011 23:35:08
ШАТ
Салам!

Мурадиннге джибердим. Кесинг ангылатырса ишни болушлусун.
Алгъыш биргеди.
 
 
 
#761
Джаратама0
25.05.2011 23:41:26
Sabr

Саламынг узакъ болсун !
Сау бол !

Дженгилде Мурадиннге сёлеширге кюреширме.
 
 
 
#762
Джаратама0
26.05.2011 01:12:09
Ас Салам, ШАТ!

Бютюн кюнлеринг былай болсун. Бюгюн а керти тамаша кюн болду. Ачыла да- джауа,джауа да - ачыла. Джангур ариу эди:
Марал джангур эди- кюн таякълада тамчыла джылтыраб, джилтинлеча, бир ариу эдиле.. :ТХУМБСУП: :РОСЕ:

Налчик'те 19 Май'да Елбрусоид'ни кюнюнде сурприз етип Карачай-Малкар'ны кууандырганса. Аллах разы болсун. Налчик'теки 19 Май Барс Ел'ни хисториясында дараджасы уллу кюнледен бири болур деп умут етеме. Къарачай-Малкар'ны насыбыны игигье айлана башланнганы кюн болур деп умут етеме, алай болурун мурат етеме. Байрам кюнню организасёнунда кыйынлары болганла, Налчиклиле, Малкарлыла, Къарачайлыла сауболсунла.
 
 
 
#763
Джаратама0
26.05.2011 02:28:36
Саламынг узакъ болсун, Тинибек !

Къалайса, эсен болурса,Аллах айтса.

Мени да джокъду хатам.
Джылыракъ болгъанды Басханстанда. Тау тюблери чапракълана башлагъандыла.
Алай ары бардым. Бир ариулукъ бар эди,адам тил айталмазча.
Ёре джанынгда чыранла,аланы да тиллеринден кирсиз шоркъала агъа.
Керти сейирлик кюн эди бюгюн,дуния уйюб къалгъанча.
Къая ышыкъгъа къысылыб,джауумдан бугъуб дунияны сагъышын эте бердим. Марал джауум да,бир тохтай да,бир джангыра...
Юнюс Эмре да эсимде эди.

Киши сюрмеди,
Шайтан иймеди,
Кесим сайлаб, кесим келдим, мен бери.
Башсыз къулнуча,
Юйсюз къумнуча,
Солуу бермей, нек сюрдю джазыу мени.

Джерле ётерге,
Дуния кёрюрге,
Ол джорукъгъа эсни бёлед хар инсан.
Неди терслигим,
Некме да мискин,
Халкъ кёрмезни кёре эсем ачыкъдан.

Нальчикде джыйылыудан,джарашдырыб,кескин джазарма.

Эсен бол, къарнаш !

Басханстан. Турна Аууш.
Сапар Ёзден.
 
 
 
#764
Джаратама0
26.05.2011 02:53:52
ШАТ
 
 
 
#765
Джаратама0
26.05.2011 13:51:03
Сау бол !!!



Китабны къалгъанын да джазарыкъма.
 
 
 
#766
Джаратама0
26.05.2011 14:15:45
 
 
 
#767
Джаратама0
26.05.2011 14:16:52
Бу темагъа бир бек келишеди бу грамота)))

ШАТ
Сапар, алгъышлайбыз, Аллах саулукъ берсин, этген муратларынгы толтурсун
 
 
 
#768
Джаратама0
26.05.2011 17:24:20
Dalila



ШАТ
 
 
 
#769
Джаратама0
26.05.2011 21:35:57

elBRUSOİD
ЧИСТЫЕ ПОМЫСЛЫ ДОБРЫЕ ДЕЛА

грамота

награждается участник форума
интернет-сайта Ельбрусоид

ШАТ

за особый вклад в развитие форума:
поддержкй и развитие тем
о культуре, литературе, языке
карачаево-балкарского народа

Совет форума 2011
Председатель

Dalila
 
 
 
#770
Джаратама0
27.05.2011 01:31:36
Dalila


Салам !
Творчеством ючюн берилген биринчи саугъамды бу грамота.
Кёлюм бла къууандым,Сау Болугъуз.



С Л У Ж У О Т Е Ч Е С Т В У !!!!!!!!!!!!!!!!!!!!!!!!!!!!!!!!!!!!!!!!!

Сапар Ёз.
 
 
 
#771
Джаратама0
27.05.2011 03:36:01
Tinibek

Сау бол !
 
 
 
#772
Джаратама0
27.05.2011 03:38:25


Ocean

Аллаху Акбар!!!!!!!!!!!!!!!!!!!!!
 
 
 
#773
Джаратама0
27.05.2011 16:54:39
Салам, Айнар !

Сени бир танышынг, былай айт деди Айнаргъа;

Кёрюндю джазгъы булут.
Танг кирди юйге...
Бир- бирин къаты къуууб,
Баралла кюнле.

Тамбла да, былай озар,
Ауар тауладан.
Къауум ырысхы къошар,
Къауум атар джан.

Тохтамасын не зат да.
Алайды къадар.
Джашаргъа уа бир халда
Джукъда джокъ мадар.

Бир- бирин къаты къуууб,
Баралла кюнле.
Кёрюннген джазгъы булут,
Ой, тюлд ёмюрге.

Дагъы да айтды;

Тёзген тёшню ашайды,бюгюн тындырлыкъма джумушну.
Эсен кёрюшейик.

Мен да Эсенлик излейме !

Сапар Ёз.
 
 
 
#774
Джаратама0
28.05.2011 01:14:25
Барсын былай:

91

Къауумла, махтаб, ёрге быргъайла
Кёлюмю этедиле мийик
Кёзлерим джулдуз болуб джаналла
Джашаугъа уллуду сюймеклик.

Джашауну несин да мен махтайма.
Джюрекде ойнайдыла къылла.
Мен тенгни, джауну да алгъышлайма.
Джангыла, тууадыла, джырла.

Къауумла манга чалдыу салалла.
Кёлюмю этедиле мыдах.
Ол кюнде джарыкъ тангла къаралла,
Къаралыб башлайды хар бир акъ.

Джашауну, несин да, аманлайма.
Кёз кёрген хар не да бир чюйре.
Миллетден таша джары джаллайма,
Джазаргъа мыдах тюннге кюуле.

15.02.98. Къарчастан.Орта Къарачай
Джёгетей.
 
 
 
#775
Джаратама0
28.05.2011 01:22:14
ШАТ

С Л У Ж У О Т Е Ч Е С Т В У !!!!!!!!!!!!!!!!!!!!!!!!!!!!!!!!!!!!!!!!!
бир жангы модагъа юйретейим... бизни форумда "Флужу Эльбрусоиду!" дейдиле
 
 
 
Страницы: Пред. 1 ... 29 30 31 32 33 ... 112 След.
Читают тему (гостей: 3)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2026 Elbrusoid.org  |  Все права защищены Законами Гор.