ДЖЫРЛА БЛА НАЗМУЛАНЫ АТЛАРЫ:

01 Келе турад, къарчыкъ себе, джангы джыл таулагъа
02 Джан кёзле бла, Минги таугъа, къарайма да
03 Бездирди хариблик, мыйыны джангыдан билейикчи
04 Кюндюзде, ышарсанг, ышараса кюнню баласыча
05 Ибилис аркъанын Тюзлюкню бойнуна быргъагъанды
06 Къатышханы джанны саннга
07 Сен кимсе деб, соруб турма керексизге
08 Ойлашыб, къарасакъ, дуния, таурухлай, аламатды
09 Джауады сагъыш ёргеден
10 Турама, сыртда, джазгъыда
11 Эртделеде, менде къарам, хар неге да, кирсиз эди.
12 Терсге бурсанг халал ишни хар игисин
13 Къолумда къобузум, хурджунда уа джюгюм ма хауады.
14 Къачыгъыз, эшекле.............
15 Уятдынг джанымы, дунияма да джангы кёз бергенсе
16 Мадарсызма, кёресе чотну
17 Мийикде хар джулдуз бир-бирге джарыкъны себелейди
18 Барайым, элге бир барайымчы
19 Берсин Тейри билим санга
20 Тангынг, сени, эй, джаш болсун, къарт эгечим
21 Джашымы, кёзлери, ой, кёкделле
22 Сен манга, сюйгенимча, тюкюр да
23 Ондан сора онбирди
24 Тауладан туугъан эсек таулубуз
25 Алгъынлайса, энтда, багъалымса
26 Мен джерге келсем да джашаргъа деб
27 Сылпагъарланы Энверге этилген кюу
28 Душмандан тенгден да эрикгенме
29 Джаз мени сюйе билсе джазлай
30 Сюйеме деб, айтмайды тил
31 Къарама алай, къарамынгда ингир бетли бир тангла.
32 Джанымда, алгъын кибик, джанадыла джулдузла
33 Чексизди къадар Тейримде
34 Бу кёкню тюбюнде джырлагъан къутургъан да толуду
35 Чурум болмай а, джукъ да туумайды
36 Кесекден, былай да, ма, боллукъду
37 Эй, мени джарлы таулу аякъларым
38 Айланса да джаным мени джулдуз кюте
39 Айланады калак булут, кёкде, джангыз
40 Бош ойнайса, Бир - бирледе ойнай келиб кёз чыгъады
41 Намарт Ёмюр бир кесекден тюзелир да
42 Шо, Аллах, бери бир къара
43 Тюш арада ауанала
44 Кёзюмден джашайса джашыртын
45 Былай ары джут кёзле бла бош къарама
46 Мен тюшде эштеме алгъынлай
47 Муратыма мен джакъсам а шибижиден
48 Мен, кимме деб, сорама да эртденнгиге
49 Букъугъа батханса сен терен
50 Джашасын Къарачай
51 Ма, энтда, атханды бир танг
52 Мынга бир кесек сагъышлан
53 Ачыуланмай къалай этигин сен бу ишге
54 Ингирледе мен келсем да аунай-аунай
55 Ёмюр джолунг узакъ болсун, ой эгечим. Ёзден Асиятха.
56 Танг бла тенг арбаз ичге киргенме
57 Тюшлеримде айлансам да джырла кюте
58 Ёмюрлюкню излемеген къайсы барды. Атама - Муссагъа.
59 Мен турама кёкге къарай арбазымда
60 Болма тели, ингир кёз бла бош къарайса
61 Джата - къоба буду хаман тилек менде
62 Бушуу, бизге, келеме деб, сормагъанды
63 Туугъаным а, алай анда, къумлу къачда
64 Сакълаб турдум эшиклени кенге ачыб
65 Майна, анда, энтда чыкъды ариу Чолпан
66 Джарлыса деб, джюрегими бош эзесе
67 Къачхы кёкню хар неси да кеси бетли
68 Дуния ичде кёб айландым кёб джерледе
69 Шау да этди, оу да этди мысты джазыу
70 Энтда, ма, кетди кече кери
71 Тёгерекни алгъандыла шайтан джелле..
72 Аллах, мени, бу тюрлюле бош къыйнайла
73 Сууусам мени джыргъа чырмагъыз
74 Тёгерек а, кёзюнг алмаз къара къыжгъыл
75 Бир ариуду, ма, бюгюн да, тюненелей
76 Энтда бир джыл къонакъ болду ма юйюме
77 Джашым Басханда. Кесим, мен мында
78 Письмо джазсанг, келеменинг къурумайды
79 Адра тенгим, бу къатышхан, бу, не затды
80 Олтурама, джырларыма, мен, джыр эте
81 Джашау, бизге, онг бермейди не эседа
82 Къаншаубийни джыры
83 Джуртуму сюйдюм таулу таунуча
84 Джашауума, сени ючюн, салам бере
85 Манга, бир къара да, бери
86 Хаман да, былай болуб, турмаз
87 Сен меннге татлыса джашауумча
88 Сен джазгъаса, мен а, ой къачхама
89 Бу джерге, бек болма къайгъылы
90 Келсенг бери, сен кёрюрсе...
91 Къауумла, махтаб, ёрге быргъайла
92 Хомух болдум, не эсе да, арт джыллада
93 Ашыгъама, чагъарына, джалан терек
94 Мен, сени, сюйеме тауланыча
95 Ма, къара, тюмен да джокъ менде
96 Ма энтда турады. Ма энтда чууакъды
97 Мени сеннге, аман этген, ачха джокълукъ
98 Тамбла эди, туугъан кюню, бир тенгими
99 Мен сыртдама кесимблама, джокъду хатам
100 Джокълаучанды анда ? мында мени бир тюш
101 Сюйеме деб, айтмайды тил
102 Энтда къач. Ма, энтда, джауумла
103 Акъсыл тюшню саугъа этиб

БЕШИНЧИ китаблыкъны ЭЛЬБРУСОИДГЕ тюшюрдюм.

АЛЛАХГЪА ШУКУР !!!

Ючюнчю Китаб



Во имя Аллаха, милостивого и
милосердного!

Призываю в свидетели
чернила, и перо, и
написанное пером;

Призываю в свидетели
серые сумерки, и
ночь, и все то, что она
оживляет;

Призываю в свидетели месяц,
когда он нарождается, и зарю,
когда она начинает алеть;

Призываю в свидетели день
Страшного Суда и укоряющую себя душу;

Призываю в свидетели
время, начало и конец всего-
ибо воистину человек всегда
оказывается в убытке.

Из Корана

* * *
02

Биреу биреуге артмакъ
Биреу биреуге тартмакъ
Анданды джашау батмакъ

Биреу биреуге тутмакъ
Биреу биреуге къулакъ
Анданды джашау оюнчакъ

Биреу биреуге узакъ
Биреу биреуге тузакъ
Анданды джашау учузуракъ

Биреу биреуге джууаш
Биреу биреуге ма таш
Анданды джашау малбаш

Сора къайсыд табыракъ
Къабыр ичге ташайсакъ
Анда кирпик ачалсакъ.

24.10.01.

17 Суура Исра - Кече джолоучулукъ.
1.Махтаула бары, кече бла кесини къулун (Мухаммадны), Биз анга сейир затларыбыздан кёгюзтюр ючюн, Харам Масджидден, тёгерегин Биз берекетли этген Акъса масджидге джюрютгеннгеди. Ишексиз, Ол нени да эшитиучюдю, нени да кёрюучюдю.

Бу кече Пайгамбарыбызны (с.а.в.) джети кат кёкке андан да ёрге чыкгъан кечеси. Херкесге хайырлы берекетли болур иншаАллах.

БЕШИНЧИ китаблыкъны ЭЛЬБРУСОИДГЕ тюшюрдюм. Хайырлы болсун, ШАТ Сау бол

Tinibek

Салам !

Керти тамаша КЕЧЕ болду. Бу къыбла деген, Кёк джашнагъандан толу эди.
Кёб тилекле этдим тюздегине - юйдегине да.

Эсен бол, къарнаш !

* * *
Эгечлериме
Акълима бла Алимагъа

04

Къолларым джерни сылай.
Кёзлерим кёкде.
Болады, бирде, былай-
Таянсанг тёшге

Арыдым, эсни джаза,
Шыбырдай макъам.
Джашауну ичин къаза,
Къайтара Алхам

Насыб деген не затды,
Къайдады эли,
Сыфаты, о не халды,
Къалайды бети ?

Энди, ол, керекмиди,
Джетсенг ахыргъа.
Чакъырыу нени берди-
Болду джан хырха.

30.10.01.

Аллынады не зат да, барсынла.

* * *
05

Тюшгенинде Сыйлы Кёкден джерге ангы,
Эс кирди да, дуния чакъды аламат.
Сыйлы Башчы шукурлады къуралгъанны,
Кери эди умутундан ахырат.

Кесекден а башланды да халмеш-хыйны,
Онглулукъгъа башны атды къуралгъан.
Берилгенни, теблелле да, была сыйны,
Тёгюлдюле халал джерге тер бла къан.

Ол боллукъ да, болду сора, мычымайын.
Тууду андан, ёлюу деген, бир адет.
Хар тёлю да болалмады къырылмайын,
Хар дертчиге буйюрулду бирер дерт.

Аллыбызда сакълай болур энди бизни,
Алам ични отларыны, бир оту.
Болуш - дерге, ачалмайын элибизни,
Джокълукъ кюнню алай болур ма чоту.

31.10.01.

ШАТ, пришла признаться в любви
для меня вы были открытием, которому я благодарна Эльбрусоиду-Нальчик

* * *
06

Келе турад, хауа болуб,
Узакъ джерден бир хапар.
Джетгенлей а къууанч къонуб,
Зауукъ сынар ма Сапар

Ол а, меннге баш кётюртюр,
Башха этиб джашауну.
Джюрегими этер дюлдюр,
Къыргъан кибик мен джауну

Келген затха, шукур эте,
Тюзлюгюмдю дерме мен.
Бошалыр да мугур кече,
Джандан кетер бу кюрен.

31.10.01.

ШАТ
Салам Алейк! ум Сапар! Къыйын тюл эсе,Мона Лиза джырынгы кимге атагъанса,Мариямны билеме,аны уа огъай!Мадар бар эсе

Салам !
Турна Ауушха джыйылдым.

ШАТ