- Хоншуну тауугъу къаз кёрюнюр, келини къыз кёрюнюр.
- Къыз келсе, джумуш эте келеди, къатын келсе, ушакъ эте келеди.
- Биреуге аманлыкъны тилеме да, кесинге ашхылыкъны тиле.
- Аманны тукъумуна къарама, игини тукъумун сорма.
- Арпа, будай – ащды, алтын, кюмюш а – ташды.
- Гитче джилтин уллу элни джандырыр.
- Къозулугъунда тоймагъан, къойлугъунда тоймаз.
- Тели турса – той бузар.
- Хунаны тюбюн къазсанг, юсюнге ауар.
- Къарт айтханны этмеген, къартаймаз.
- Къолу уллу – асыу, аягъы уллу – джарсыу.
- Ичимден чыкъды хата, къайры барайым сата?
- Таула не мийик болсала да, аууш табылыр.
- Ач къарынны, токъ билмез
- Къызбайны юйюне дери сюрсенг, батыр болур.
- Азыгъы аз, алгъа къабар, аты аман, алгъа чабар.
- Ашлыкъны арба юйге келтирир, чана базаргъа элтир.
- Арбаз сайлама да, хоншу сайла.
- Айтханы чапыракъдан ётмеген.
- Кийимни бир кюнню аясанг, минг кюннге джарар.
- Ханы къызы буюгъа-буюгъа киштик болду.
- Тура эдим джата, къайдан чыкъды хата?
- Кёкдеги болмаса, джердегин кёрмейди.
- Ач отунчуну ачыуу – бурнунда.
- Ашхы – джыяр, аман – джояр.
- Сёз – кюмюш, джыр – алтын.
- Джангыз терек къынгыр ёсер.
- Чоюнну башы ачыкъ болса, итге уят керекди.
- Кеси юйюмде мен да ханма.
- Джахил болса анасы, не билликди баласы?
- Чабакъ башындан чирийди.
- Эки ойлашыб, бир сёлешген.
- Бёрю да ач къалмасын, эчки да ашалмасын.
- Къолунгдан къуймакъ ашатсанг да, атаны борчундан къутулмазса.
- Баланы адам этген анады.
- Къарнынг тойгъунчу аша да, белинг талгъынчы ишле.
- Эм ашхы къайын ана мамукъ бла башынгы тешер.
- Билмегенинги, билгеннге сор.
- Ата джурт – алтын бешик.
- Аууздан келген, къолдан келсе, ким да патчах болур эди.
- Билими азны – ауузунда кирит.
- Ишлемеген – тишлемез.
- Ариу сёз аурууунгу алыр.
- Эркишини аманы тиширыуну джылатыр.
- Эл тойса, тоймагъан, эл къойса, къоймагъан.
- Аш берме да, къаш бер.
- Эркишиге тары кебек танг кёрюнюр.
- Уллу къашыкъ эрин джыртар.
- Чалманны аллы къалай башланса, арты да алай барады.
- Ётюрюкчюню шагъаты – къатында.
Профиль
|
|
|
|||