- Аш хазыр болса, иш харам болур.
- Таукел тауну аудурур.
- Байлыкъ келсе, акъыл кетер.
- Ётюрюк хапар аякъ тюбю бла джюрюйдю.
- Эм ашхы къайын ана мамукъ бла башынгы тешер.
- Таула не мийик болсала да, аууш табылыр.
- Сакъламагъан затынга джолукъсанг, не бек къууанаса, не бек ачыйса.
- Иги джашны ышаны – аз сёлешиб, кёб тынгылар.
- Эки элинги тыйсанг, джети элде махталырса.
- Кесинг сынамагъан затны, адамгъа буюрма.
- Эки итни арасына сюек атма, эки адамны арасында сёз чыгъарма.
- Эки ойлашыб, бир сёлешген.
- Ёзденликни кёбю ётюрюк.
- Къатыны харакетли болса, эри къымсыз болур.
- Къыз тиширыу кеси юйюнде да къонакъды.
- Къазанчы аман болса, къазаны къайнамаз.
- Айырылмаз джууугъунга, унутмаз сёзню айтма.
- Акъдан къара болмаз.
- Джол бла сёзню къыйыры джокъ.
- Тай асырагъан, атха минер.
- Айырылгъанланы айю ашар, бёлюннгенлени бёрю ашар.
- Ауругъаннга – кийик саулукъ, джетген къызгъа – чилле джаулукъ.
- Иги болса, тамадама – махтау, аман болса, меннге – айыб.
- Иесиз малны бёрю ашар.
- Къолу уллу – асыу, аягъы уллу – джарсыу.
- Эли джокъну – кёлю джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Кимни – тили, тиши онглу, кимни – къолу, иши онглу.
- Баш болса, бёрк табылыр.
- Юйюнгден чыкъдынг – кюнюнгден чыкъдынг.
- Эл элде бирер малынг болгъандан эсе, бирер тенгинг болсун.
- Джаз бир кюнню джатсанг, къыш талай кюнню абынырса.
- Насыблы элин сюер, насыбсыз кесин сюер.
- Ишленмеген джаш – джюгенсиз ат, ишленмеген къыз – тузсуз хант.
- Бойнуму джети джерден кессенг да, мен ол ишни этеллик тюлме.
- Ёлген ийнек сютлю болур.
- Къарыусузгъа кюлме, онгсузгъа тийме.
- Зарда марда джокъ.
- Хатерли къул болур.
- Бек ашыкъгъан меннге джетсин, дегенди аракъы.
- Акъыл аздырмаз, билим тоздурмаз.
- Адам къаллай бир ишленмесе, аллай бир кесин уллу кёреди.
- Тамырсыз терекге таянма – джыгъылырса.
- Таукел къуру къалмаз.
- Танг атмайма десе да, кюн къоярыкъ тюйюлдю.
- Кютгени беш эчки, сызгъыргъаны уа, джерни джарады.
- Тура эдим джата, къайдан чыкъды хата?
- Намыс болмагъан джерде, насыб болмаз.
- Баланы адам этген анады.
- Бозанг болмагъан джерге, къалагъынгы сукъма.
Профиль
|
|
|
|||