Къая джолда джортма, ачыкъ сёзден къоркъма.
Тил – миллетни джаны.
Таукелге нюр джауар.
Таугъа чыгъаллыкъ эсенг, тюзде къалма.
Эл элде бирер малынг болгъандан эсе, бирер тенгинг болсун.
Уллу къашыкъ эрин джыртар.
Ачылгъан эт джабылыр, кёрген кёз унутмаз.
Джюз элде джюз ёгюзюм болгъандан эсе, джюз джууугъум болсун.
От этилмеген джерден тютюн чыкъмайды.
Биреу ашаб къутулур, биреу джалаб тутулур.
Адам туугъан джеринде, ит тойгъан джеринде.
Джашынгы кесинг юретмесенг, джашау юретир.
Джаш болсун, къыз болсун, акъылы, саны тюз болсун.
Къарнынг ауруса, ауузунгу тый
Кюлме джашха – келир башха.
Джетген къыз джерли эшекни танымаз.
Билмезни кёзю кёрмез, этмезни къулагъы эшитмез.
Экеу тутушса, биреу джыгъылыр.
Ишлерге уял да, ашаргъа табма.
Баргъанынга кёре болур келгенинг.
Джылкъыдан – ат чыгъар, тукъумдан – джаш чыгъар.
Этек чакъмакълары баш джаргъан, сёлешген сёзлери таш джаргъан.
Къолу уллу – асыу, аягъы уллу – джарсыу.
Къарнынг бла ёч алма.
Накъырданы арты керти болур.
Кийиминг бла танылма, адамлыкъ бла таныл.
Мухар, кеси тойса да, кёзю тоймаз.
Нарт сёз – тилни бети.
Байлыкъ тауусулур, билим тауусулмаз.
Элни кючю – эмеген.
Биреуню къыйынлыгъы бла кесинге джол ишлеме.
Онгсузну – джакъла, тенгликни – сакъла.
Джыланны къуйругъундан басарынг келсе, аны башы болгъанын унутма.
Тёзгеннге, джабылгъан эшик ачылыр.
Окъдан джара эртде-кеч болса да бителир, сёз джара, ёмюрге къалыр.
Уясында не кёрсе, учханында аны этер.
Ёлюк кебинсиз къалмаз.
Башы джабылгъан челекге, кир тюшмез.
Бёрю да ач къалмасын, эчки да ашалмасын.
Джуртун къоругъан озар.
Сабий кёргенин унутмаз.
Къызны минг тилер, бир алыр.
Айранын берсенг, челегин да къызгъанма.
Кёкдеги болмаса, джердегин кёрмейди.
Душманны тышы – акъ, ичи – къара.
Биреуню тёрюнден, кесинги эшик артынг игиди.
Бюгюн дуния кибик, тамбла ахыратды.
Ашхы болсанг, атынг чыгъар, аман болсанг, джанынг чыгъар.
Ёлген ийнек сютлю болур.
Халкъны юйю – туугъан джери.
