- Эм уллу байлыкъ – джан саулукъ.
- Абынмазлыкъ аякъ джокъ, джангылмазлыкъ джаякъ джокъ.
- Иги джашны ышаны – аз сёлешиб, кёб тынгылар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Огъурлуну сёзю – суу, огъурсузну сёзю – уу.
- Къаллай салам берсенг, аллай джууаб алырса.
- Халкъны юйю – туугъан джери.
- Джыланны къуйругъундан басарынг келсе, аны башы болгъанын унутма.
- Орну джокъну – сыйы джокъ.
- Игиге айтсанг – билир, аманнга айтсанг – кюлюр.
- Сакъ юйюне сау барыр.
- Окъугъан озар, окъумагъан тозар.
- Тай асырагъан, атха минер.
- Эки итни арасына сюек атма, эки адамны арасында сёз чыгъарма.
- Джерни букъусу кёкге къонмаз.
- Кёлю джокъну – джолу джокъ.
- Алтыннга тот къонмаз.
- «Ма», - дегенни билмесенг, «бер», - дегенни билмезсе.
- Чёбню кёлтюрсенг, тюбюнден сёз чыгъар.
- Хатерли къул болур.
- Джаз бир кюнню джатсанг, къыш талай кюнню абынырса.
- Биреуге аманлыкъны тилеме да, кесинге ашхылыкъны тиле.
- Узун джолну барсанг, бюгюн келирсе, къысха джолну барсанг, тамбла келирсе.
- Къатыны харакетли болса, эри къымсыз болур.
- Джахил болса анасы, не билликди баласы?
- Чыбыкълыкъда бюгюлмеген, къазыкълыкъда бюгюлмей эди.
- Адеби болмагъан къыз – тузсуз хант.
- Ач, тоймам, дейди, тойгъан, ач болмам, дейди.
- Кёбге таш атма.
- Ана кёлю – балада, бала кёлю – талада.
- Эл ауузу – элия.
- Тенгни тенглиги джашай барсанг билинир.
- Джаш къарыу бла кючлю, къарт акъыл бла кючлю.
- Арпа, будай – ащды, алтын, кюмюш а – ташды.
- Айныгъанлы алты кюн, тогъайгъанлы тогъуз кюн.
- Ач – эснер, ат – кишнер.
- Аз айтсам, кёб ангылагъыз.
- Тёзгеннге, джабылгъан эшик ачылыр.
- Ётген ёмюр – акъгъан суу.
- Адам туугъан джеринде, ит тойгъан джеринде.
- Адеб этмеген, адеб кёрмез.
- Ашхы тенг джолгъа салыр, аман тенг джолдан тайдырыр.
- Джолда аягъынга сакъ бол, ушакъда тилинге сакъ бол.
- Сууда джау джокъ, кёб сёзде магъана джокъ.
- Чомартны къолу берекет.
- Чомартха хар кюн да байрамды.
- Къралынгы – душмандан, башынгы от бла суудан сакъла.
- Тюзлюк шохлукъну бегитир.
- Ишни аллы бла къууанма да, арты бла къууан.
- Тюз сёз баргъан сууну тыяр.
Профиль
|
|
|
|||