- Таукелге нюр джауар.
- Кенгеш болса, уруш болмаз.
- Ашхы – джыяр, аман – джояр.
- Аууздан келген, къолдан келсе, ким да патчах болур эди.
- Ётюрюкден тюбю джокъ, кёлтюрюрге джиби джокъ.
- Тёрени джагъы джокъ.
- Къуллукъчума, деб махтанма, къуллукъ – хаух джамчыды!
- Аллахдан тилесенг, кёб тиле.
- Тик ёргени, тик энгишгеси да болады.
- Кёбден умут этиб, аздан къуру къалма.
- Аш хазыр болса, иш харам болур.
- Джангыз терек къынгыр ёсер.
- Эркишини аманы тиширыуну джылатыр.
- Иги адам абынса да, джангылмаз.
- Босагъа таш юйге кирмей эди, тыбыр таш эшикге чыкъмай эди.
- Иги – алгъыш этер, аман – къаргъыш этер.
- Байлыкъ болгъан джерде, тынчлыкъ джокъду.
- Иесиз малны бёрю ашар.
- Огъурлуну сёзю – суу, огъурсузну сёзю – уу.
- Чакъырылмагъан къонакъ къачан кетерин сормаз.
- Бети бедерден, намыс сакълама.
- Джарашыу сюйген – джалынчакъ.
- Чомарт къолда мал къалмаз.
- Алгъанда – джууукъ, бергенде – джау.
- Чомарт бергенин айтмаз.
- Тойгъандан сора, ашны сёкме.
- Джеринден айырылгъан – джети джылар, джуртундан айырылгъан – ёлгюнчю джылар.
- Ишленмеклик адамлыкъды.
- Аджашханны ызындагъы кёреди, джангылгъанны джанындагъы биледи.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ётген ёмюр – акъгъан суу.
- Къарт айтханны этмеген, къартаймаз.
- Къарын къуру болса, джюрек уру болур.
- Итли къонакъ джарашмаз.
- Туз, гырджын аша, тюзлюк бла джаша.
- Окъуусуз билим – джокъ, билимсиз кюнюнг – джокъ.
- Ёлген эшек бёрюден къоркъмайды.
- Ауузу бла къуш тута айланады.
- Эрине къаргъыш этген къатын, эрнин къабар.
- Баргъанынга кёре болур келгенинг.
- Баланы адам этген анады.
- Ауругъанны сау билмез, ач къарынны токъ билмез.
- Намыс болмагъан джерде, насыб болмаз.
- Аман адам элни бир-бирине джау этер.
- Иги сеники эсе да, сюйген кесимикин этеме.
- Ёзденликни кёбю ётюрюк.
- Юй кюйдю да, кюйюз чыкъды, ортасындан тюйюш чыкъды.
- Джашлыкъ этмеген, башлыкъ этмез.
- Орну джокъну – сыйы джокъ.
- От кюйдюрген, сау болса да, тот кюйдюрген, сау болмаз.
Профиль
|
|
|
|||