Арпа, будай – ащды, алтын, кюмюш а – ташды.
Джыланны къуйругъундан басарынг келсе, аны башы болгъанын унутма.
Тюзлюк тас болмайды.
Къошда джокъгъа – юлюш джокъ.
Къызны минг тилер, бир алыр.
Мураты болгъанны джюрек тебюую башхады.
Тил джюрекге джол ишлейди.
Кёзню ачылгъаны – иги, ауузну джабылгъаны – иги.
Нёгерсизни джолу узун.
Байны оноуу, джарлыгъа джарамаз.
Биреуню эскиси биреуге джангы болмайды.
Уруну арты – къуру.
Чомарт бергенин айтмаз.
Ауругъанны сау билмез, ач къарынны токъ билмез.
Адамны аманы адамны бети бла ойнар.
Адамны адамлыгъы къыйынлыкъда айгъакъланады.
Танг атмайма десе да, кюн къоярыкъ тюйюлдю.
Игилик игилик бла сингдирилиучю затды.
Аман къатын сабий табса, бий болур…
Кёб къычыргъандан – къоркъма, тынч олтургъандан – къоркъ.
Байлыкъ болгъан джерде, тынчлыкъ джокъду.
Билим къая тешер.
Джангызны оту джарыкъ джанмаз!
Душманны тышы – акъ, ичи – къара.
Адамны артындан къара сабан сюрме.
Шекер бла туз – бир болмаз, ушамагъан – юй болмаз.
Уллу сёлешме да, уллу къаб.
Элиб деген, элге болушур.
Ётген ёмюр – акъгъан суу.
Уллу айтханны этмеген – уллаймаз.
Адеб этмеген, адеб кёрмез.
Къонакъ кёб келюучю юйню, къазаны отдан тюшмез.
Азыкълы ат арымаз, къатыны аман джарымаз.
Иги бла джюрюсенг, джетерсе муратынга, аман бла джюрюсенг, къалырса уятха.
Аш иеси бла татлыды.
Эринчекни эр алмаз, эр алса да, кёл салмаз, кёл салса да, кёб бармаз!
Джашны джигитлиги сорулур, къызны джигерлиги сорулур.
Айыбны суу бла джууалмазса.
Хата – гитчеден.
Аз сёлешген, къайгъысыз турур.
Туз, гырджын аша, тюзлюк бла джаша.
Ач къарным, тынч къулагъым.
Тойгъан антын унутур.
Ашыкъгъанны этеги бутуна чырмалыр.
Кечеси – аяз, кюню – къыш, джарлы къаргъагъа бир аш тюш!
Байлыкъ адамны сокъур этер.
Тойгъандан сора, ашны сёкме.
Бойнуму джети джерден кессенг да, мен ол ишни этеллик тюлме.
Кесине гебен этелмеген, биреуге черен эте эди.
Айырылгъанланы айю ашар, бёлюннгенлени бёрю ашар.
