Ауругъан – джашаудан умутчу.
Соргъан айыб тюлдю, билмеген айыбды.
Рысхы – насыбха къор.
Айран тёгюлсе, джугъусу къалыр.
Тойгъандан сора, ашны сёкме.
Намысы джокъну – дуниясы джокъ.
Чёбню кёлтюрсенг, тюбюнден сёз чыгъар.
Байны къызы баймакъ болса да, юйде къалмаз!
Алим болгъандан эсе, адам болгъан къыйынды.
Тюкюрюк баш джармаз, налат кёз чыгъармаз!
Керек ташны ауурлугъу джокъ.
Окъугъан озар, окъумагъан тозар.
Бозаны арты дауур болур.
Сагъыш – къартлыкъгъа сюйюмчю.
Сёз садакъдан кючлюдю.
Ариу сёз – къылычдан джити.
Ата – баланы уясы.
Джашынгы кесинг юретмесенг, джашау юретир.
Хатерли къул болур.
Бек анасы джыламаз.
Эшекни не къадар тюйсенг да, ат болмаз.
Кесинге джетмегенни, кёб сёлешме.
Бозанг болмагъан джерге, къалагъынгы сукъма.
Джыгъылгъанны сырты джерден тоймаз.
Ач къалгъандан, кеч къалгъан къолай.
Тюзню ётмеги тюзде къалса да, тас болмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Кёл ашады да, кеси ашады.
Татлы сёз – балдан татлы.
Къарыусузгъа кюлме, онгсузгъа тийме.
Нёгерсизни джолу узун.
Гыдай эчки суугъа къараб, мюйюзле кёрмесе, джашма алкъын, дегенди.
Ашхы адам – халкъ байлыгъы, ашхы джер – джашау байлыгъы.
Бичгенде ашыкъма, тикгенде ашыкъ.
Танг атмайма десе да, кюн къоярыкъ тюйюлдю.
Кюн – узун, ёмюр – къысха.
Махтаннган къыз, тойда джукълар.
Онгсузну – джакъла, тенгликни – сакъла.
Сангырау къулакъ эл бузар.
Къайгъыны сюйген, къайгъы табар.
Адамны сабийин сюйген джюреги, бычакъча, джитиди.
Къолу уллу – асыу, аягъы уллу – джарсыу.
Экиндини кеч къылсанг, чабыб джетер ашхам.
Этни бети бла шорпасы.
Кеси юйюмде мен да ханма.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ат да турмайды бир териде.
Сёз сёзню айтдырыр.
Накъырданы арты керти болур.
Тилде сюек болмаса да, сюек сындырыр.
