- Акъылсызны джууукъгъа алма, акъыллыны кенгнге салма.
- Ашхылыкъ джерде джатмайды, аманлыкъ суугъа батмайды.
- Къралынгы – душмандан, башынгы от бла суудан сакъла.
- Тау башында, тау болмаз, джангыз терек, бау болмаз.
- Билим насыб берир, билим джолну керир.
- Тил бла келеди джыр да.
- Джашынгы кесинг юретмесенг, джашау юретир.
- Aдам боллукъ, сыфатындан белгили.
- Къатын къылыкъсыз, эр тынчлыкъсыз.
- Къонакъ аз олтурур, кёб сынар.
- Юреннген ауруу къалмаз.
- Алтыда кюлмеген, алтмышда кюлмез.
- Чомарт къолда мал къалмаз.
- Бозаны арты дауур болур.
- Ёлген аслан – сау чычхан.
- Ишни ахырын ойламай, аллын башлама.
- От этилмеген джерден тютюн чыкъмайды.
- Ашына кёре табагъы, балына кёре къалагъы.
- Урунуу – насыбны анасы.
- Чомарт бергенин айтмаз.
- Джаралыны джастыгъында сау ёлюр.
- Кесине гебен этелмеген, биреуге черен эте эди.
- Джаханимни кёрмей, джандетге кёл салмазса.
- Келгинчи, къонакъ уялыр, келгенден сора, къонакъбай уялыр.
- Итли къонакъ джарашмаз.
- Телини эшигин, махтау джабар.
- Мени джылытмагъан кюн, меннге тиймесин!
- Кесинг сынамагъан затны, адамгъа буюрма.
- Накъырда – кертини келечиси.
- Эрине къаргъыш этген къатын, эрнин къабар.
- Адам боллукъ, атламындан белгили болур.
- «Ёгюз, джаргъа джууукъ барма, меннге джюк боллукъса», - дегенди эшек.
- Къууут – джелге, берне – бошха.
- Къарт айтханны этмеген, къартаймаз.
- Сютден ауузу кюйген, суугъа юфгюре эди.
- Иги болса, тамадама – махтау, аман болса, меннге – айыб.
- Аман къатын сабий табса, бий болур…
- Айныгъанлы алты кюн, тогъайгъанлы тогъуз кюн.
- От кюйдюрген, сау болса да, тот кюйдюрген, сау болмаз.
- Джиби бир къат джетмей эди да, эки къат тарта эди.
- Тёрде – темир таякълы, къаяда – чыпчыкъ аякълы.
- Сёз садакъдан кючлюдю.
- Ишин билген, аны сыйын чыгъарады.
- Шайтан алдады, тюзлюк къаргъады.
- Къазанда болса, чолпугъа чыгъар.
- Сормай – алма, чакъырылмай – барма.
- Таукел тауну аудурур.
- Шапа кёб болса, аш татымсыз болур.
- Келлик заман – къартлыкъ келтирир, кетген заман – джашлыкъ ёлтюрюр.
- Къошда джокъгъа – юлюш джокъ.
Профиль
|
|
|
|||