- Итли къонакъ джарашмаз.
- Огъурлуну сёзю – суу, огъурсузну сёзю – уу.
- Ашхы болсанг, атынг чыгъар, аман болсанг, джанынг чыгъар.
- Кийимни бир кюнню аясанг, минг кюннге джарар.
- Соргъан айыб тюлдю, билмеген айыбды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къонакъ аз олтурур, кёб сынар.
- Къуру гыбыт бек дыгъырдар.
- Аш берме да, къаш бер.
- Кесине оноу эте билмеген, халкъына да эте билмез.
- Ургъан суудан башынгы сакъла.
- Къайгъы тюбю – тенгиз.
- Къарнынг бла ёч алма.
- Къайтырыкъ эшигинги, къаты уруб чыкъма.
- Тил – миллетни джаны.
- Терслик кетер, тюзлюк джетер.
- Зар адамны насыбы болмаз.
- Ашхы тенг джолгъа салыр, аман тенг джолдан тайдырыр.
- Биреуню эскиси биреуге джангы болмайды.
- Азыгъы аз, алгъа къабар, аты аман, алгъа чабар.
- Айтхан – тынч, этген – къыйын.
- Баш – акъыл ючюн, акъылман – халкъ ючюн.
- Рысхысына кёре, джаш ёсер, къышлыгъына кёре, мал ёсер.
- Уллу сёлешме да, уллу къаб.
- Къартны бурнун сюрт да, оноугъа тут.
- Къарт айтханны этмеген, къартаймаз.
- Эринчекни аурууу – кёб.
- Джан саулукъ бермей, сан саулукъ бермезсе.
- Джерни букъусу кёкге къонмаз.
- Ёлмесенг да, къарт дамы болмазса?
- Къар – келтирди, суу – элтди.
- Юйлю уругъа ит чабмаз.
- Суу ичген шауданынга тюкюрме.
- Тойну къарнашы – харс, джырны къарнашы – эжиу.
- Чыбыкълыкъда бюгюлмеген, къазыкълыкъда бюгюлмей эди.
- Халкъны джырын джырласанг, халкъ санга эжиу этер.
- Таула не мийик болсала да, аууш табылыр.
- Хансыз джомакъ болмаз.
- Сакъ юйюне сау барыр.
- Аджалсыз ёлюм болмаз.
- Тик ёргени, тик энгишгеси да болады.
- Хантына кёре тузу, юйюне кёре къызы.
- Бермеген къол, алмайды.
- Ач къалгъандан, кеч къалгъан къолай.
- Айырылгъанланы айю ашар, бёлюннгенлени бёрю ашар.
- Тёзгеннге, джабылгъан эшик ачылыр.
- Агъач халкъгъа алтынды, иссиликге салкъынды.
- Къан бла кирген, джан бла чыгъар.
- Джумушакъ терекни къурт ашар.
- Насыблы элин сюер, насыбсыз кесин сюер.
"Имена ушедших - в сердцах живых", Памяти бойцов и командиров 2-й гвардейской стрелковой дивизии 37-й армии, погибших в бою за пос. Кашхатау
Пусть для следующих книг будут только радостные поводы!
Я самая классная на форуме))))))))))))))
|
|||||
|
|
|
|
Особенно сильно свою доблесть 37 я армия показала на мирных жителях верхней балкарии.
|
|
|
|
|
Читают тему (гостей: 1)