- Зар адам ашынгы ашар, кесинги сатар.
- Бастасын ашагъан, хантусун да ичер.
- Ачыу алгъа келсе, акъыл артха къалады.
- Олтуруб кёрюнмей эди да, ёрге туруб кёрюне эди.
- Джырчы ёлсе, джыры къалыр.
- Накъырда – кертини келечиси.
- Джуртун къоругъан озар.
- Нарт сёз къарт болмаз.
- Кирсизни – саны таза, халалны – къаны таза.
- Къуллукъчума, деб махтанма, къуллукъ – хаух джамчыды!
- Тай асырагъан, атха минер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Айыбны суу бла джууалмазса.
- Хар адамгъа кеси миннген тау кибик.
- Къарнынг бла ёч алма.
- Эм ашхы къайын ана мамукъ бла башынгы тешер.
- Сакъ юйюне сау барыр.
- Ана къолу ачытмаз.
- Ана къойну – балагъа джандет.
- Ашатыргъа иш – ашхы, ишлетирге аш – ашхы.
- Тил джюрекге джол ишлейди.
- Джюз элде джюз ёгюзюм болгъандан эсе, джюз джууугъум болсун.
- Эл элде бирер малынг болгъандан эсе, бирер тенгинг болсун.
- Къайтырыкъ эшигинги, къаты уруб чыкъма.
- Башсыз урчукъ тюзюне айланмаз.
- Келинин тута билмеген, къул этер, къызын тута билмеген, тул этер.
- Ашына кёре табагъы, балына кёре къалагъы.
- Гыдай эчки суугъа къараб, мюйюзле кёрмесе, джашма алкъын, дегенди.
- Алгъанда – джууукъ, бергенде – джау.
- Намысы джокъну – дуниясы джокъ.
- Сагъышы джокъ – джукъучу, акъылы джокъ – къаугъачы.
- Къызны минг тилер, бир алыр.
- Агъач – джерни чырайы, кийим – эрни чырайы.
- Арба аугъандан сора, джол кёргюзтюучю кёб болур.
- Акъыл аздырмаз, билим тоздурмаз.
- Итли къонакъ джарашмаз.
- Къарыусузгъа кюлме, онгсузгъа тийме.
- Айран ичген – къутулду, джугъусун джалагъан – тутулду.
- Эр сокъур болсун, къатын тилсиз болсун.
- Арпа, будай – ащды, алтын, кюмюш а – ташды.
- Ата Джуртун танымагъан, атасын да танымаз.
- Биреуню къыйынлыгъы бла кесинге джол ишлеме.
- Кёпюр салгъан кеси ётер, уру къазгъан кеси кетер.
- Джахил болса анасы, не билликди баласы?
- Дууулдаса – бал чибин, къонса – къара чибин.
- Адамны аманы адамны бети бла ойнар.
- Душманны тышы – акъ, ичи – къара.
- «Ма», - дегенни билмесенг, «бер», - дегенни билмезсе.
- Игини сыйлагъан адетди.
- Аман хансны – урлугъу кёб.
Профиль
|
|
|
|||