Сакъламагъан затынга джолукъсанг, не бек къууанаса, не бек ачыйса.
Гугурук къычырмаса да, тангны атары къалмаз.
Алма терегинден кери кетмез.
Ачны эсинде – аш.
Телиге акъыл салгъандан эсе, ёлгеннге джан салырса.
Онгсузну – джакъла, тенгликни – сакъла.
Джолда аягъынга сакъ бол, ушакъда тилинге сакъ бол.
Иги сёз – джаннга азыкъ, аман сёз башха – къазыкъ.
Ата джурт – алтын бешик.
Къобан да къуру да къобханлай турмайды, адам да къуру да патчахлай турмайды.
Адамны аты башхача, акъылы да башхады.
Ашлыкъ – бюртюкден, джюн – тюкден.
Азыкъ аз болса, эртде орун сал.
Тойчу джашха къарама, къойчу джашха къара.
Къартны сыйын кёрмеген, къартлыгъында сыйлы болмаз.
Джюрекге ариу – кёзге да ариу.
Ашхылыкъ джерде джатмайды, аманлыкъ суугъа батмайды.
Мал кёб болса, джууукъ кёб болур.
Арпа, будай – ащды, алтын, кюмюш а – ташды.
Ата Джуртча джер болмаз, туугъан элча эл болмаз.
Уруну арты – къуру.
Таукел тауну аудурур.
Иесиз малны бёрю ашар.
Баланы адам этген анады.
Ауурну тюбю бла, дженгилни башы бла джюрюген.
Ашхы болсанг, атынг чыгъар, аман болсанг, джанынг чыгъар.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эр сокъур болсун, къатын тилсиз болсун.
Ата – баланы уясы.
Джангыз торгъай джырламаз.
Къонакъ аман болса, къонакъбай джунчур
Биреуню къыйынлыгъы бла кесинге джол ишлеме.
Атлыны кёрсе, джаяуну буту талыр.
Адам къаллай бир ишленмесе, аллай бир кесин уллу кёреди.
Азыгъы аз, алгъа къабар, аты аман, алгъа чабар.
Чарсда алчыны эл кёреди.
Игини сыйлагъан адетди.
Къартха ушагъан джаш – акъыллы, джашха ушагъан къарт – тели.
Чабар ат – джетген къыз.
Бермеген къол, алмайды.
Шекер бла туз – бир болмаз, ушамагъан – юй болмаз.
Аманнга да, игиге да оноусуз къатышма.
Къонагъы джокъну – шоху джокъ.
Бети – къучакълар, джюреги – бычакълар.
Къаллай салам берсенг, аллай джууаб алырса.
Биреуге аманлыкъ этиб, кесинге игилик табмазса.
Джолунга кёре – джюрюшюнг, джагъанга кёре – юлюшюнг.
Таякъ этден ётер, тил сюекден ётер.
Кийимни бир кюнню аясанг, минг кюннге джарар.
Ачыкъ джюрекге джол – ачыкъ.
