- Сакъалы текени да бар, мыйыгъы киштикни да бар.
- Джангыз терек къынгыр ёсер.
- Уллу сёзде уят джокъ.
- Дженгил джетерикме деб, узун джолну къоюб, къысхасын барма.
- Ат басханны джер билед.
- Мухар, кеси тойса да, кёзю тоймаз.
- Къызын тута билмеген, тул этер, джашын тута билмеген, къул этер.
- Тенгни тенглиги джашай барсанг билинир.
- Тай асырагъан, атха минер.
- Нарт сёз – тилни бети.
- Тюз сёз баргъан сууну тыяр.
- Кеси юйюмде мен да ханма.
- Душманны тышы – акъ, ичи – къара.
- Тёгюлген тюгел джыйылмайды.
- Зар адамны насыбы болмаз.
- Таш ата билмеген, башына урур.
- Башы ишлегенни, ауузу да ишлер.
- Къолу уллу – асыу, аягъы уллу – джарсыу.
- Эшекге миннген – биринчи айыб, андан джыгъылгъан – экинчи айыб.
- Аман эсирсе, юйюн ояр.
- Къартны бурнун сюрт да, оноугъа тут.
- Кийим тукъум сордурур.
- Къарны аманнга къазан такъдырма, къолу аманнга от джакъдырма.
- Сабийликде юретмесенг, уллу болса – тюзелмез.
- Уруну арты – къуру.
- Бет бетге къараса, бет да джерге къарар.
- Бир онгсуз адам адет чыгъарды, деб эштирик тюлсе.
- Кирсизни – саны таза, халалны – къаны таза.
- Термилгенинги табмазса, кюлгенинге тюберсе.
- Акъыл бла адеб эгизледиле.
- Кёб къычыргъандан – къоркъма, тынч олтургъандан – къоркъ.
- Аз айтсам, кёб ангылагъыз.
- Ауругъаннга – кийик саулукъ, джетген къызгъа – чилле джаулукъ.
- Кёл – къызбай, къол – батыр.
- Къонакъ аз олтурур, кёб сынар.
- Кесине оноу эте билмеген, халкъына да эте билмез.
- Байдан умут эте, джарлыдан ёгюз багъасы къорады.
- Дуния малгъа сатылма, кесингден телиге къатылма.
- Тили узунну, намысы – къысха.
- Сабыр джетер муратха, сабырсыз къалыр уятха.
- Келгинчи, къонакъ уялыр, келгенден сора, къонакъбай уялыр.
- Адамгъа аман кюн соруб келмейди.
- Билими азны – ауузунда кирит.
- Тюзлюк тас болмайды.
- Хантына кёре тузу, юйюне кёре къызы.
- Таш бла ургъанны, аш бла ур.
- Гугук кесини атын айтыб къычыргъанча, мен, мен деб нек тураса?
- Адеб базарда сатылмаз.
- Бети къызарыучу адамны, джюреги харам болмаз.
- Къыйынлы джети элни къайгъысын этер.
Профиль
|
|
|
|||