Тулпарлыкъ, билекден тюл – джюрекден.
Кесине оноу эте билмеген, халкъына да эте билмез.
Ушамагъан – джукъмаз.
Суу кетер, таш къалыр.
Адамны бетине къарама, адетине къара.
Айран тёгюлсе, джугъусу къалыр.
Джангыз торгъай джырламаз.
Тюкюрюк баш джармаз, налат кёз чыгъармаз!
Гырджын – тепсини тамадасы.
Дууулдаса – бал чибин, къонса – къара чибин.
Сабийни джумушха джибер да, ызындан бар.
Харам къарнашдан, халал тенг ашхы.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къыз тиширыу кеси юйюнде да къонакъды.
Иги сеники эсе да, сюйген кесимикин этеме.
Чыбыкълыкъда бюгюлмеген, къазыкълыкъда бюгюлмей эди.
Чабакъсыз кёлге къармакъ салгъанлыкъгъа, чабакъ тутмазса.
Ашыкъгъанны этеги бутуна чырмалыр.
Атадан ёксюз – бир ёксюз, анадан ёксюз – эки ёксюз.
Кёзюнде тереги болгъан, чёбю болгъаннга кюле эди.
Кёб ант этген, кёб ётюрюк айтыр.
Уллу суу бла уллу ауруудан башынгы сакъла.
Иги адам абынса да, джангылмаз.
Иги джашны ышаны – аз сёлешиб, кёб тынгылар.
Аш кетер да бет къалыр.
Байлыкъ болгъан джерде, тынчлыкъ джокъду.
Ашха уста, юйюнде болсун
Бети къызарыучу адамны, джюреги харам болмаз.
Хунаны тюбюн къазсанг, юсюнге ауар.
Этек чакъмакълары баш джаргъан, сёлешген сёзлери таш джаргъан.
Джырчы ёлсе, джыры къалыр.
Башсыз урчукъ тюзюне айланмаз.
Тойгъан антын унутур.
Ат басханны джер билед.
Уллу атлама – абынырса, уллу къабма – къарылырса.
Къызгъанчдан ычхыныр, мухардан ычхынмаз.
Башланнган иш битер, къымылдагъан тиш тюшер.
Ашда уялгъан – мухар, ишде уялгъан – хомух.
Аз сёлешген, къайгъысыз турур.
Кёл ашады да, кеси ашады.
Эки къатын алгъанны къулагъы тынгнгаймаз.
Джаш къарыу бла кючлю, къарт акъыл бла кючлю.
Нарт сёз къарт болмаз.
Эски джаугъа ышанма.
Аууз сакълагъан – джан сакълар.
Ариу сёз – джаннга азыкъ, аман сёз – башха къазыкъ.
Мураты болгъанны джюрек тебюую башхады.
Аманнга игилик этсенг, юйюнге сау бармазса.
Ат да турмайды бир териде.
Кёб джат да, бек чаб.
