- Джырчы ёлсе, джыры къалыр.
- Баш болса, бёрк табылыр.
- Тили узунну, намысы – къысха.
- Джуртун къоругъан озар.
- Гугук кесини атын айтыб къычыргъанча, мен, мен деб нек тураса?
- Билими азны – ауузунда кирит.
- Кюн – узун, ёмюр – къысха.
- Аманны къуугъан, аманлыкъ табар.
- Эртде тургъан джылкъычыны эркек аты тай табар.
- Сёз сёзню айтдырыр.
- Чомарт къолда мал къалмаз.
- Эл элде бирер малынг болгъандан эсе, бирер тенгинг болсун.
- Бал ашаргъа сюе эсенг, чибин ургъаннга тёз.
- Ишленмеклик адамлыкъды.
- Ауузу бла къуш тута айланады.
- Этни да ашады, бетни да ашады.
- Бети бедерден, намыс сакълама.
- Ашыкъгъанны этеги бутуна чырмалыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джашны джигитлиги сорулур, къызны джигерлиги сорулур.
- Адеб джокъда, намыс джокъ.
- Кёл ашады да, кеси ашады.
- Къарт болгъан джерде, берекет болур, сабий болгъан джерде, оюн болур.
- Ана кёлю – балада, бала кёлю – талада.
- Ичимден чыкъды хата, къайры барайым сата?
- Босагъа таш юйге кирмей эди, тыбыр таш эшикге чыкъмай эди.
- Къарнынг бла ёч алма.
- Игилик игилик бла сингдирилиучю затды.
- Чоюнну башы ачыкъ болса, итге уят керекди.
- Ётюрюкчюню шагъаты – къатында.
- Ашхы болсанг, атынг чыгъар, аман болсанг, джанынг чыгъар.
- Юйюнг бла джау болгъандан эсе, элинг бла джау бол.
- Акъылсызны джууукъгъа алма, акъыллыны кенгнге салма.
- Ауузу аманнга «иги», деме.
- Сакъламагъан затынга джолукъсанг, не бек къууанаса, не бек ачыйса.
- Сабийни джумушха джибер да, ызындан бар.
- Джарлы тюеге минсе да, ит къабар.
- Тамырсыз терекге таянма – джыгъылырса.
- Иги адам абынса да, джангылмаз.
- Ата – баланы уясы.
- Хар сёзню орну барды.
- Кёлю джокъну – джолу джокъ.
- Кёкдеги болмаса, джердегин кёрмейди.
- Юреннген ауруу къалмаз.
- Ургъан суудан башынгы сакъла.
- Акъыллы айтыр эди, акъылсыз къоймайды.
- Кеси юйюмде мен да ханма.
- Къазанчы аман болса, къазаны къайнамаз.
- Тойгъан антын унутур.
- Ариу сёз джыланны орнундан чыгъарыр.
Профиль
|
|
|
|||