- Джашда акъыл джокъ, къартда къарыу джокъ.
- Ашхылыкъ джерде джатмайды, аманлыкъ суугъа батмайды.
- Биреу къой излей, биреу той излей.
- Кёб джашагъан – кёб билир.
- Баланы адам этген анады.
- Аджалсыз ёлюм болмаз.
- Билимли ёлмез, билимсиз кёрмез.
- Аманны эки битли тону болур, бирин сеннге кийдирир, бирин кеси киер.
- Айныгъанлы алты кюн, тогъайгъанлы тогъуз кюн.
- Джыланны къуйругъундан басарынг келсе, аны башы болгъанын унутма.
- Айыбны суу бла джууалмазса.
- Хаухну атма, ёнгкючню сатма.
- Хантына кёре тузу, юйюне кёре къызы.
- Арба аугъандан сора, джол кёргюзтюучю кёб болур.
- Акъдан къара болмаз.
- Къулакъдан эсе, кёзге ышан.
- Кёзю сокъурдан – къоркъма, кёлю сокъурдан – къоркъ.
- Билим ат болуб да чабар, къуш болуб да учар.
- Тойгъа барсанг, тоюб бар, эски тонунгу къоюб бар.
- Джюрекге ариу – кёзге да ариу.
- Нарт сёз – тилни бети.
- Байдан умут эте, джарлыдан ёгюз багъасы къорады.
- Кёлсюзден сёзсюз тууар.
- Билеги кючлю, бирни джыгъар, билими кючлю, мингни джыгъар.
- Арпа, будай – ащды, алтын, кюмюш а – ташды.
- Ёлген эшек бёрюден къоркъмайды.
- Адам сёзюнден белгили.
- Ёлмесенг да, къарт дамы болмазса?
- Олтуруб кёрюнмей эди да, ёрге туруб кёрюне эди.
- Джерни букъусу кёкге къонмаз.
- Дуния аламаты сен эсенг да, игиме деб айтма.
- Къыз чыгъаргъан – къызыл къымжа.
- От кюйдюрген, сау болса да, тот кюйдюрген, сау болмаз.
- Айырылмаз джууугъунга, унутмаз сёзню айтма.
- Акъылсызны джууукъгъа алма, акъыллыны кенгнге салма.
- Атадан ёксюз – бир ёксюз, анадан ёксюз – эки ёксюз.
- Къошда джокъгъа – юлюш джокъ.
- Игиге айтсанг – билир, аманнга айтсанг – кюлюр.
- Къонакъ хазыр болгъанлыкъгъа, къонакъбай хазыр тюлдю.
- Эл тойса, тоймагъан, эл къойса, къоймагъан.
- Оюмсуз атлагъан, аджалсыз ёлюр.
- Гугук кесини атын айтыб къычыргъанча, мен, мен деб нек тураса?
- Ата джурт – алтын бешик.
- Къарыусузгъа кюлме, онгсузгъа тийме.
- Минг тенг да азды, бир джау да кёбдю.
- Айтхан – тынч, этген – къыйын.
- Ариу сёз – къылычдан джити.
- Кютгени беш эчки, сызгъыргъаны уа, джерни джарады.
- Нафысынгы айтханын этме, намысынгы айтханын эт.
- Элде адам къалмаса, ит тахтагъа минер.
Профиль
|
|
|
|||