- Адам боллукъ, атламындан белгили болур.
- Адамгъа аман кюн соруб келмейди.
- Джаз бир кюнню джатсанг, къыш талай кюнню абынырса.
- Тау башында, тау болмаз, джангыз терек, бау болмаз.
- Аманны тукъумуна къарама, игини тукъумун сорма.
- Къазанны башы ачыкъ болса, итге уят керекди.
- Айран ичген – къутулду, джугъусун джалагъан – тутулду.
- Кечеси – аяз, кюню – къыш, джарлы къаргъагъа бир аш тюш!
- Дуния мал дунияда къалады.
- Къыйынлы джети элге оноу этер.
- Мухардан ач ычхынмаз.
- Сёз къанатсыз учар.
- Тюкюрюк баш джармаз, налат кёз чыгъармаз!
- Ёмюрлюк шохлукъну джел элтмез.
- Келинни – келгинчи, бёркню кийгинчи кёр.
- Чоюнну башы ачыкъ болса, итге уят керекди.
- Ичимден чыкъды хата, къайры барайым сата?
- Биреуню эскиси биреуге джангы болмайды.
- Халкъны джырын джырласанг, халкъ санга эжиу этер.
- Биреуге кёлтюрген таягъынг, кесинги башынга урур.
- Бермеген къол, алмайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Суугъа – чабакъ, къаягъа – ыргъакъ.
- Атынг аманнга чыкъгъандан эсе, джанынг тамагъынгдан чыкъсын.
- Ёпкелегенни ашы татлы болады.
- Байлыкъдан саулукъ ашхыды.
- Ач келгенни – тойдур, кеч келгенни – къондур.
- Болджал ишни бёрю ашар.
- Иги сёз – джаннга азыкъ, аман сёз башха – къазыкъ.
- Тынгылагъан тынгы бузар.
- Байлыкъ келсе, акъыл кетер.
- Сёлеш деб шай берген, тохта деб, сом берген.
- Байны оноуу, джарлыгъа джарамаз.
- Булут кёкге джарашыу, уят бетге джарашыу.
- Аджаллыгъа окъсуз шкок атылыр.
- Кюлме джашха – келир башха.
- Босагъагъа джууукъ орун болса, ашыгъыб тёрге озма.
- Къонакъ аман болса, къонакъбай джунчур
- Кёз – сюйген джерде, къол – ауругъан джерде.
- Магъанасыз сёз – тауушсуз сыбызгъы.
- Ашаса, ашамаса да, бёрюню ауузу – къан.
- Къолунгдан къуймакъ ашатсанг да, атаны борчундан къутулмазса.
- Къонагъы джокъну – шоху джокъ.
- Алгъанда – джууукъ, бергенде – джау.
- Босагъа таш юйге кирмей эди, тыбыр таш эшикге чыкъмай эди.
- Кёзюнде тереги болгъан, чёбю болгъаннга кюле эди.
- Атлыны ашхысы, ат тизгининден билинир
- Къарын къуру болса, джюрек уру болур.
- Мал тутхан – май джалар.
- Тойгъан джерден туугъан джер игиди.
Еще один представленный к званию Героя Советского Союза- Аминов Мусса Абдул -Кадырович.
|
Схауат-Къала. Крепость-памятник воинам Великой Отечественной войны из аула Схауат |
|
|
|
|
|
||||
|
|
|
|||
Читают тему (гостей: 1)