- Иесиз малны бёрю ашар.
- Рысхы – насыбха къор.
- Арбаз сайлама да, хоншу сайла.
- Чабакъгъа акъыл, табагъа тюшсе келеди.
- Ишни ахырын ойламай, аллын башлама.
- Ачылгъан эт джабылыр, кёрген кёз унутмаз.
- Алим болгъандан эсе, адам болгъан къыйынды.
- Къонакъ хазыр болгъанлыкъгъа, къонакъбай хазыр тюлдю.
- Бал чибинни ургъаны – ачы, балы – татлы.
- Малны кют, джерни тюрт.
- Кюлме джашха – келир башха.
- Аман къатын сабий табса, бий болур…
- Джырчы ёлсе, джыры къалыр.
- Арба аугъандан сора, джол кёргюзтюучю кёб болур.
- Акъылсызны джууукъгъа алма, акъыллыны кенгнге салма.
- Махтаннган къыз, тойда джукълар.
- Ёлген ийнек сютлю болур.
- Окъумагъан сокъурду, сокъур ташха абыныр!
- Тил бла келеди джыр да.
- Сёз – кюмюш, джыр – алтын.
- Джангызны оту джарыкъ джанмаз!
- Эринчекни эр алмаз, эр алса да, кёл салмаз, кёл салса да, кёб бармаз!
- Борчунг бар эсе, хурджунунга ойлаб узал.
- Аман киши кеси юйюнде – къонакъ.
- Джолда аягъынга сакъ бол, ушакъда тилинге сакъ бол.
- Чомартны къолун джокълукъ байлар.
- Ёлген аслан – сау чычхан.
- Халкъны юйю – туугъан джери.
- Гугурук къычырмаса да, тангны атары къалмаз.
- Элни кючю – эмеген.
- Аш иеси бла татлыды.
- Ёпкелегенни ашы татлы болады.
- Кёпюр салгъан кеси ётер, уру къазгъан кеси кетер.
- Ёксюзню тилеги къабыл болур.
- Ата Джуртча джер болмаз, туугъан элча эл болмаз.
- Ышармагъан – кюлмез, кюлмеген – къууанчны билмез.
- Хар ишни да аллы къыйынды.
- Эки къатын алгъанны къулагъы тынгнгаймаз.
- Ауругъанны сау билмез, ач къарынны токъ билмез.
- Ата Джуртун танымагъан, атасын да танымаз.
- Мен да «сен», дейме, сен да «кесим», дейсе.
- Эркишиге тары кебек танг кёрюнюр.
- Сакъ юйюне сау барыр.
- Эшекге миннген – биринчи айыб, андан джыгъылгъан – экинчи айыб.
- Акъыл къартда, джашда тюйюлдю – башдады.
- Иши джокъну, сыйы джокъ.
- Ачлыкъ отха секиртир.
- Адам туугъан джеринде, ит тойгъан джеринде.
- Къызын тута билмеген, тул этер, джашын тута билмеген, къул этер.
- Ёксюзню къалачы уллу кёрюнюр.
Профиль
|
|
|
|||