- Джарлы эскисин джамаса, къууаныр.
- Бюгюн дуния кибик, тамбла ахыратды.
- Агъач – джерни чырайы, кийим – эрни чырайы.
- Аллахдан тилесенг, кёб тиле.
- Эшекге миннген – биринчи айыб, андан джыгъылгъан – экинчи айыб.
- Тели турса – той бузар.
- Ётюрюкню башын керти кесер.
- Биреуню къыйынлыгъы бла кесинге джол ишлеме.
- Адам къаллай бир ишленмесе, аллай бир кесин уллу кёреди.
- Аджашхан тёгерек айланыр.
- Къонакъ кёб келюучю юйню, къазаны отдан тюшмез.
- Ауругъан – джашаудан умутчу.
- Къарыусузгъа кюлме, онгсузгъа тийме.
- Насыб бютеу халкъны юлюшюдю.
- Ёлген ийнек сютлю болур.
- Эл элде бирер малынг болгъандан эсе, бирер тенгинг болсун.
- Зар адамны насыбы болмаз.
- Артына баргъанны, къатына барма.
- Аякъларынгы джууургъанынга кёре узат.
- Чакъырылмагъан къонакъ къачан кетерин сормаз.
- Къыз тиширыу кеси юйюнде да къонакъды.
- Кёпюр салгъан кеси ётер, уру къазгъан кеси кетер.
- Байлыкъ болгъан джерде, тынчлыкъ джокъду.
- Рысхы джалгъанды: келген да этер, кетген да этер.
- Аш берме да, къаш бер.
- Туз, гырджын аша, тюзлюк бла джаша.
- Мадар болса, къадар болур.
- Ашыкъгъанны этеги бутуна чырмалыр.
- Ач къалгъандан, кеч къалгъан къолай.
- Билим ат болуб да чабар, къуш болуб да учар.
- Ашда – бёрю, ишде – ёлю.
- Ишлегенде эринме, ишде чолакъ кёрюнме.
- Адеби болмагъан къыз – тузсуз хант.
- Сагъышы джокъ – джукъучу, акъылы джокъ – къаугъачы.
- Билеги кючлю, бирни джыгъар, билими кючлю, мингни джыгъар.
- Адам къыйынлыгъын кёлтюрюр, зауукълугъун кёлтюрмез.
- Адамны аманы адамны бети бла ойнар.
- Суугъа – таянма, джаугъа – ийнанма.
- Чомарт бергенин айтмаз.
- Ёлген аслан – сау чычхан.
- Тили узунну, намысы – къысха.
- Тилчи тилден къаныкъмаз.
- Эртде тургъан джылкъычыны эркек аты тай табар.
- Джангыз торгъай джырламаз.
- Джукъу тёшек сайламайды.
- Аш кетер да бет къалыр.
- Тилчиден кери бол.
- Акъыл аздырмаз, билим тоздурмаз.
- Ётюрюк хапар аякъ тюбю бла джюрюйдю.
- Мухар, кеси тойса да, кёзю тоймаз.
Профиль
|
|
|
|||