- Ашхылыкъ джерде джатмайды, аманлыкъ суугъа батмайды.
- Акъыл аздырмаз, билим тоздурмаз.
- Тёзгеннге, джабылгъан эшик ачылыр.
- Баланы адам этген анады.
- Къызгъанчдан ычхыныр, мухардан ычхынмаз.
- Сакъалы текени да бар, мыйыгъы киштикни да бар.
- Нарт сёз къарт болмаз.
- Сибиртки да сыйлы болду, кюрек да кюнлю болду.
- Чарсда алчыны эл кёреди.
- Юй кюйдю да, кюйюз чыкъды, ортасындан тюйюш чыкъды.
- Ханнга да келеди хариблик.
- Халкъны юйю – туугъан джери.
- Кимни – тили, тиши онглу, кимни – къолу, иши онглу.
- Билген билмегенни юретген адетди.
- Къонакъ болсанг, ийнакъ бол.
- Шайтан алдады, тюзлюк къаргъады.
- Нафысынгы айтханын этме, намысынгы айтханын эт.
- Эринчекни аурууу – кёб.
- Хансыз джомакъ болмаз.
- Джумушакъ терекни къурт ашар.
- Аман эсирсе, юйюн ояр.
- Адебсиз адам – джюгенсиз ат.
- Минг тенг да азды, бир джау да кёбдю.
- Бермеген къол, алмайды.
- Душманны тышы – акъ, ичи – къара.
- Ашда – бёрю, ишде – ёлю.
- Булут кёкге джарашыу, уят бетге джарашыу.
- Терслик кетер, тюзлюк джетер.
- Джаханимни кёрмей, джандетге кёл салмазса.
- Джаш болсун, къыз болсун, акъылы, саны тюз болсун.
- Ётюрюкчюню шагъаты – къатында.
- Бозанг болмагъан джерге, къалагъынгы сукъма.
- Ашхы адам – халкъ байлыгъы, ашхы джер – джашау байлыгъы.
- Ёнгкюч къууана барыр, джылай келир.
- Юреннген ауруу къалмаз.
- Артына баргъанны, къатына барма.
- Аллахдан тилесенг, кёб тиле.
- Ашаса, ашамаса да, бёрюню ауузу – къан.
- Ичимден чыкъды хата, къайры барайым сата?
- Тойгъан джерге джети къайт.
- Джыгъылгъанны сырты джерден тоймаз.
- Чомартны къолу берекет.
- Агъач – джерни чырайы, кийим – эрни чырайы.
- Эл ауузу – элек, анга ийнаннган – халек.
- Аш иеси бла татлыды.
- Арыгъан къош чамчы болур.
- Сабий кёргенин унутмаз.
- Сабийни джумушха джибер да, ызындан бар.
- Дуния аламаты сен эсенг да, игиме деб айтма.
- Аз сёлеш, кёб ишле.
Военно-пересыльные пункы, Боевой путь земляка
Читают тему (гостей: 1)