Расширенный поиск
15 Августа 2026 года
Логин: Регистрация
Пароль: Забыли пароль?
Навигация
Словарь
  • Аманнга алтын чыдамаз.
  • Сакъламагъан затынга джолукъсанг, не бек къууанаса, не бек ачыйса.
  • Ариу сёз джыланны орнундан чыгъарыр.
  • Иши джокъну, сыйы джокъ.
  • Уллу айтханны этмеген – уллаймаз.
  • Джырына кёре эжиую.
  • Айранны сюйген, ийнек тутар.
  • Ачлыкъ отха секиртир.
  • Элде адам къалмаса, ит тахтагъа минер.
  • Къайгъы тюбю – тенгиз.
  • Къыйынлы джети элге оноу этер.
  • Гырджын – тепсини тамадасы.
  • Бети бедерден, намыс сакълама.
  • Шайтан алдады, тюзлюк къаргъады.
  • Эртде тургъан джылкъычыны эркек аты тай табар.
  • Ат басханны джер билед.
  • Гугурук къычырмаса да, тангны атары къалмаз.
  • Кёб ант этген, кёб ётюрюк айтыр.
  • Эски джаугъа ышанма.
  • Керек ташны ауурлугъу джокъ.
  • Оюмсуз атлагъан, аджалсыз ёлюр.
  • Джюз элде джюз ёгюзюм болгъандан эсе, джюз джууугъум болсун.
  • Сангырау къулакъ эл бузар.
  • Тёрени джагъы джокъ.
  • Джаханимни кёрмей, джандетге кёл салмазса.
  • Хоншуну тауугъу къаз кёрюнюр, келини къыз кёрюнюр.
  • Мал ёлсе, сюек къалыр, адам ёлсе, иши къалыр.
  • Таула не мийик болсала да, аууш табылыр.
  • Мухар, кеси тойса да, кёзю тоймаз.
  • Билим ат болуб да чабар, къуш болуб да учар.
  • Джыгъылгъанны сырты джерден тоймаз.
  • Аман адам элни бир-бирине джау этер.
  • Джангыз терек къынгыр ёсер.
  • Арбаз сайлама да, хоншу сайла.
  • Рысхысына кёре, джаш ёсер, къышлыгъына кёре, мал ёсер.
  • Бозаны арты дауур болур.
  • Асхат ашлыкъ сата, юйдегиси ачдан къата.
  • Джарлы джети элни сёзюн этер.
  • Мухардан ач ычхынмаз.
  • Ёлген ийнек сютлю болур.
  • Тюз сёз баргъан сууну тыяр.
  • Башы джабылгъан челекге, кир тюшмез.
  • Кесинг сынамагъан затны, адамгъа буюрма.
  • Биреуню эскиси биреуге джангы болмайды.
  • Баргъанынга кёре болур келгенинг.
  • Эл ауузу – элия.
  • Телини эшигин, махтау джабар.
  • Къыз тиширыу кеси юйюнде да къонакъды.
  • Эте билген, этген этеди, эте билмеген, юретген этеди!
  • Адамны артындан къара сабан сюрме.

Форум

Форум / Администрация / Билдириуле :: Объявления / Помощь
Страницы: 1
АЛАНЛА, бир эс бёлюгюз бу темагъа., 'Къайсын-миллетни бетиди'-дегенди Эфендиланы Салых.
 
#1
Джаратама0
17.10.2013 00:35:56 Translit
Алгъышдан башлайым:
Миллетибизге Къайсынчала туусунла!

Алайды да, мени сизге айтырым...
'Къайсыннга жюз атлам'деп иш башланнганды.
Эл тюбю деген элде, Къайсынны юйюне бурулгъан орамны жаны бла хуна къалана турады, ол хунаны юсюнде жюз плита боллукъду-сыйдам, тёртгюл, сыйлы ташдан. Хар аллай ташны юсюнде уа назмучубузну бир назмусу жазылып барлыкъды, аны бла уа алайда окъуна жюз назму хаманда да турлукъду.
Келлик жыл, Аллах айтса, Къайсыннга жюз жыл толлукъду, ол кюннге бу иш битерге, тындырылыргъа керекди!

Сизден-бизден изленнген:
1. Бу ишле баргъан заманда онгу болгъан барып, таш ташыргъа, башха жумушха жараргъа.
2. Биягъы онгу болгъан ахча жаны бла болушургъа, аз бералгъан аз,кёп бералгъан а кёп.

Ёмюрде быллай ишге къатышмагъанма, хапарлы да тюйюлме, алай кел,къатыш, болуш дегенлеринде, бек къууандым, Мен былайда болмаса,Къайсыннга энди не бла жараялырма?
Къайсын-миллетни адамыды, миллети ючюн, Москба шахарда къалыргъа унамай, туугъан жерине къайтып келгенди, Миллетин сау дуниягъа белгили этгенди.
Айтып турсам,саналып турлукъду. Къайсынны менден ахшы билесиз не этгенин,къаллай инсан болгъанын.

Бу ишге уллу кёллюлюк этмегиз, къол булгъап къоймагъыз, тындырайыкъ, бир тынгылы жукъ къошайыкъ от жагъасыны къыйырына.

'Къайсыннга жюз атлам'проект сизге аманат, сиз Аллаха аманат!

Кёрмегенча, окъумагъанча этип къоймагъан 8 928 706 60 28 - Къара чачлы, сёлешсин!

КЪУРМАНЫГЪЫЗ ДА КЪАБЫЛ БОЛСУН. ЭКИНЧИ БУ ЗАМАННГА КЪУУАНЧ БЛА, САУ-ЭСЕН ЖЕТЕЙИК.
Изменено: Къара чачлы - 17.10.2013 00:38:57
"Къадарны этегинде...","Сени ючюн"...(с)
 
 
 
#2
Джаратама0
17.10.2013 01:37:51 Translit

Къара чачлы, бек иги хапар, бек иги иш. Болушайыкъ, къолдан келгенича. Ачха къайры кёчюрюлюрге керекди?

Алай а, бир айтырым - алайдагъы эл, район тамадала бу ишни къыйналмай баджарыб къоярыкъ эдиле, огъесе ала къошулмаймыдыла?
Джазыучуланы Союзу уа не дейди?
Бу ишни къолгъа алыб, башчылыкъ этген, бардыргъан кимди?
 
 
 
#3
Джаратама0
17.10.2013 01:54:48 Translit
Sabr, Аллах ыразы болсун.
Бу ишни бардыргъан Тетуланы Хадисди.
Эл таматала бу ишге артыкъ къатышмайдыла.
Дазыучулагъа да ётерге деп турама, билмей эселе.
Ахча къайры ётерге керегин, тамбла жазарма.
"Къадарны этегинде...","Сени ючюн"...(с)
 
 
 
#4
Джаратама0
17.10.2013 20:49:17 Translit
Наименование клиента: Фонд помощи сохранению памятников истории и культуры "Сто шагов к Кайсыну"
ИНН 0725990683 КПП 072501001
Банковский счет N 40703810710000000249
Кор.счет 30101810700000000741
БИК 048327741
Банк "Нальчик" ООО

Бюгюн эм биринчи Бурхан Абуюсюфович Берберов кесини чомартлыгъы бла бек къууандыргъанды!
[IMG]БЕК САУ БОЛСУН. Къайсыннга берген сыйын миллетинден кёрсюн!
"Къадарны этегинде...","Сени ючюн"...(с)
 
 
 
#5
Джаратама0
17.10.2013 21:20:41 Translit
Таланнган!
Жетмиш адам окъуду бу теманы....
Тауушсуз кетдиле да...
Жюз сомугъуз жокъмуду, ол жети минг боллукъ эди, сизге ол неди, анга уа талай иш тамам боллукх эди.

Окъуудагъылагъа, бир кюн азыракъ ашасагъыз да боллукъду деп, алай жыйгъанма....
Студентледен!

Тобады.
"Къадарны этегинде...","Сени ючюн"...(с)
 
 
 
Страницы: 1
Читают тему (гостей: 1)

Форум  Мобильный | Стационарный