Расширенный поиск
17 Февраля 2026 года
Логин: Регистрация
Пароль: Забыли пароль?
Навигация
Словарь
  • Гугурук къычырмаса да, тангны атары къалмаз.
  • Садакъачыны джаны – къапчыгъында.
  • Къар – келтирди, суу – элтди.
  • Ишлемеген – тишлемез.
  • Кесине гебен этелмеген, биреуге черен эте эди.
  • Сютден ауузу кюйген, суугъа юфгюре эди.
  • Акъыл аздырмаз, билим тоздурмаз.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Байлыкъ болгъан джерде, тынчлыкъ джокъду.
  • Юре билмеген ит, къонакъ келтирир.
  • Башы ишлегенни, ауузу да ишлер.
  • Игиге айтсанг – билир, аманнга айтсанг – кюлюр.
  • Байны оноуу, джарлыгъа джарамаз.
  • Адебни адебсизден юрен.
  • Тюзню ётмеги тюзде къалса да, тас болмаз.
  • Насыблы элин сюер, насыбсыз кесин сюер.
  • Тойчу джашха къарама, къойчу джашха къара.
  • Келинни – келгинчи, бёркню кийгинчи кёр.
  • Азыкъ аз болса, эртде орун сал.
  • Экиндини кеч къылсанг, чабыб джетер ашхам.
  • Къаллай салам берсенг, аллай джууаб алырса.
  • Нёгер болсанг, тенг бол, тенг болмасанг, кенг бол.
  • Билим насыб берир, билим джолну керир.
  • Ачылгъан эт джабылыр, кёрген кёз унутмаз.
  • Хар сёзню орну барды.
  • Ёлген аслан – сау чычхан.
  • Сёз – кюмюш, джыр – алтын.
  • Айтхан сёзюне табылгъан.
  • Чакъырылмагъан къонакъ къачан кетерин сормаз.
  • Ышармагъан – кюлмез, кюлмеген – къууанчны билмез.
  • Гырджын – тепсини тамадасы.
  • Акъылсызны джууукъгъа алма, акъыллыны кенгнге салма.
  • Арбаз къынгырды да, ийнек сауалмайма.
  • Джангызны оту джарыкъ джанмаз!
  • Хата – гитчеден.
  • Кийиминг бла танылма, адамлыкъ бла таныл.
  • Эшекге миннген – биринчи айыб, андан джыгъылгъан – экинчи айыб.
  • Тил – миллетни джаны.
  • Рысхы – насыбха къор.
  • Башда акъыл болмаса, эки аякъгъа кюч джетер.
  • Юй ишлеген балта эшикде къалыр.
  • Сёлеш деб шай берген, тохта деб, сом берген.
  • Тойгъан джерден туугъан джер игиди.
  • Чыбыкълыкъда бюгюлмеген, къазыкълыкъда бюгюлмей эди.
  • Юйюнгден чыкъдынг – кюнюнгден чыкъдынг.
  • Ашхы атаны – джашы ашхы, ашхы ананы – къызы ашхы.
  • Суу ичген шауданынга тюкюрме.
  • Аурууну келиую тынч, кетиую – къыйын.
  • Ашыкъгъан cуу, тенгизге джетмез.
  • Ата Джуртуму башы болмасам да, босагъасында ташы болайым.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии